الامتحانات علي الشبابيك

أختبار
ان شاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسي كولا
دلوقتي ... بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
==================================================
السؤال الأول (20 علامة )
==================================================
قال ريكو في أغنية (( خلي الشعب يعيش )) مايلي :
راحت عليكي الدنيا ... وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش ... خلي الشعب يعيش
==================================================
الأسئله
==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 علامات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)
3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)
4- استخرج من البيت الثالث صورتين فوريتين مبينا نوع الكاميرا (3 علامـات)
==================================================
مساحة خالية للإعلان- ت : واحد اتنين .. الجيش العربي فين
==================================================
السؤال الثاني ( 8 علامات )
==================================================
أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))
==================================================
1- تم نقل السوق المالي إلى سوق السمك ؟ (2 علامـة)
2- إقبال الناس الى شراء نوكيا 9990 و عدم شراء نوكيا 9900 ؟ (2 علامـة)
3- إغلاق شبكة الأخبار Pnn بعد زواج شارون ستون ؟ (2 علامـة)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)
==================================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***
==================================================
السؤال الثالث –اختياري- (5 علامات)
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 علامــات)
==================================================
فاصل إعلاني: غمض عين فتح عين .... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
==================================================
السؤال الرابع (8 علامات)
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================
1-ماذا كان يريد ان يقول عمرو دياب للمزة ؟ (4 علامــات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 علامـــة)
3- ما اسم صبي الخياط بتاع ام الموديل اللي كانت مع عمرو في الكليب ؟ (2 علامـــة)
==================================================
السؤال الخامس (20 علامة)
==================================================
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 علامة)
==================================================
بيبسي كولا
المشروب الرسمي لهذا الامتحان
==================================================
*** أخي الممتحن أقلب الصفحة أحسنلك (( اصلك مش عارف اللي فيها )) ***
==================================================
السؤال السادس ( 19 علامة )
==================================================
اجب عن أربعة فقط من الأسئلة التالية
==================================================
1- ما رأيك بتصرفات " رفيع " و " فرحة " في مسلسل الضوء الشارد ؟ (5 علامــات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف "حسام" من "سرية" في مسلسل الحقيقة و السراب ؟ (5 علامــات)
3- من برأيك أقوى وأفضل بوكيمون - هل هو – بيكاتشو ؟؟؟ (5 علامــات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 علامـات)
==================================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
==================================================
سؤال المساعدة ( لرفع العلامة ) ( 20 علامــة)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================
انتهت الاسئلة و نلقاكم في امتحان الدور التاني ان شاء الله
ربنا يعينكم علينا
مع تحيات بيبسي كولا الراعي الرسمي للأمتحان

هى بيبسى الراعى الرأيسى
ولا فيه رعاه اخرين معاها ؟؟؟

[align=center]انا حجاوب علي سؤال واحد واديكي شويه اساله تجاوبيهم انتي يا نوشه

1- تم نقل السوق المالي إلى سوق السمك ؟ (2 علامـة)
لأ ده حضرتك روض الفرج اللي اتنقل العبور هههههههههههههههههههههههههههههههههههههه



1-عندما بني الاسكندر الاكبر الاسكندريه وشطبها لوكس عالمفتاح
أذكر أسم مقاول السيراميك ...وما لو ن السيراميك المستخدم في بناء الاسكندريه ؟


2-ما اسم شركه المعمار التي قامت ببناء هرم الفرعون منكاو رع ؟؟؟؟


3-قام الملك مينا نارمر بتوحيد القطر الشمالي مع الجنوبي والسبب

أ- جه يصيف في جمصه ملك الشمال منعه .
ب- قال يفتح الشمالي عالجنوبي وتبقي وسع.
ج-دي عالم فاضيه ياعم.


4- وقف العالم حائرا الي الان في أشياء كثيره عظيمه قام بها الفراعنه ومن أصعب تلك الاشياء عمليه التحنيط...
وضح بالتفصيل والتمحيص والتدقيق وبالخطوات عمليه التحنيط لدي قدماء المصريين ؟؟

5- قال الشاعر الجاهلي
(واذا تفشلح القوم عني يوم المعركه..فلن أعمل زيهم لأنها مش أخلاقي)

استنتج من الابيات نوع البرفيوم بتاع الشاعر...علما بأن شركه (هوجو) لم تكن قد فتحت في هضبه نجد فرعا لها بعد؟؟


والله الموفق لما فيه الخير للأمه العربيه ههههههههههههههههههههههههههههههههههههههههههه





[/align]

ايه يا محمد ده
جاوب انتا
شكلك لسه قاعد في الفيلم يلا اخرج منه بسرعه