محاولات الجنون

[align=center]لعبة نهايتها .. كش ملك!!؟
تنقال .. لي ولها ..
ولهذا ولك!!
ممكن العبها بدونك ..
أو معك ..
كلمة تعدي كا النسيم ..
لكن تؤدي لمهلكك!!
ممكن اشرحها .. إذا هي تعجبك ..
********
تخيل انك داخل أيام السنين ..
يوم ابيض ..
وليل اسود ..
والصراعات تحاصرك ..
وداخلك يبكي عمر ..
وتحاول تهدي الأمر ..
وأنت أصلاً مو مسالم ..
نيتك ما هي تفاهم ..
تدبر لخصمك نهاية ..
أو تأخر مقتلك ..
وفي ثواني .. بس ثواني ..
قلبت كل الأزمنة ..
أفرغت كل الأمكنة ..
وأطلقت كلمة كش ملك ..
بكل بساطة .. بكل فرحة ..
كش ملك ..
تدري انك وجهت طعنة ..
فقلب الملك؟؟!!
=========
لعبة أحساس الخيانة ..
واغتيالات وذكاء ..
أيه ادري بعضنا ..
ينضح غباء ..
ينقل المفعول فاعل ..
ويبتلي مفعول غافل ..
رافعاً راية غبية ..
كلنا لحل البقاء ..
أي بقاء ..
هو بقاء .. باقي لشي؟!!
والشهامة ميتة وبثوب حي ..
وما بقى فـ عرق المراجل ..
دماء ..
والعذارى والحيارى والسيدات ..
تنازلن عن بعض .. وبعض ..
وكثير من بعض ما يسمونه ..
حياء ..
يا ذا الحياء ..
وش أخرتها معك؟!
ما يكفي انك ألف .. مره كش ملك ..
=======
واحد و واحد كان يساوي غالباً اثنين ..
والحين!!؟ مدري !! بس ..
واحد مع واحد ..
أو ورى
واحد ..
أو أمامه ..
أو يمينه .. أو يساره ..
ما يصير اثنين ..
انخلطنا وانصهرنا ..
ببعضنا واندمجنا ..
مو لانا قلب واحد ..
لا وربي قلوبنا ستين!!؟
تنقلب بين تاء ..
وكاف ..
ستين سكين!!
يعني اندماج المصلحة ..
والطفيليات فقلوب البساتين ..
آه يا مسكين ..
تحسب الناس والأجناس ..
تضحك للفرح أو لك .. وتضنها تضحك معك
وفجأة وأنت ساهي ..
يطعنونك ..
كش ملك ..
=========
قالوا : وافق شن طبقه ..
وقالوا عنه بنفس الوقت ..
يشبه هبنقه ..
وقالوا عن الفجار يا شيخ ..
يا صاحب معالي ..
اسمك بدفتر أفضالك علينا ..
وثقه ..
وللأبرار جزاء سنمار ..
ودوه حبل المنشقة ..
ذل الرفيق الين يطيح ..
وينكسر ..
وعلى الملا بدور الرجولة ..
فك قيده ..
واعتقه ..
يا مصعبة .. ها الحال ..
يا مصعبة ..
دار به خبث النوايا حوالين أرقابنا ..
وبكل قوة .. وثقة ..
والثقة ..
كانت شعار المعركة ..
وباركة حنا وبولس ..
وأعطوه خبل عيالنا ..
لا بارك الله في ذاك الخبل ..
مطفقة ..
وأعطوه فيها شهادة وسطها ..
هذي الدنيا ما هي لك ..
وانت الأضعف ..
كش ملك..
=========[/align]