صعيدي بيحب في الجامعه(جامده جدا)

[align=center]صاحبنا ده اول يوم ليه في الجامعه وعايش حياه الهبل عالاخر
علي: لو سمحتي حضرتك...ممكن براية
لجين: ههههههههههههههههههههههههههه
علي :حضرتك بتضحكي على ايه ممكن اعرف يعني لو سمحتي
لجين : مش عيب شاب في سنك يطلب براية ..ده احنا في جامعة
علي : طيب معاكي شفرة...عشان المحاضرة هتبدأ خلاص
لجين : ايييييه..ايه شفرة دي..ممكن تسكت لو سمحت
علي : حد معاااااااه براااااااااية....او قلم زيااااااادة..ردوا
لجين: انت اكيد مجنون وطي صوتك الطلبة كلها بتضحك عليك
علي :ويضحكوا ليه ولاد الدزمة دووووووووول
لجين: خلاص خلاص انا هنقل المحاضرة وبعدين اديلك تصورها
علي :شكرا بس انقلي كويس ..وياريت تنظمي الكراسة

(اثناء ما المحاضرة شغالة ولجين شغالة كتابة وعلوه هيموت عشان مش معاه قلم)

علي: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
لجين : انت مالك ومال خطي مش كفاية هديلك تنقل مني وهتعطل انا
علي : ليه وانتي عربية اصلك علشان تتعلطي..هما البنات متعطلين خلجة
لجين : انت انسان قليل الادب...بجد مش بتعرف تكلم البنات ازاي
علي : لأ يا شيخة والنبي المرة الجاية تبقي تجيبيلي الكتالوج بتاعك

(لجين عشان رقيقة سكتت ومش عرفت ترد على بجاحة علوشه وانتهت المحاضرة )

اثناء خروج الطلبة من المدرج...علوه حب يستظرف بس بطريقة غبية شوية
علي وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(لجين بتحكي مع زميلتها من كلية تانية على صاحبنا علي )

لجين : بصي يا رشا الولد ده....فضيحة فضيحة يعني...وحكتلها على اللي حصل
رشا : تلاقيه شاب تحفة...مش باين عليه استايل خالص..ده لابس بدلة وكرافت
لجين : بس تعرفي شكله وسيم اووووي...حاسة انه طيب وعلى سجيته
رشا :اوووو...ده وسيم؟...ده مش حاطط نقطة جيل على شعره حتى..شعره منعكش جدا
لجين:يا ستي سيبك
رشا: على رأيك

خلص اول يوم في الجامعة وقبل النهاية بدقايق

علي: يا استاذة يا انسة فين المحاضرة عايز انقلها هاتيها يلا يلا بسرعة
لجين: تنقل ايه يابني دي عشر ورقات غير في رسومات وجداول
علي :ومالهم يعني عشر ورجات انتي هتخلفي وعدك ولا ايه
لجين : انا مقلتش كده بس في حاجة اسمها تصوير..اسرع يعني
علي: هههههههههههههههههه اصور ايه بخطك الزفت ده..شوفي ...زفت
لجين: حقيقي انا غلطانة وكلام رشا باين عليه صح...بعد اذنك..اوف

سابته ومشيت .....

وقال علي: عليكي يا شيخة وعلى رشا وعلى الجامعة كلتها....وبرضه خطك زي الزفت

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا علوه ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في علوش وهيتعامل معاها ازاي
كان ميعاد المحاضرة الساعة 8 صباحا...كان علوه واقف قصاد المدرج
من 6 الصبح مش عارف ليه ونبتدي الحلقة التانية يا جامدين


علي: ديب ديب ديب انتوا يا ناس يللي هنا...افتحوا الباب
الامن : يا فتاح يا عليم يا رزاق يا كريم
علي: ماترش ميا يا راجل قصاد المدرج عشان تستفتح
الامن:يا كابتن المحاضرة لسة الساعة 8 مفيش دخول دلوقت
علي:هدخل يعني هدخل..عليا النعمة هدخل هاااا
الامن: قفل الباب في وشه ودخل جوا
علي : يا ابن الدزمة انت هتضيع عليا المحاضرة شكلك
علي: اما اروح اجيب كوباية شاي سخن مولع
بتاع الكافي: تؤمر بأيه يا فندم
علي : شاي خمسينة بنعناع
بتاع الكافي: ايه ايه...مفيش نعناع
علي: ومفيش نعناع ليه
بتاع الكافي : هو كده مفيش نعناع على الشاي ..النعناع لوحده
علي :طيب هات نص كوباية شاي ونص كوباية نعناع
بتاع الكافي: خد فلوسك اهي
علي:طب والشاي ابو نعناع فين
بتاع الكافي:اوووف
علي:اوووف على دماغك...ابن دزمة صحيح
________________________________________

