الحقوا يا جماعه جالى عريس

[ALIGN=CENTER]
أحمد حبيبى
قدرى ونصيبى
وبيشرفنى اعزمكم
بس عايزه خدمه منكم
تقولولى بكل صراحه
علشان اكون مرتاحه
انا اخترت صح؟
ولا دح دح؟
انا هحكيلكم حكايتى
من بدايتى لنهايتى
مع حبيب القلب
اللى حب وطب
اول ما شفته مقلوكوش
كان ماشى شعره منكوش
لابس جزمه مقطعه
وماشى ماشيه مقمعه
وانا كنت ماشيه على الرصيف
شفته قلت يا لطيف
كان ماشى كده قرفان
وبيهرش زى الجربان
وقف يستنى الاتوبيس
اللى يودى على رمسيس
المهم انا مشيت
وانا ماشيه كده حسيت
ان فيه حد ورايا
التفت وبصيت
لقيته هيهزرويايا
انا بصراحه اتقرفت
شتمت واتعصبت
وجريت على بيتنا
ودخلت حتتنا
لقيت شباب الحته
واقفين فى كل حته
وصاحبنا بيعاكسنى
كلامه بجد فرسنى
ضربته قلم على الوش
لقيته احمر وكش
واتلم عليه الشباب
ادوله علقه هباب
المهم عدى اليوم
وبعدها بكام يوم
صاحيه من النوم
ماما قالتلى فيه ضيف
شكله كده مش نظيف
جاى عايز يخطبك
ومن ابوكى يطلبك
ببص لقيته هو
قاعد فى الاوضه جوه
وبعدها بشويه
وانا قاعده مستنيه
بابا نده عليا
قالى ايه رايك
الموضوع يهمك
وسابنى اتكلم معاه
وقفل الباب وراه
فضل صاحبنا يرغى
وكل شويه يقربلى
شويه وهيقعد على حجرى
قالى انا عندى اوضه
وعفش اخر موضه
وحبيتك اول ما شفتك
ونفسى اتقدملك
وكلى تحت امرك
وشويه وكان هيعيط
وشكله كده متمرط
قلت حرام احرجه
اهو احنا هنجربه
المهم وافقت
مع انى اتخنقت
وانا بعزم كل اخواتى
من قبل كتب كتابى
علشان اشوف رايكم
لو امرى يهمكم



تحية واحترام
ولاء[/ALIGN]

كدابة ياجماعة ما تصدقوهاش
دى هى اللى كانت بتجرى ورايا

ولاء
اتوكلى على الله ووافقى

مش عندة غرفة وعفشة ماية

خلاص حد طايل دة عريس خفة

وبعدين شباب الحتة فين مافيش فيهم حاجة احسن شوية .

اتوكلى على الله وقولى يارب

حد يطول اهنا ويقول لاء

صح وائل
الله يبارك لك
وبعدين بينك وبينها كده قولها
يالله قبل العريس ما يطفش
انتى كنتى لاقية

انا برضه اللى كدابه
صحيح اللى اختشوا ماتوا يا حبيبى
ههههههههههههههههههههه

يا وائل فيه مثل بيقول
اعمل الخير وارميه البحر
انا بس مش عايزه اكسر قلبه
وهو بصراحه شكله متبهدل خلقه يا عينى
وعموما لسه موصلتش للدرجه دى
لازم انظفه بس الاول واعمله كام عمليه تعديل كده
وبعدين اشوف هكمل معاه ولا لا
انا ورايا حاجات كتير قبل الخطوبه
هوديه المغسله الاول علشان شكله مستحماش من زمان
ولسه الحلاق واللبس
وموال طويل عريض
ربنا يكون فى عونى
وميفضحنيش بمنظره ده يوم الخطوبه

ياسيدى سيبها تشاور وتاخد وقتها

لسة باقى الأخوة ماعرفوش

وبعدين لو طار العريس فى غيرو

الدنيا ماخلصتش وانتى ياولاء ماتزعقيش لعريسك كدة

وتقولى علية كداب يعنى هى جت على دى

هو انا اقدر ازعله يا وائل
ده انا خايفه ازعله يعمل فى نفسه حاجه
ويبقى ذنبه فى رقبتى ليوم الدين
والعمليه مش ناقصه

ياوائل دى ولاء غالية عندى قوى
أنت عارف أنا لما رحت لعمها
أطلب ودها
قالى خد عليها اتنين جنيه
وما تقولش ليه
يعنى خواتها موافقين موافقين
همه كانو لاقين

الجميلة الطيبة ولاء .........

لا يهم من الذي سار وراء الآخر

المهم أن القلبين والروحين اجتمعا

من أعماقي يا ولاء ..تستحقين كل الخير .. والعبد الفقير فيه الخير

على فكرة يا ولاء .. لو سبتم بعض فيه واحد مستني .. هههههه

إن شاء الله تخلفون بعد الزواج شاعر كبير نفتخر بيه جميعاً

أطيب الأمنيات وعلى بركة الله يا ولاء

عاشق الشرق
والله انت راجل طيب وامير
بس احنا لسه بنقول يا هادى
يعنى لسه متخطبناش رسمى
عموما اللى فيه الخير يقدمه ربنا
ههههههههههههههههههههههه
ولو انى قلبى مقبوض من التدبيسه المنيله دى
عموما كله بيطلع فى الغسيل

بقى تدبيسة ياست ولاء
خلى شاهد ياعاشق الشرق
عموما ياولاء جهزى نفسك علشان النهاردة حرجع بدرى عشر دقايق من الشغل علشان أروح انا وانتى نأجر شبكة
ونأجر فستان وقميص وشورت وشبشبين وببيون علشان حفلة الخطوبة
وعايزك تأكدى على جماعة المنتدى أنهم معزومين على الخطوبة كلهم يوم التلات قبل اللى فات
أوك
اوعوا حد يتاخر
وكل واحد يجيب معاه كيس لب علشان ما تبقاش القاعدة مملة
باى

ناجر ايه ؟؟؟؟؟؟؟؟؟؟؟
سمعنى تانى اصلى انا مسمعتش
ناجر الشبكه والفستان كمان
يا ميلة بختك يا لولا
جايلك عريس منحوس فقران
ورضينا بالهم والهم مش راضى
دى تدبيسه منيله وشوره مهببه

مبرووووووووووووووووووووك

عاملين الفرح بأي مستشفى

الفرح هيكون فى القسم يا توتى
ماهو سجن بسجن بأه
الله ياخده ويريحنى منهم اللى فاضحنى
ومشردنى وسط اصحابى