مواقفنا الرمضانيه المضحكه

[align=center]اي حد عنده مواقف كوميديه حصلتله في رمضان ياريت يحكيهالنا هنا


انا ححكيلكم كام موقف كده

الشعب المصري متعود انه ياكل الملوحه والفسيخ(السمك البوري المملح) في عيد الفطر ويوم شم النسيم الفرعوني


انا من عشاق الملوحه فكان بابا جابها قبل العيد في رمضان بايام كتير لانه بيعلمها هو في البيت

المهم مره في السحور هفت علي نفسي اوووووووووووووي قومت رايح مطلع واحده وكان العيش خلص وطبعا مفيش حد حيبيع عيش الساعه تلاته ونص الفجر ههههههههه المهم قومت واكلها حاف


عايز اقولكم طول اليوم كنت محتاج عربيه مطافي في بوقي من كتر العطش ههههههههههههههههههههههه


تاني يوم قولت سيبك من المملح بقي واديها في الحلويات


قومت في السحور جايب صنيه كنافه واشتغلت عليها


بعد ما كلت ماما قالت مين كل كنافه قولتلها انا قالتلي حبيبي دي بتعطش اوي

مش قادر اوصف شعوري ساعتها هههههههههههههههههههههههههههههههههههههههه


وكان يوم ما يعلم بيه الا ربنا




مره تانيه بس دي كانت اول رمضان اللي فات

كانوا هما اتسحروا وانا قاعد اقرا وعجبني الكتاب اوي وقولتلهم اتسحروا انا حاكل لما اخلص قرايه

وفعلا قومت اتسحر علي اربعه الا ربع كده

طبق فاكهه فظيع علي عصير ساقع

وانطلق بقي

لسه ها

لقيت الله اكبر

قولت نويت الصيام


الحسره مش هنا استنوا


عدي تلت ساعه قولت اصلي ركعتين الفجر وبتاع واستني الاقامه يكون بابا صحي وننزل

لقيت ماما قامت بتقولي اكلك بحاله ليه

قولتلها الاذان اذن


قالتلي ده الاذان الاول كل عادي هههههههههههههههههه

لسه حاكل


لقيت الاذان التاني هههههههههههههههههههههههههههههههههههههه




يالا احكلونا مواقفكم[/align]

[align=center]ههههههههه
والله بضحك بصوت عالي يخربك يامحمد ههههههههه
والله تحفه مقالبك
.[/align]
.

[align=center]راح احكيلك بس ماعندي مقالب كثير
المهم كنت من اسابيع بصلاة التراويح
وكان المسجد اللي بيفصل عن الرجال بالطابق التانى
وكان حضور الناس مايوصف ..
المهم كنا بنهاية الركعه الاخيرة بصلاة الشفع
وإذا بنور الكهرباء ينقطع ههههههههه
وماأسمع إلا صوت الضحك من ورأي وعاد هيوم لو ضحكت إيش راح يسكتها
حاولت اسكت حالي وأقول اسكتي يابنت انتي بالصلاة وراح الخشوع
المهم مسكت نفسي بعد ضحكات تطلع وتدخل جري هههههههه
الإمام أطلق السلام ومأقوم إلا متفجره بالضحك ههههههه
واللي بجنبي تضحك على بيضحكوا معانا
جاء وقث صلاة الوتر
وأنا عازمه اكمل صلاتي بدون ضحك بس منظر النساء بالظلام
وهم مثل الأشباح واحده قصيره وحده طويله وكلهم سود ههههههههههه
مافيه وحده بلون أبيض
المهم أقام الصلاة الإمام وصليت عادي والحمدلله
بس في التشهد والله ماقدرت أدراي ضحكي وبقيت حاطه أصابعي على فمي وخشمي
لأنه ضحك هستيري أصابني
واللى خلاني بضحك هو تفكيري في شبشبي الجديد المشكله طبي ومايتعوض ههههههههه
وراح مجهود الصلاة وفرض
بس موقف والله والله موقف ضحكني من قلبي لدرجة دموعي نزلو من كثرة ماضحكت
أستغفر الله وخلاص[/align].
.