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى لجين فارشة كل حاجتها وبتشرب كابتشينووووووووووووووووو

علي : بصوت لا يطاق....ايييييييييه ده يا هانم...هي وكالة من غير[/align]

[align=center]بواب
لجين :وطي صوتك من فضلك انا بتكلم بهدوء وبأدب
علي:هي دي طريجتي..عاجبك ولا مش
لجين:طيب انا مش هقوم
علي: هروح للعميد يجي يقومك
لجين:ههههههههههههههههههه
علي:بتضحكي على ايه يا باردة
لجين: لم نفسك
علي: شايفاني مبعتر في الارض ولا اييييييييه
لجين: مش هتحضر...هههههههههههههه
علي:عليا الطلاج لأحضر غصب عنك وعن عين الدك....


وفجأة سمع صوت الدكتور بيناديله
________________________________________
بعد ما الدكتور طرد علي من المحاضرة بسبب نور
وخرج زعلان خالص و لجين صالحته وقالتله خد المحاضرة انقلها
واثناء ما كان بينقلها وبيقول خطها وحش بس هي طيبة كانت هي جاية بتبتسم

لجين : احمد انت خلصت المحاضرة
علي : لأ لسة انا في اول صفحة مش عارف اجرا الكلمة دي
لجين قرت الكلمة
لجين : اوكي كمل انا هستناك
علي :لا لا انتي لازم تروحي دلوقتي عشان انتي اتأخرتي خالص
لجين : طيب والمحاضرة
علي : تتحرج المحاضرة
لجين ضحكت ضحكة رقيقة جدا حركت قلب احمد الاسد
علي : ممكن اوصلك لحد الباب...والله لحد الباب بس
لجين : اوكي اوكي مفيهاش حاجة اتفضل
علي : انتي في الجامعة هنا من امتى
لجين :ايه يا علي انا في سنك لسة اول سنة
علي : انا عارف انا عارف
علي : وياترى دخلتي هنا واسطة ولا ايه
لجين : هههههههههههههههههه ... علي مالك في ايه
علي : لا بهرج معاكي
لجين: تعرف انك
علي :اني ايه
لجين : طيب اوووي
علي : وانتي انسانة محترمة اه فعلا محترمة بجد
لجين : ميرسي
علي :يالهوي ياني انا منجلتش المحاضرة بتاعت النهاردة
لجين : ميرسي يا احمد على التوصيلة الجميلة دي منك
علي: انتي رايحة فييييييييييييييييين
المحاضرة
المحاضرة
المحاضرة
________________________________________

علي مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك
علي : طيب وانا اعمل ايه يعني جارتي ولا مش جارتي
تؤ...طيب قول صباح الخير..قول صباح النور..قول صباح اللي بتغني
علي : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
انا ؟ ؟
علي : امال امي
تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك
ا علي : متشكر يا ستي متشكر خالص انا...عاوزة ايه مني على الصبح كده انا ورايا جامعة
ايه ده ..انت بتروح الجامعة...انا بفتكرك في المدرسة
علي : صبرني يارب صبرني ...جولي عاوزة ايه هتأخر على الجماعة
عندك حبة شطة
علي : هاا...جلتي عاوزة ايه
شطة شطة....اللي بتخلي الاكل يوحوح
علي : لا انا مش بحب اوحوح عن اذنك...وقفل الباب ولبس بسرررعة ونزل

ركب الاتوبيس

علي : الاجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
علي: ماشي يا عم الجديد....بكام الاجرة
الكمثري :بجنيه وعشر قروش يا كابتن
علي : اشمعنى وعشر قروش
الكمثري : حكومة تقدر تتكلم
علي: خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش
علي :هشششششششششش
انت قليل الادب مش محترم كمان
علي: هسسسسسسسسسس
احمد : انا ورايا محاضرة مش فاضيلك انا خدي منديل
انا هوريك انا لازم ابهدلك
يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة[/align]

