براءه

عن لسان الام
يبني لا تثلم شرفنه
يبني ظلعك من رجيته لضلعي جبرته وبنيته
يبني هاي ايام يفرضهه الكحط ايام محنه
سنه وجفونك وردتين على راسى
وبيك اناغي بكل فرح عرسي النسيته
وشيلة العلاكه يبني
يبني ريت الجلب يرضع من حليبي
ولا براءة عار متبركع تجيني
هاك خذ عار الجريده ولف ضميرك والكرامه وعار اسمنه

عن لسان الاخت

خوي كابلت السجن ليلي ونهاري
تحملت لجلك شتايم على عرضي
واشعلت بليل ناري
وتالي تهتكني بخلك وصلة جريده
بهاي جازيت انتظاري
جنت ارضه دوس بعظامي وكلك حيل رضه
جنت أرضه تذبح أبطني جنيني
ولا براءة عار متيركع تجيني
مثل متبريت من شعبك تبرينه من اسمك
ياشعب هذا التشوفه موش ابنه موش ابنه




من مقتطفات الشاعر الشعبي مظفر النواب

عزيزى جابر
مظفر النواب شاعر له ثقله بين شعراء الحماس
انا احب من قصائده القدس عروس عروبتنا

شكرا لنقلك لنا رائعته هذة
اول مرة اقرا لمظفر باللهجه العراقيه

دمت ودام لنا اختياراتك الجميله

شكرا جزيلا اخت تقى على المرور والرد
وهناك ملاحظه اخرى وهي
ان الموضوع يبين كم ان الدهر يقلب الانسان من برائته الى حياة كلها شوؤم وكراهيه