خناقة زوجية

خناقة زوجية
زوجة نكدية وغاوية تجر شكل جوزها , تعالوا شوفوا قالت اية وجوزها قالها اية :

1-يادى النيلة على وعلى سنينى حتة طوبة ياراجل تكعروك كدة الحق على انا
انا اللى ماشفتش كويس قبل مااتنيل


الزوج : يعنى لو انا كنت شفت وكويس.. كنت اتجوزتك من اصلة ؟!!!! ماهو الحال من بعضة .دة نظرتك كعب كباية وياما اتكعورتى فى الشارع ونا قومتك وعمرى ماعايرتك بالعمش اللى فى عنيك

2- اووووووعى عينك تزوغ على واحدة كدة ولا كدة ولا اجى اخزقهم لك
واقطعك حتت حتت واعبيك فى اكياس ماتنساش لعب العيال وال8 اساور وال4 سلاسل بتوعى



هو اللى يتجوز زيك ممكن يفكر او يبص لاى واحدة تانى !! على راى المثل كفاية من الدست مغرفة
واللى اتلسع من عديلة يخاف من الهام . واللى عضة التعبان يخاف من الحبل


3-كنت بتتصرمح لى مع مين فى ساعتك المهببة ده نهارك ازرق ومنيل
انطق كنت فين . بت يا عدلات هاتى لى الساطور يابت وسكى الباب والشباك علشان يعرف ينطق ويقلى كان فين ده لحد دلوقتى ومع مييييييييييين ماهو اللى ماخدتهوش القرعة ..............


فعلا انت قرعة ودية غلطيتى ان انا اتجوزتك . كنت مع امك بوديها عند الدكتور بتعمل طقم سنان وطلعت من عندة على الكوافير بتصبغ شعرها احمر وبعدين راحت اشترت جزمة كعب عالى .. والله انتم باين عليكم علية مجانين.. هى امك فاكرة نفسها صغيرة ؟؟؟ دية بلغت من العمر ارزلة

- 4 ابقى وهات لى معاك كدة تورتاية ولا حاجة عدلة احلى بيها بقى
بعدين اتكسف على دمك وخش علينا كدة بحاجة عدلة بدال مانت جته كدة طالع نازل فاضى من كله

هو كل اللى بجيبة دة مش مالى عنيك دة انت حولتى الفاكهة كلها اللى بجبها على بيت اهلك . هو انت شاطرة بس تعملى كنافة وبسبوسة وتحوليها على بيت اهلك وعيزانى اشترى جاهز كمان ,,,, ابقى خلى حتة من اللى بتعملية وطفحية لاهلك لينا 5- ياما جاب الغراب لُامة
فعلا اذا اكرمت اللائيم تمرد فعلا انا اية اللى كان جوزنى الغراب دة ؟؟؟



6-وانت صغير لسة مسخوط ماتتنيل وتروح تجيب لك اللى انت عاوزة مانت زى القرد بتتنطط لى فى البيت من الصبح


يعنى انت قاعدة طول النهار مش عايزة تعملى حاجة ف البيت هو انا مربى عجول فى البيت ولا اية العبارة
7- ماقلتش ليه طيب قبل مااترزع هو انت دايما كدة تطلب الحاجة بعد مااترزع
انزل اطفحها تحت ع القهوة ولا فى اى داهية
واية المشكلة اعملى قهوة وبعدين اترزعى تانى اعدى .. الهى تترزعى ماتقومى ياشيخة
8-
بلا نيلة ايش ياخد الريح من البلاط وال ضربوا الاعور على عينه

البلاط دة هو اللى خل لك قيمة بعد العشة اللى كنتم ساكنين فية .. والله عرفتى تتكلمى على البلاط اهوة وعرفتية بدل تراب الشارع اللى عمل شق فى كعب رجليكى 9-
لو قالها ناويلنى العيش ياعديلة تقلله
انت مش شايفنى باكل زيي زيك ولا انت بتاكل من اللى ع السفرة وانا باكل نفسى

مانت اعدة تطفحى طول النهار لما بقيت اد الفيل .. هو انت بتبطلى اكل ابدا نفسى اشوف بقك مقفول شوية 10
-قالت له : جرى ايه ياراجل مش طايق تمشى جنبى الله يرحم ايام ماحفيت علشان تتجوزنى


والله انت منظرك مايشرفش الواحد يمشى معاة .. اوعى تكونى حاسبة نفسك من النساء .. دة انت فضلات نساء زى القماش كدة
وبعدين انا ماجرتش وراك انت اللى كنت بتعملى الاكل وطلعية ليا وتقوليلى ماما بتصبح عليك وتقولك النبى وصى على سابع جار وتعدى تتلكعى ادامى . احمدى ربك ان انا رضيت بيك وقلت اكسب ثواب فية والا كنت هتبورى وكان زمانك اعدة جنب الست ولدتك حاطة ايدك على خدك ومستنية العريس 11-

بتقول له : ياما جاب الغراب لامه بدال مايخش علينا بكيس فاكهى جايب لى خيبة زيه يطفحه معانا ماكانت اخدته فى اى داهية ولا عند امك الارشانه وطفحتوا عندها ماهو اطبخى ياجارية ...............


