آنستي العزيزة .. هام جدا

بسم الله الرحمن الرحيم
شوفوا النصيحة من راجل باين عليه مفجوع وعايز يلزقها فى الستات

آنستي العزيزة .. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد .

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه .

1- لازم تعرفي إن الشوكة و السكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًا !

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه .

3- الشوووربة.. أبوس كعب رجلك.. بند الشوربة ده مهم جدًا .. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. و طبعًا ! عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة .

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه .

5- المكرونة الاسباكتي .. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6- السمك .. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري .. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9- الفاكهة .. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي .

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك .
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفا

منقول

بلبلة حرام عليكى ليفتكروا ان المصريات بشعات ومتوحشات ههههههههه

اوعوا تصدقوها دا احنا كلنا رقة وحنية
شكرا بلبلة لهذة الكوميديا الجميلة في فن الاتيكيت
من القلب للقلب سلام وتحية 0000 تقى

حبيبتى تقى ده انا باقول الأول ده واحد مفجوع عايز يلزقها فينا ياتوتو

[ALIGN=CENTER]
الأخت العزيزة
بلبلة الأسكندرية
صاحبة النصائح الزوجية
كلمات مرحة
ونصائح مضحكة
دمت بود
[/ALIGN]

اخى العزيز معاذ شكرا جزيلا لك

بلبلة
انا شايف ان الترتيب مخل شوية
وفية نقص
فالمفروض يبدأ بالبند السابع ( الجمبرى ) ويلية السادس ( السمك )
اما الاصناف من التانى الى الخامس فانا شايف انها مالهاش لزمة جنب الجمبرى والسمك

وبعدين فين الكلام عن الكباب والموزة المشوية انا مش شايفلها ريحة فى كلامك
خخخخخخخخخخخخخخخخخخ
دمت بود ا
احمد المصرى

اخى العزيز احمد المصرى معلشى المرة الجاية مش حاأنس اكتبها
شكرا لكى اخى الكريم

هههههههههههههه

لحد هنا وفهمنا طب واللي ما يحبش الفول والطعمية يعمل ايه :pcring:

بلبلة روحي يا شيخ الهي يسعدكِ زي ما أدخلت البهجة الى قلوبنا في موضوعكِ الحلو هذا

حبيبتى جارة القمر اللى مش بيحب الفول والطعمية ياكل ايه ممكن سندويتش بذنجان مخلل
هههههههههههههههههههههه
الحمد لله انى قدرت ادخل البهجة على قلبك حبيبتى اللهم دايما شكرا لكى حياتى

[ALIGN=CENTER]
شكرا لك بلبلة على الابتسامة الجميلة
تحياتى لك [/ALIGN]

حبيبتى امل 2005 الحمد لله انها عجبتك حبيبتى باكون سعيدة جدا لما اكون السبب فى بسمة انسان شكرا لكى حبوبتى

[ALIGN=CENTER]اختي الكريمة
بارك الله فيك وشكره على لابتسامات[/ALIGN]

حبيبتى محبة الهدى اسمك جميل فعلا اشكرك حبيبتى والحمد لله انك مبسوطة من موضوعى