هـــم البارحــــــه........

بسم الله الرحمن الرحيم ...

السلام عليكم ورحمة الله وبركاته ...

بعد ذي الغيبه كتبت قصيدهـ اعتز فيها صراحه ..
اتمنى ان تنال رضاكم ..

اقــــول:

البارحه يوم العرب كلها هجاع=قمت اتوجع وانثر هموم صدري
من ماضي الاوقات والقلب منصاع=للي غلاها دوم (ف) الدم يسري
من حبها شفني على ذيك مولاع=كني سجين بيده والعمر يجري
والا سكون الليل مظلم وخداع=مايواسي العله ولا الجرح يبري
الدمع يذرف والحزن كنه شراع=والمركب احلامي والاشواق تطري
كفي يشيل الحلم والا الهوى اطباع=يوم الغضي يامر وينهي ف كسري
ليت الذي يقوى على النفس مطواع=حتى يِعَرْف اشلون مرفوع قدري
والا القوي ياشيخ مايطول بذراع=وانا القوي لوما نفذ حد صبري
نورك ولا غيره ولا نور وشعاع=اعلمك حاجه ولو كنت تدري
بانك اخدت القلب كله والارباع=وحيرتني واحتار عقلي وفكري
مير البلى ل صرت قاسي وقطاع=تا خذ وتجحد وانا معطيك عمري
وش فايدة لو قالو الناس مرتاع=في هجر خلي صار عذره وعذري
عرفت حبك واعرف الساس والقاع=وارسلت قسمي مع عطاياك بدري
تكفى ليا مني.... طلبتك وفزاع=يزورني لا صرت ميت في قبري

وســــــلامتكم ...

[align=center]صح لسانك وعلا شانك
أبيات سلسة تدل على حس الشعري ومقدرتك الكبيرة
لتجديد وتمتعك بموهبة صقل حروفك وسبكها بمهارة تشد القارئ لها

.[/align].

[align=center]نورتي ....

هلا فيك اسعدني مرررورك ...

تحيه طيبه ..[/align]

عبد الله بن محمود
صح لسانك وعلا شانك
وسلم لنا قلمك العطاء

[align=center]هلا والله اخوي الهيتي ...

نورت قصيدتي بوجودك المطل ...


هلا فيك ..


تحيتي...[/align]