هو انت بتدفعى حاجة من جيبك ؟؟؟ وامى اللى اعدة تجيبى سيرتها دية هى اللى علمتك ازاى تطبخى وازاى تلبيسى وازاى تتكلمى فاكرة شكلك لما كنت جاية اول مرة .. وان كنت نسيتى اللى جرى هاتوا الدفاتر تنقرا
12- قالت له : يااخويا ماللى مات مات كفاية عليها كدة هى حتاخد زمنها ومن غيرها اهى اندفنت خلاص شوف حالك بقى


خلى بالك ياعديلة دة كاس وداير وبكرة تغور امك فى داهية واقولك كدة بردة
13-قالت له : خييييير وانت يجى من وراك خير يابوذ الاخس صباح الهباب على دماغك قوم فز البس وانزوزل هات لنا الفطار العيال جعانه


تصدقى بالله انا استحملتك كتير ياعديلة
عديلة روحى وانت طالق بكل المذاهب

وهنا انتهت المبارة الزوجية بالطلاق
احمد المصرى

[ALIGN=CENTER]ههههههههههههههههokkamal
بينفع ينعمل الهم مسلسل بعنوان خناقة زوجية 20 حلقة
ونهايتهم الطلاق
ههههههه يسلمو موضوعك كوووووووووووووول يا كووووووووووووووول
[/ALIGN]

حووووار ساخن جدا

وطبيعي نهايته طلاق بتلاته


تشكراااااااااات استاذ احمد

عزيزى أحمد
حوار باللهجه المصريه في الاحياء الشعبيه
صورته بقلمك بطريق تصوريه رائعه
هى ست نكديه لكن اكيد هو زوجها بوزه يقطع الخميره من الفرن

ابدعت يا احمد

ننتظر حوار سكان المناطق الراقيه لما يتخانوقوا بالرقه حيكون شكله ايه

ارق تحياتى ...........تقى

مابعرف شو


شاكر لك مرورك الكريم
وارجوا ان تكونى استمتعتى بالخناقة
وكنت انتظر منك ان تتدخلى لتصلحى بين الطرفين

دمت بود
احمد المصرى

الاستاذة حياة
شاكر لك مرورك الكريم

وقد علمت ان كل من الطرفان
يسعى الان لاختيار زوج جديد
يعوضة عن ايام الدنك مع الطرف الاخر
ولكن بعد انتهاء العدة طبعا

دمت بود
احمد المصرى

[ALIGN=CENTER]الاخت الفاضلة تقى
لم ينتهى الموضوع بعد
ربما يحدث خناقة بين الاهل
بسبب العفش والمفروشات
او مين اللى هيدفع تكاليف الطلاق
وهناك نفقة متعة ونفقة اولاد وربما
يرفع الامر للقضاء
وهناك بعض اولاد الحلال بيحاولو
اصلاح ذات البين بين الطرفين

فلن استطيع ترك الموضوع الان
وربما نجد هنا من يجرى حوارا للاصلاح ,
او يسرد لنا ماتم فى جلسة الصلح بينهم
او نجد من يسجل لنا عريضة الدعوى والاسباب التى ادت للطلاق
مثل ان الزوج يستيقظ صباحا بيجامنتة مكسرة وليست مكوية كبيجامة حسين فهمى عندما يستيقظ صباحا
او ان شعر الزوجة بيكون منكوش وليس مصفف وناعم مثل شعر يسرا مثلا عندما تستيقظ صباحا
او انه لايجد على وشها المكياج عندما يرجع من عملة ويجدها فى المطبخ او بتنظف المنزل

فارجوا ان تساعدونا فى ذلك

اما بخصوص حوار ولاد الذوات فهو صعب على لاننى لست منهم
وايضا تلك الخناقات بتكون شديدة الافعال فقد يتبادلوا التراشق بقطع اللبان ( العلكة )
او بقطع البسكوت فيصاب الكثير منهم ويخر دم كما ان تلك الخناقات بيكون الكلام فيها باللغة الانجليزية
ولو كانوا من طبقة مثقفة فتتدخل االلغة الفرنسية ايضا

وانا لااجديد هذة ولاافهم ذلك
فاترك لك انت ذلك الحوار لتبداءية وسوف اشارك معك فى الردود
ولكن اخبرينى اذا قررتى
دمت بود
احمد المصرى[/ALIGN]