أنا قصيمي وأفتخر بالقصيمي

.
قصيدة عن القصيم وبريدة .

ومناسبتها ::

حضرت مجلس بأرياف مصر يتصدرة رجل سعودي كبير السن وشبه مضطجع ومقيم هناك بصفة مستمرة .. وكان يتحدث متفاخرا بمعرفته بالرجال وطيبهم وشجاعتهم ووفائهم ودورهم في مناطق المملكة كلها . وطوال حديثة لم يذكر القصيم وبريدة ولا أهلها ودورهم قديما وحديثا.
وسألني من أين أنت ؟ فقلت أنت تدعي معرفة كل مناطق ورجال المملكة وبدأ يعدد ويقترب ويبتعد من القصيم وبريدة وكأنه متعمد ذلك.
فقلت له عرفك محدود . قال أخبرني قلت غدا إن شاء الله .
ورددت عليه بقصيدة .. أنشر بعض أبياتها وحذفت منها مايخص الرجل. وقد إعتذر وقال إنني حاولت إستثارتك فقلت مايمديك..
و قال رجاءا إحذف مايخصني فعاهدته على ذلك ..

يامِـــدِّعِي صِـحْـــو الفِــكِــر وأنت نيـمِــي =ويامـــدِّعِـي عِــرف العـرب وأنت مجهُــول

خِـذها نصيحــة بالخطا لاتـهيـمِـــي=وإسمع كلام اللِّـي على الصـِّـدق مجـبُـــول

أنا قصيمي وأفــتخِــر بالقصيمي =ومِن مالِـه بريــدة مع الناس يـــحًّــول

قــالـِه أبــُو صدام قـبـلي قــديـمـي =قالــِه وهُــو بالشام وأصْـبح مثل قــول

راعي بريدة لا تـركها يـتـيـمـي =عِـندِه غـياب إسبــُوع عنهـا تقِــل حـــوْل

دار السعــد من لاذ فِـيـها حــشـيمــي = يـمـْـشـِي عـزيز الـنـفـس بالعــرض والطول

لوْ ماورث لـلجـــود يصبــح كــريمـي = من رافــق القِـصمان بالــمــدح مـشـمـُـول

عِـقـب الـمحل يســقـونِــه الطيب دِيـمِــي = وسـيـفـِـه بحـشـمـتـهُـم على الـضــِّــد مـسْـلـُـول

كانك مــعــِي بالنيـل باكــر مــقـيمــي = بلبـيـْــس فـيــهــا آثــار تــاريـــخ وإفــعــُـول

مايــظلـم الأجْــواد كـُود اللـئـيــمي = وقـوْل ٍ ن) بلا تـثـبـيـت ماهُــوب مـقـبـول

وفِــي كل ديــره طيب ماني غـشيمـي = يــوم الجــزا من يظــلــم الناس مسـئــول

لكن قصيمي وأفتخر بالقصيمي =ومِـــن ماله بــريدة مع الناس يحـــَّول

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

صح لسانك ياشاعر بارك الله فيكم ولسانكم العذب
تقبل التحيه