[align=center]
جوجو(لجين) لمحت الخناقة من بعيد

لجين : علي علي في ايه
علي : ابعدي انتي يا لجين ده تار قديم وهيخلص النهاردة
لجين : علي دي جامعة اي خناقه انت ممكن تتفصل
علي : ومحضرش محاضرات تاني ؟
لجين : ايوة ايوة انا هروح انده الامن
علي : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله علي خرج سليم
مع انه كان ادها وادود يعني بس خاف طبعا على مستقبله



علي : متشكر يا لجين جوي
لجين : ضحكت برقه وقالتله ده اقل واجب يعني
علي : انتي عملتي الواجب صح
لجين : واجب ايه يا علي هو احنا في مدرسة
علي : ههههههههههه اصلها فاكراني في المدرسة
لجين : هي مين دي
علي : اللي عاوزة الشطة
لجين : انا مش فاهمة حاجة يا علي
علي : انتي بتحبي توحوحي
لجين : هههههههههههههههههههه
علي : هههههههههههههههههههه
لجين: تعرف يا علي ان دمك خفيف اوي
علي : ربنا يخليكي انا مش بجدر على الكلام ده
لجين : هو انا قلت حاجة يا علي
علي : ايوة دمي خفيف وحلو ومسمسم والكلام الكابير ده
لجين : ههههههههههههههههههههههه
علي: بتضحي على ايه عاد
لجين : ههههههههههههههههههههههه
علي : يوه يوه يوه
لجين : المحضارة هتبتدي يا علي يلا نحضر
علي : ماتيجي نتمشى شوية في الحديقة(اخينا من عهد ما قبل الثوره) وبلاش المحاضرة
لجين : (صاحبتنا لقيت الاخ اتحرك واتلحلح شويه فاعجبت) بجد ...طيب يلا
علي : ال حديقة ال....يلا يا هانم نلحج المحاضرة انا حاجزلك جنبي


علي دخل لقى اتنين اعدين مكانه هو و لجين
ثم

يتبع الجزء الثاني[/align]
م ن ق و ل

هاهاههههههههههههههههههههها والله ضحكتني من جد علي تحفة ولجين صبووووووووووووووووره بس علي
خفيف دم كثيييييييييييييييييييييييير أنتظر الجزء الثاني بشوق للضحك وللحححححححححححح أخحححححححححححححح
هههههههههههههههههها

علوشه صعيدي زي ههههههههههههههههههههههههههههههههههههههههههه بس هو صعيدي اصلي

انا تقليد متربي في اسكندريه ههههههههههههههههههههههههههههههههه

وان شاء الله حجيب الجزء الثاني قريب

الحقنا يامحمدين واتحفنا بالجزء التاني

تحيتي لك

حاضر عيني يا امل باذن الله قريب
ميرسي عالمرووووووووووووووووووووووووووووووور الرااااااااااااااااااااااااااااااااائع

