موقعه 14 نوفمبر

تاني معلش عشان الموضوع كبير جدا جدا جدا وخد أكبر من حجمه جدا
موضوع مصر والجزائر عصبني وانجرفت فيه انا شخصيا اللي قولت مش حنجرف مع اي شحن اعلامي او جماهيري
والواحد فعلا حقيقي اعصابه فلتت منه اليومين دول كل ما تيجي سيره مصر والجزائر

ايه اللي بيحصل ده ؟؟

جزائريين يولعوا في علم مصر ويشتموا شعب مصر ولاعيبه مصر
مصريين يردوا ويقولك الالفين جزائري حنولع فيهم بعد المتش عشان الفيفا

دي عركه مش متش كوره
اه والله كده عركه رسمي يعني

يعني بنشكر العنايه الالهيه اللي خلت ليبيا حائل بين مصر و الجزائر

ده يا راجل تشوف الجرايد هنا والجرايد هناك
كأن الجزائر حتلاعب فرنسا او كأن مصر حتلاعب أسرائيل

واللي يغيظك ان الموضوع انتشر علي المستوي العربي كله
كاتب سعودي عمل مقال عن الموضوع سماه
( حرب الخليج تبعث من جديد في شمال أفريقيا)

لعلمكوا يا مصريين ويا جزائريين
مصر ساعدت الجزائر في ثورتها والجزائر ثارت كلها ايام حرب 56 علي أم العروبه من فرنسا وكيف تتجرؤ فرنسا علي ام العروبه..ثم ساعدت مصر في حرب 73 بكل احتياطي اموالها
الجزائر خلف مصر في اي منهج سياسي عربي تتخذه مصر من ذاك الحين وحتي الان
الشعب الجزائري بيحب الشعب المصري جدا ودي حقيقه واغلبهم بيجيوا يقضوا الصيف في مصر ومنهم كمان بعض لاعبي المنتخب الجزائري واليل ادلوا انهم عارفين المصريين جدا وانهم شعب مسالم

المشكله كلها بتنحصر ولازم نحصرها علي الاقل كبدايه في المجال ده
ان المصريين والجزائريين متعصبيين كرويا جدا زي كل شمال افريقيا ( وحط تحت كرويا الف خط) لأنهم مش متعصبين وطنيا ضد بعضهم البعض
لكن تعصب كروي قوي جدا جدا للكره..بالضبط زي معسكر الاهلي ومعسكر الزمالك في مصر
وهنا المفروض كلنا كمصريين وجزائريين منعديش الموضوع لأكتر من انه تعصب كروي
(علي الاقل كبدايه) لأن التعصب الكوري ايضا خطأ
اللي يولع في علم أخوه غلطان واللي يقول ححرق اخويا اللي حرق علمي غلطان غلطان طبعا

ياريت المواضيع تهدي شويه كلنا عرب ..في ايه..ماللي يكسب يكسب واللي يخسر يخسر
ده مسلم وبيقول يارب وده مسمل وبيقول يارب..ربنا بقي عارف مين يستحق مش حنعرف احنا ربنا يعني
واللي كاتبله ربنا يصعد كاس العالم حيصعد

واحد جزائري كاتب تعليقا علي فيديو حرق العلم علي سايت يو تيوب
(جايين نحتلكم يا مصريين)
فرديت عليه رد بقوله ( في أيه ياعم مالك.. أحنا مش اخوات ولا أيه)
صاحب الفيديو المصــــــــــري حذفلي ردي (ابن التيت )
رد بعدي واحد مصري ابن حلال يا جزائريين يا ولاد اللــ.. حبه كلام ابيح زي الفل
قام داخل واد جزائري تاني يا مصريين حنعمل وحنسوي..حبه كلام ابيح زي الفل


يا جزائريين ويا مصريين احنا اخوات وبنحب بعض جدا
اي حد حيبص علينا مش حيقول غير ان
في شعبين قاعدين موراهمش لا شغله ولا مشغله غير الردح لبعض

الموضوع مهواش بلطجه ولا صياعه ولا قله ادب
وده حيحرق ده وده حيعور ده
دول حداشر شخص مصري حيلاعبوا حداشر شخص جزائري
مش تسعين مليون مصري حيدخلوا في معركه مع عشرين مليون جزائري



