حقوقى واحلامى .. الى اين ؟

الأحلام والحقوق

ومالمانع .. فمازالت الأحلام في متناولنا
ولم تصادر بعد .

ولوعاوز حقك

تعالي معانا وطالب بيه

من الدنيا والعالم

من بلدك

من صحابك

حتي لو من هذا المكان

انا شخصيا

عاوز حقي من : صاحب البطالة

اللى خلى شباب زى الورد وشهادات محترمة واولاد ناس

مش لاقين شغل والدنيا مسدودة معاهم ومافيش حل غير السفر

ونسيب نفسنا ويا الكورة فى ملعب البطالة .

وعايز حقى من كل اللى خالف مقولة

( الرجل المناسب فى المكان المناسب ) .



اتمنى ان ينال اعجابكم هذا الموضوع
أحبوه مثلما أحببته أدرج بقلم غيري
.

[align=center]
[/align]

والهى يا وائل انت جيت على الجرح الى بيوجع
ومشكلتك انت دوست بشده اوى
ورجعت لى تانى احساسى بانى صعبت عليا نفسى
وصعب عليا تقديرى
وصعب عليا احلامي واهدافى
وكل الكلام الجميل

لكن فى ملحن وفنان جميل اسمه وجيه عزيز
غنا اغنيه تناسب الحلم


من حقنا نحلم ولو كده وكده و نشوف الدنيا حلوه مع انها مش كده


تقبل كل تحياتى وائل

اختى ضى القمر

شكرا لمرورك الجميل

وهى فعلا مشكلة جيل والكل كان عايش على امل طلع سراب فى الآخر

بس كنت حابب انك تسجلى هنا حقك اللى انتى عايزاة

وهو مش مقتصر على الحقوق اللى انا كتبتها

اكيد فى حاجات تانية من حقوقنا اللى لازم نطالب بيها

دومتى ودام مرورك الجميل .

اسجل حقى ؟؟؟؟؟؟؟؟؟

هو انا ليا حق واحد يا وائل

انا عندى حقوق محتاجها

بس الحق الاكبر والاهم

انك تحس ان لسه فى قيمة لانسان

اعتقد ده حق جماعي
كلنا بنطالب به
الانسان رخص اوى يا وائل
مش بقي ليه سعر ولا تمن

تفتكر ممكن ترجع له قيمته تانى

استاذة / ضى القمر

لو انتى تقصدى مصر

يبقى احب اخد منك العزاء

البلد اتباعت ياضى وبقت مش بتاعتنا خلاص

وربنا يستر على الأيام اللى جاية

واضح انك اتكويتى بالنار انتى كمان

بس الحمد لله وله الأمر من قبل ومن بعد

تحياتى لحضرتك وللتواصل الجميل دة

كل الود والتقدير .

وائل

هل جننت

اى حق وممن ستاخذ حقك

اراك تنفخ ياعزيزى فى قربة مقطوعه

فلنكن اكثر واقعية

هل ال140 جنية مرتب خريج الحكومه حيكفوك تاكل بيهم انت والاولاد عيش حاف؟

لو اتيحت لك فرصة السفر سافر

لكن اوعى تقف فى طابور تعينات الحكومه

وانت يا ضيوووووووووووو

شوفى لك واحد تاجر غنى واتجوزى بلا شغل بلا بلا

اسالي موظفه حكومة زى كنت بانزل من الساعه الثامنة صباحا وارمى ولادى قدام الحضانه

وارجع الساعه الثانية ظهرا فى عز الشمس تعبت يا ضيووووووو

وقدمت اجازات
موضوع جميل يا صديقى الغالي وائل

تعينات اية بس

ماهو طلع وقالها على الهواء مباشرة

ان الحكومة مافيش عندها شغل ولا تعينات

وفى حاجات تانية كتير

يعنى مثلا انا من حقى

ان أعيش في أمان وطمأنينة وسكينة

من حقي أن أقول ماأريد وقتما شئت

طالما كنت محافظا علي الأخر بدل السب و التجريح

من حقي حاجات كتيرة

مش شرط تتحقق المهم ان نقول ونعبر

ونعبر تلك الدروب المقفلة

حتى علشان ما يبقاش اسمنا عالة على دولة عايشة عالة .

