شوقي اد ايه .............صلاح جاهين

شوقي اد ايه
********

يا بخت من يقدر يقول


واللي ف ضميره يطلَّعه


يا بخت من يقدر يفضفض بالكلام


وكل واحد يسمعه


يقف في وسط الناس ويصرخ : آه يا ناس


ولا ملام


ييجى الطبيب يحكي له ع اللي بيوجعه


يكشف مكان الجرح ويحط الدوا


ولو انكوى


يقدر ينوح


وانا اللي مليان بالجروح


ما اقدرش اقول


ما اقدرش ابوح


والسهم يسكن صدري ما اقدرش انزعه


شوفي قد إيه؟


احنا النهارده إيه في أيام السنه


شتا والا صيف


وفين أنا


إيه اللي وصّلنى هنا


أنا صاحب البيت والا ضيف


صوتي انحبس


ما اقدرش اقول

ما عرفش حاجه عشان اقول


ما اعرفش غيرك انتي بس


يا بت ياللي في حبك العقل اتهوس


مكان غريب


كأنه سجن كأنه مخدع لحبيب

كأنه بير

شباك حديد وعليه ستاير من حرير


والريح بينفد منه زي المسامير


الريح عوى

قلبى انقبض

قلبى اتلوى

الشمس تلج اصفر شعاعها صاروخ هوا

الضلمه تلج اسود كتير


ألوف ألوف القناطير


خبيني في شعورك يا بت


أحسن عروقى اتخشِّبت

شعرك خشن زى الحِرام الصوف يا بت

خبيني فيه م الزمهرير ..


ونَيِّميني في السرير


دخل النبى بردان خديجه لَفِّته


حَطِّت عليه غطيان لحد ما دَفِّته


دخل النبى بردان وقال: فين الغطا



البسمة غطت شفِّته




صلاح جاهين

يشرفى ان اكون اول المارين على الجرح
وسوف اعود مرة اخرى بالترياق
دمت بود

لي اقدر اقوله لش تسلمين ياالغاليه على موضوع ولاتعليق اخر مع تحياتي الطيبه

فى انتظار عودتك احمد


الفارسه ميرسى يا جميله على مرورك

بسم الله الرحمن الرحيم
السلام عليكم ورحمة الله وبركاته
كلمات جميلة شكراً نرجو المزيد

يا بخت اللي يقدر يقول

واللي في ضميره يطلعه

اختيار جميل لكلمات تمس الروح المجروحه

كوني بخير دائما

[align=center]أعجبني كثيرا

شكرا ضيوو

..[/align]