[align=center]طب انا مره بس زماااان حوالي اولي ثانوي تانيه ثانوي كده كنت مع ولاد خالتي في رمضان برضوا بس كان في جنازه لحد من العيله من بعيد فكل ابهاتنا وامهاتنا سافروا


كل واحد فينا يا شباب حيعمل حاجه من الفطار



عطيه عليك الرز قولتلهم اوكي


قومت جايب كيس الرز والحله وظبط


وقومت داخل مشغل قراءان في الديسك مان وقاعد اسمع في البلكونه


شميت ريحه شياط جامد اوي

جريت عالمطبخ لقيت الرز عباره عن فحم


اتاري انا نسيت احط ميه فضيت كيس الرز علي الحله وولعت النار ههههههههههههههههههههههههههههههههه[/align]

هههههههههههه

مقالبكم مميزة

بس الحقيقة انه ما جاء في خاطري الان اي شيء لاكتبه

تقبلوا مروري

[align=center]بص يامحمد
انا مش جاهز الان احكى حاجة
لان مافيش فى دماغى اى حاجة الان

لكن بالنسبة للولعة اللى قادت فى معدتكمن الملوحة او من صنيعة
الكنافة فماتخفش لما يحصل حاجة زى كدة ابعت لامل 2005
وهى هتبعتلى اشارة ابعتلك علىطول عربية المطافى الخصوصى بتاعتى

حاكم انا عندى مطافى قطاع خاص واسأل امل وهى تقولك
.. دنا من كام يوم مطفى عندم حوالى 3 حرايق خاصين بيها
واربعه تانين فى شارعهم .. واخوك صال وجال فى الحرايق دية
لدرجة ان النسوان اللى كانت بتصوت بطلت صوات لما شافت الابداع والتفانين
واعدوا يصأفوا ويشجعوا ويقولوا

هو دا الشغل المظبوط ... هو دا شغل زمان ... (الهاند ميد)
اللى مش موجود النهاردة ههههههههههههههههه
[read]صح ياامل ؟؟؟؟؟ [/read][/align]

واللى خلاني بضحك هو تفكيري في شبشبي الجديد المشكله طبي ومايتعوض

ادى اخرت اللى يروح يصلى بشبشب جديد

تعرفى ياهيام .. انا مخصص شبشب للصلاة
علشان لو اتسرق او اخدة احد بطريق الغلط ماازعلش عليه

[align=center]كنت بعمل عمرة فى رمضان وكنا رايحين نصلى العشاء والتراويح
وكنت راكب الشبشب بتاعى كالمعتاد وقلت احطة فى مكان ماحدش يعرف
يوصله ومايتخلطش مع شباشب حد وخصوصا ان اغلب الشباشب هناك شبه بعض

المهم حطيت الشبشب فى مكان منفرد ومتفرد ورحت صليت العشاء والتراويح وانا مطمئن البال وعليا السكينة
ومش خايف على البشب وبعد ماخلصت الصلاه رحت اجيب الشبشب لقيت جبل شباشب
محطوط فوق شبشبى فقلت هما كل المصرين جابوا شباشبهم وحطوها هنا زى ولا ايه الحكاية

وطبعا اخدت شبشب الله اعلم بيه ان كان بتاعى ولا مش بتاعى

ومرة تانية نزلت للاصلاة متاخر فى الحرم وكانت صلاة جمعة ( وطبعا ايامها كنت جاهل جدا دينيا )
فكان الحرم مليان ومالقتش مكان غير فى الشارع وقلعت الشبشب ووقفت اصلى وعلى بال ماخلصت الصلاة كانت رجلى ولعت من الاسفلت وبقت كلها فقاقيع من تحت .
هههههههههههههه

فى حين انه كان ممكن ادلك الشبشب فى الارض واقف اصلى بيه زى ماهو [/align]

[align=center]راجعت كل المقالب
وضحكت على كلمة هالجمله
[align=center]
الصلاه رحت اجيب الشبشب لقيت جبل شباشب
محطوط فوق شبشبى فقلت هما كل المصرين جابوا شباشبهم وحطوها هنا زى ولا ايه الحكاية

وطبعا اخدت شبشي الله اعلم بيه ان كان بتاعى ولا مش بتاعى [/align]
ههه ماتعرف انه فيه حنين داخلي لبعض بالغربه حتى الشباشب
طلع لهم احساس ههههههههههههه[/align].

فعلا ياهيام
حتى الشباشب بتحن لبعضها
هههههههههه