سعيد جدا بتواجدك هنا يانهى

واكتر من كده وربك بيزيح

اخر حاجة لاحمد فؤاد نجم
طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي

لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي

لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي

لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي

لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي

لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي


لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي

ابو حميد

فؤاد نجم ماقلش كدة من فراغ

ضهرة اتقسم و رقبته سقطت من كتر المتاطية

التيار بقى شديد جدا

وكدة مع المتاطية هننجرف بجد اكتر

نريد حلا ..

ميرسى ياغالى على المرور وعلى القصيدة .

وائل موضوع جميل جيه على الجرح زي ما ضي قالت
حالنا كلنا كده مشكلة جيل انه مش عارف يعمل حاجه

وفي نفس الوقت زي ما قالت نهى تطلب حقك من مين
هو فيه حد بيأخذ حقه اصلا

وفي الاخر ختامها عمو احمد بقصيده معبره
وهو ده حالنا

انا حقي اللي بطالب بيه ان يكون الانسان عنده
كرامه وله كرامه في بلده
بس ده ابسط احلامي بس دي كلها احلام

المشاركة الأصلية كتبت بواسطة شمس الاحلام وائل موضوع جميل جيه على الجرح زي ما ضي قالت حالنا كلنا كده مشكلة جيل انه مش عارف يعمل حاجه وفي نفس الوقت زي ما قالت نهى تطلب حقك من مين هو فيه حد بيأخذ حقه اصلا وفي الاخر ختامها عمو احمد بقصيده معبره وهو ده حالنا انا حقي اللي بطالب بيه ان يكون الانسان عنده كرامه وله كرامه في بلده بس ده ابسط احلامي بس دي كلها احلام

يا استاذة / سمس

المشكلة بتاعت الجيل دة مش احنا السبب فيها .. السبب اننا استلمنا الحياة وهى واقعه

طيب الناس اللى قبلنا ماكانش فى حد منهم قادر يعمل حاجة لينا ويسلمنا نضيف علشان نسلم بعد كدة احنا كمان نضيف لية

احنا جيل مظلوم بجد واتلهينا فى تكنولوجيا قديمة جدا .. والعالم سابقنا من زمااااااااااان

وبعدين فيها اية لما نحلم .. احنا هنستخسر حتى الحلم فى نفسنا كمان ولا اية ؟

خلينا نحلم ونحلم يمكن يجى اليوم اللى يتحقق فية حلمنا

مافيش حاجة بعيدة عن ربنا

شكرا ياغالية على المرور والتواصل

دمتى بكل الود والهناء .

ولاكن هل سيعود ما نطالب به في هذه الصفحه.....؟؟

المشاركة الأصلية كتبت بواسطة فروووحه ولاكن هل سيعود ما نطالب به في هذه الصفحه.....؟؟

وليه لأ يا فرووحه ممكن يعود كل ما نطالب به

وان لم يحدث .. فيكفي شرف المحاوله بطلبك وحقوقك

حتى لا نجد من يعاتبنا او يلومنا على اهمنالنا لطلباتنا

سعدت بمرورك وشكرا .

اذا لم يكن هناك مجيب فلن يكن هناك لائم ...
اسفه استاذ وائل ..لاكنها وجه نضر يمكن ان تكون خاطئه.....
تحيتي

اذا لم يكن هناك مجيب فلن يكن هناك لائم ...

كلامك صحيح يا فرووحه .. ولكن اذا حاولنا

وطالبنا فهل نجد مايمنعنا عن هذا ؟

ولماذا نحكم على الأشياء قبل طلبنا لها ؟

اليس من الممكن ان تقضى طلباتنا بلمطالبة لها

ونجد من يجيب .. واكيد سيحدث هذا .

اشكرك يا فروووحه

واحترم ايضا وجهة نظرك .

تحياتى .