الولد والديك(قصه من جد راااااايقه)

اهليين

قريت سالفه في احد المنتديات . لكن جلست اضحك الين دخت


وتعورت الكرشه . وطقني الجوع من الضحك .

الولد والديك . نبدا .

هذا الله يسلمكم ولد حليو مزيون . وذكي . جا لبوه وقال يبه عطني فلوس

ابروح اشتري اغراض .

قاله ابوه اقلب وجهك . مافيه ولا ريال .

ماتشوفني جالس اقرا الجريده .

الولد/ يابن الحلال مالي الا الله ثم انت من وين اجيب فلوس

الابو / بتنقلع عن وجهي والا افصخ الزبيريره .

الولد / طيب من وين اجيب فلوس / اسرق

الابو / لا . رح بع الديك اللي صاجنا فوق . وخذ فلوسه لك .

الولد / خلاص ابروح ابيعه .

راح الولد للسطح ونزل الديك ( الاشهب ) واول ماقابل ابوه تحت

الولد / يبه تشتري الديك .

الابو / ان ماذلفت عن عيني ذبحتك انت والديك .

راح الولد المسكين للشارع لعل وعسى يلقى احد يشتريه

وقام الولد يدور في الحاره من يشتري الديك رخيص وزين وراعي اذان

ماحد عطاه وجه . وتجيه فكرة ويتذكر حرمه جارة لهم .

( بس الحرمه مهيب مضبوطه ) راعية حركات .

طق الولد الباب وفتحت له على طول وقاله تشترين الديك يام فلان

الحرمه / ادخل ونشوف

وصكت الباب . وقالت ابشتري بس عطني بوسه .

الولد / عرق وجهه وقال خلاص ابطلع مانيب بايعه .

الحرمه ماصدقت انك تدخل وتطلع بالساهل . انت مهبول .

وشوي والا الباب يطق .

الحرمه /بسرعه توز انت والديك . في الدالوب لا يشوفك زوجي ثمن يذبحك

الولد / طيب الله لا يعيده من ديك . ولا يعيدك من ابو .

ويوم فتحت الباب . الا وهو صديقها .

وجلست معه شوي والولد جالس يسمع وعرف ان الرجال ماهو زوجها وفهم القصه

وشوي والا الباب يطق وصار فعلاً زوجها . والله المشاكل .

الحرمه للرجال . بسرعه توز في الدالوب الين يطلع زوجي علشان تنحاش

الرجال / خلاص زين بس اذا راح علميني عشان افرك .

ودخال الرجال ولقى الولد في الدالوب.

الولد / تشتري الديك .

الرجال/ يابزر مناب فاضين لك الحين .

الولد / بتشتري الديك والا ارفع صوتي واعلم عن مكانا .

الرجال / لا يامهبول . خلاص ابشتريه . بكم سعره .

الولد / سعره ميتين ريال . علشانك .

الرجال / اقول منتب صاحي ديك بميتين . مهبول انت

الولد بتشتري والا اصوت .

الرجال لالالالالالالالا شريت خد ميتين وهات الديك

الولد / تبيع الديك

الرجال / جالسين نلعب انا ماتشوفنا مزنوقين . وانت فاضي

الولد / تبيع والا اصوت .

الرجال ياولله البلشه . نبيع بكم ( على باله بيكسب )

الولد / ابشتري بريالين .

الرجال. ابصم انك منتب صاحي .

الولد / تبيع بريال والا ...............

الرجال / بعت الله يلعنها من حاله . هات ريالين .

الولد / تشتري الديك .

الرجال / تراك كرهتني في عيشتي ان ماسكت ابعترف ارحم .

الولد / تشتري والا افضحك عند راعي البيت

الرجال / شرينا بكم

الولد / بمية ريال

الرجال / ياحمار توني بايعه بريالين .

الولد / كيفي ديكي وانا حر

الرجال / شرينا خذ الميه .

الولد / تبيع الديك . ( ويوم حمرت عيونه . )

الرجال ابيع بكم .

الولد / بريال واحد بس والا علمت

الرجال / خذ ديكك وعطني ريال . الشكوي لله .

وشوي والا الحرمه تناديهم بسرعه اطلعوا زوجي في الحمام .

ونحاشوا الاثنين وبعد شوي وصل الولد ومعه 300 ريال والديك

وشوي والا الابو يدخل قال الولد يبه تشتري الديك .

قال مايكفي انك خسرتني 300 ريال .

وطلع الوالد هو اللي في الدالوب .............

أتمنى انها تكون عجبتكم

بدون تعليق....
قصه غريبه فعلا......