بدلة المشير

المشير طلع عالناس فوسط البلد بحتة بدلة أخر شياكة وأناقه

أيه يا خواتي القمر ده ؟؟

لهو سيادتك متعرفش أن حاكم مصر مؤقتاً أنتقالياً هو
(المجلس الأعلي للقوات المسلحه)
اللي حضرتك عضو فيه..يعني لا مؤاخذه سيادتك متظهرش علينا بطلتك غير بالميري

بدلة حضرتك المدني دي بقي حضرتك تقدر تروح بيها نادي الشمس أو عزاء أو فرح
لكن مش حضرتك تعمل زيارة "" مفاجئة "" وأل أيه شوف حكمة ربنا يا مؤمن شوف حكمة ربنا .. أل أيه التليفيزون المصري " المحترف أكتر من الجزيرة " كان موجود في وسط البلد ساعتها " بالصدفة البحتة "

كانوا نازلين أسم الله عليهم يصوروا بائعي البطاطا اللي قدام سينيمات وسط البلد..وتصدف أنهم يكونوا مجهزين كل حاجة في الدقيقة اللي نزل فيها المشير

يا عيني

لأ وتلاقي واحد من منافقين مبارك صحفي "إبن كلب" أسمه جمال زايدة مع حفظ الألقاب طبعاً :d
قاعد بيقولك : ليه المشير ميحكمش مصر لما يسيب منصبة العسكري..هو أثبت أنه قائد عظيم

طبعاً بغض النظر عن أي صوت أبيح أو كلمة قليلة الأدب أو إشارة نابية يستحقها جيمي
فدعونا نقول بموضوعية و ذووق أن ..
أخينا جيمي بيهوي عبادة الفراعنة.. زي اليهود >> قالوا أجعل لنا إلهاً مثل هؤلاء
يا جيمي يا حبيبي مصر حصلت فيها ثورة يا جيمي..الشعب طلع بيفهم يا جيمي

إلي كل متخلف فاكر أنه حيستعبط ويبلف الشعب ويحطه تحت باطه >> الشعب المصري مبقاش أليف


يا جماعة عليه الطلاق بالتلاتة الشعب ده عمل أعظم ثورة في التاريخ

الشعب ده مبقاش بياكل من المخلل الحامض ده خلاص.. بطلوا هبل وعبط بقي


شكلنا حنبقي أول شعب في العالم يعمل ثورتين ورا بعض

أرجو أن يكون المجلس العسكري علي درجة من الوعي بمكان أنه ليس له مكان سياسي مطلقاً مستقبلاً
أرجو أن يعي هذا بعقلة .. بدلاً من أن يعية بثورة أخري

حفظ الله مصر
وحفظ الثورة
و المجد للشهداء

ماتحملش الموضوع اكبر من حجمة

المووضع مجرد زيارة عادية


وخصوصا ان احتمال بكره يبقى فيه مظاهرة

والله الموضوع كبير يا عمو ولازم يتحاسب علي الخطوة غير المحسوبة دي

ازيك يا واد يا ندل يا جوز بنتى

أولا ألف على النجاح والتخرج

ثانيا أنا كمان متوقعه ان المشير مع اقتراب موعد الانتخابات الرئاسيه يرشح نفسه

بس خلاص بعد شهادته فى المحكمه مش هصوت له هصوت عليه

هههههههههه

أزيييييييييييييييك يا أموووووووووووووووول

الله يبارك في عمرك يارب

لأ أنا مش متوقع أنا حيرشح نفسه لأحتمالين

أولاً يا حتتخذ الثورة منحي أخر لن يكون له فيه وجود..منحي غير سلمي
(لا أتمني هذا السيناريو ولكن يبدو أن المجلس الأعلي يدفع الثورة له دفعاً)
ثانياً يا أما هو حيفهم أن الموضوع علي جثته بجد بمعني الكلمة