[align=center]ونكمل مع بعضنا بقيه القصه هاااااااااااااااااااا جاهزين
علي : ايه يا كابتن انت وهو انا حاجز المكان ده من بدري
الشباب :انت حاجز صالة ولا بلكون
علي : لأ حاجز حمام يا خفيف
الشباب :هو انت فاكرني شاي ولا ايه
علي : ايوة شاي ومتاخدش في ايدي غلوة كمان
انت باين عليك متعرفش الكابو هيثم
علي : وانت باين عليك متعرفش علي ابن عم هريدي عمدة القرية
ههههههههههههههههههههههههههه
علي : بتضحك على ايه يا ابن الدذمة
ودخل علي في خناقة ولجين مش عارفة تعمل ايه غير انها جابت النوت بوك بتاعها وفضلت تضرب مع علي
علي : اي اي ايه يا لجين دي دماغي انا
لجين : سوري يا علي مكنش قصدي بجد
علي : اخرجي انتي برا وايه الجلم الرصاص اللي بتضربي بيه ده
لجين : انا لازم اموته لازم اكسره
وفجأة
دخل الدكتوووووووووور
الدكتور : في ايه يا ابني انت وهي وهو
علي : هجطعه
الدكتور : تقطع مين يابني ...احنا في جامعة
علي : جامعة مش جامعة هجطعه
لجين : ايوة احنا هنجطعه
الدكتور : تعالوا برا انت وهي
علي: لأ والنبي يا داكتور الجو ساجعة برا جوي
الدكتور : اطلع بقولك لجين : يلا يا علي
علي : يلا ايه وزفت ايه ...هو احنا رايحين نتفسح
وطلعوا يا عيني هما الاتنين ولسوء حظ علي انه برضه محضرش المحاضرة دي كمان
علي: انا مروح يا لجين
لجين : لأ خليك اعد معايا شوية
علي: لأ يا لجين انا مروح
لجين : انا عايزة اتكلم معاك
علي : بكرا ان شاء الله نتكلم كتير...ماهو كده كده مش هحضر بكرا برضه
لجين : انت بتحب الماحضرات ليه يا علي
علي : انا جاي القاهره عشان اتعلم يا لجين مش عشان اتنزه
لجين : انا عارفة انك شاب مش فاضي من جواك
علي : ربنا يخليكي يا لجين
لجين : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي
علي : ماتجولي معفن احسن يا ست لجين
لجين : انا مش اقصد خالص
علي : ولا تقصدي...انا جيت القاهره غلط من اساسه دي مش بيئتي ولا دي حياتي
لجين : انا اسفة
علي : انا اللي اسف ....عن اذنك
وبعد ما علي مشي لجين مشيت هي كمان وكانت زعلانة جدا من كلامها معاه ولو انها مكنتش تقصد بس علي حساس حبتين لجين حاولت تتصل باحمد عن طريق جارته
لجين : الو ممكن اكلم علي جار حضرتك
الجارة : علي مين يا انسة
لجين : ا علي جارك
الجارة : اااه تقصدي علوه علوشه علوشتي
لجين : انتي مسمياه كده
الجارة : هو بيحبني اووي اقوله كده
لجين : طيب كويس ممكن تناديه
الجارة : علي علي علي علي
علي : سلام قولا من رب رحيم..اختشي يا وااالية على دمك بجى في حد يخبط على حد الساعة عشرة بالليل
الجارة : يووه ايه يا علوه..انا خضيتك ولا ايه...طيب تعالى في حضن ماما تعالى
علي : اخلصي يا ست عاوزة ايه مني وليه بتخبطي في وقت زي ده تليفون عاوزك
علي: والتليفون عاوزني في ايه
هههههههههههههههه جتك ايه يا علوشه يا سكر اقصد حد عاوزك على التليفون
علي : ابوووووووويا جراله ايه انطجي قولي
لأ لأ ده صوت واحدة
علي : امي امي اما مالها مالها
الجارة : ده صوت جثة
علي : ههههههههههههههههههههههه
علي : والجثة هتتكلم ازاي يا ام مخ تاخين
تعالى ورايا يا علوشه وانا اخليها تنطق وتتكلم
علي : طيب يا وش المصايب
لجين سمعت ضحك احمد ويا جارته دي ...وقفلت السكة علي : الو الو ...الو الو علي : هههههههههههههههههههههههههه علي: الجثة مش راضية تنطق...ده باين كده الجثة ماتت هههههههههههههههههههههههههههههههههه __________________________________________________ ______________________________ وبعد ما لجين كلمت علي في التليفون...وكانت زعلانة جدا لما سمعت صوت جارته...و علي مكنش داري بالدنيا ساعتها ...من ساعتها علي ابتدى يروح الكلية وكان متخاصم مع لجين بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات
علي بيكلم واحد صاحبه عن الامتحان
علي : امتحان ممتاااااااز سهل ميا
سيف صاحبه : حرام عليك..ده انا مكتبتش حرف
علي: ليه جلمك اتجصف ولا ايه
سيف : لأ يابني الامتحان مليان
علي: بوي ..مليان ايه انت هتجنني
سيف : في ايه دلوقتي
علي: انت طلعت اول مسألة كام
سيف: محلتهاش
علي : والتانية سيف : 100
علي : حمار
علي : طب والتالتة
سيف : 2000
علي : حمار
سيف : يوووه
علي : طب
والرابعة
سيف : محلتهاش
علي : يا حمار هما تلاتة بس
سيف : انت اعد ولا هتسافر البلد
علي: لأ هسافر انا مش ليا حد هنا ولسة بيدور وشه....
قرب عليه الملاك لجين...
وبصوت رقيق
لجين : يارب تكون حليت كويس
علي : ايوة الامتحان كان ممتاز
لجين : لسة زعلان مني
علي : وهزعل منك ليه...احنا بيننا ايه
لجين : مفيش عادي بسألك ..انت ليه دايما عصبي
علي : على فكرة انا لو مجبتش امتياز هيكون بسببك
لجين : ليه بس...انا السبب
علي : فاكرة الكام محاضرة اللي اتطردت فيهم بسببك
لجين : هههههههههههههههههههههه
علي: هههههههههههههههههههههههههههه
لجين : وحياة اغلى ما عندك مش تزعل مني
علي : طمنيني عملتي ايه في الامتحان
لجين : بليز يا علي متزعلش مني اسفة بجد
علي :وحشتيني
لجين : انا ؟
علي: وحشتيني يا امي
لجين : هههههههههههههههههههههههه
علي :مالك اتخضيتي لما قلت وحشتيني
لجين: وانا هتخض ليه
علي : اسألي نفسك
لجين : هه ظريف
علي : امسكي نفسك شوية يا بت
لجين : هههه خفيف
علي : مش ملاحظة حاجة عليا
لجين: لأ بس شايفاك مبسوط عن قبل كده الحمد لله
علي: لأ لأ حاجة في شكلي
لجين: الراجل مش بشكله
علي : اااااااه والله....بعد ايه ...مش كان شعري متنعكش ومش بيتسرح
لجين : انا مكنتش اقصد ...كنت بهزر معاك
علي : اااااااااااااه بعد ايه بقى بعد ما جبت علبة كريم بامبرز ب 25 جنيه
لجين : ههههههههههههههههههههههههه اسمه بالمرز
علي : ايوة امسكي في التفاهات دي...يعني شعري وحش
لجين : جميل
علي : بجد
لجين : جميل راتب ده ممثل ممتاز
علي : ااه يا رخمة
لجين : هههههههههههههههههههههههههه
علي : انا هسافر اسبوعين وجاي تاني
لجين : ليه كده خليك هنا
علي : هستنى ليه
لجين : نروح شرم الشيخ مع الجامعة
علي : رحتها كتير كفر الشيخ
لجين : شرم شرم
علي : بتاعت البنات الافرنجه ( الواد علي من ايام سيف الدين قطز) اللي مش بيلبسوا هدوم
لجين : عيببببب يا علي
علي : في ايه هو انا اللي قولتلهم اقعدوا كده عالبحر بالمايوهات
لجين : خلاص بقى رد عليا عشان نروح ..اتصل بيا
علي : ان شاء الله لجين : اوكي اشوفك على خير
علي : كنت عايز اقولك حاجة مهمة اوووي من زمان
لجين: ايه هي يا علي قول قول
علي : مش مسامحك على المحاضرتين اللي محضرتهمش بسببك
لجين : مع السلامة يا علييييييييييييييييي
علي : سلام يا لجين
وهو مروح بقى......عليا الطلاج لهرووووح الرحلة
انتظروا باقى القصة[/align]
م ن ق و ل

حرام عليك يامحمد كمل بسرعة بشوووووووووووف الرخم علي عمل اي

مش برضه كده علي رخم هههههههههههههههههههههههههههههههههه

طيب طيب الصبر يا شوشووووووووووووووووووووووووووو الصبر

محمد
انت هتحكى لينا حيات الصعيدى خلال الاربع سنوات ولا اية ؟؟؟
هههههههههههههه

طبعا يا بوي ده من قنا كمان بلدياتي يعني هههههههههههههههههههههههههههههههههههههه

أقوووول عمو أحمد ومحمد خليكو من هذا كله كمل لي القصة وإلا
والللللللللللللللله أرتكب جريمة فيك زي علي

هههههههههههههههههههههههههههههههههههههههههههههههه ماشي يا شوشو