انا اتكلمت كتير اوي ونفسي اتكلم اكبر لأن الموضوع كبير

وحسيبلكم باقي الكلام واتمني من اي جزائري انه يشاركني الراي
حتي لو مش مسجل في المنتدي وبيمر سجل في المنتدي واكتب كلمه

[align=center]ايه الحكاية يامحمد

كنت اظنك هتتكلم عن امين هويدى او مصطفى محمود بمناسبة وفاتهم
او المؤتمر السادس للحزب الوطنى او اقتراح الاستاذ هيكل بتأسيس لجنة
لوضع الدستور وترأس البلاد لمده 3 سنوات


لكن لقيت الدنيا مختلفه عندك تماما الدنيا لاعندك لونها احمر واخضر فقط :

الجزائرومصر فى الرياضة
والجزائر ومصر فى الواحة

هو احنا هنخلى المنتدى كله عن الموضوع ده ولا ايه العباره

سيبك من الموضوع ده لان فيه موضوع -اراه - اهم مليون مره من مجرد ماتش كوره بين بلدين


هناك استفتاء فى سويسرا -الان- حول هدم جميع المآذن الخاصه بالجوامع هناك .. اى يصير المسجد بدون مآذنه

وقد صرح احد الاشخاص الهامين هناك بخشيته ان صوت الشعب على هذا القرار ان يقاطع العرب المنتجات السويسريه كما
حدث مع الدينمارك ...

وهناك دعوة لعمل حمله على الفيس بوك وفى جميع المواقع للتنديد بالقرار المذكور والتهديدبالمقاطعة الاقتصادية لسويسرا

فعليك ان تتولى هذا انت وزملائك على النت وفى المواقع وعلى الفيس بوك

واظن ان الله سيكتب لك حسنات بدعوتك هذه ان اخلصت النيه له


ايه رايك فى الموضوع ده مش افضل من موضوع الكوره اللى تعبتنا به معاك ؟؟؟

عمك
احمد المصرى [/align]

[align=center]طب أسمع حضرتك الخبر ده..وأكيد حضرتك سمعته في الأخبار

الرئيس الجزائري بوتفليقه جاي زياره لمصر بعد يومين وتستمر ليومين لتهدئه الجو بينا وبين الجزائر
وقال (أنني سأذهب لرفع العلم المصري) كرساله يوجهها للشعب المصري انني انا رئيس الجزائر ارفع علم مصر فلا تأخذوا بمن حرقه انه يعبر عن الجزائر او شعبها..

الشارع المصري والجزائري بقي محتقن جدا بسبب الموضوع ده
وأكيد في مواضيع كتير مهمه علي الساحه الأن.. ده من وجهه نظري الشخصيه من ضمنها

شكرا لمرورك يا عمو أحمد [/align]

[align=center]طيب تعالى ننقاش الموضوع ده وفق نظرية المؤامرة

من الجائر أن هذا الشحن وهذا التطاول مقصود لذاته

حتى يخرج الجمهور عن هدوئه ويقوموا بتصرفات

تستخدم زريعة امام الفيفا حتى تخرج مصر من البطولة نهائى

وقد حدث ذلك من قبل فى موضوع الطوبة بتاعة ماتش احد الدول الافريقية
(( ربما كان ماتش مصر وزمبابوى وتم الغاءه واعادته فى فرنسا))

( لااتذكر المباره او الواقعة على التحديد)

فيجب ان لاننساق وراء هذا التحفيذ والى هذا الطريق الذى يرغبون ان ننزلق فيه

ومن ادرانا فربما يتم عمل ملف كامل من الان - وربما قبل الان - لكل مايصدر عن الصحف او تصريحات من المسؤلين ومقدمى البرامج ومايكتب على النت
حتى يكون جاهزا لاستخدامه اذا دعت الحاجة ...
وربما ايضا يكون التصرف العادى البسيط وسيستخدم مع مايحدث من شحن ومايتم تجميعة من مستندات تستخدم ضدنا لحظتها ووقت الحاجة اليه

فيجب ان نكون لدينا كياسه وفطنه ونفوت عليهم الفرصه ثم بعد المباراة نفعل مانشاء

ايه رايك فى التحليل ده ياعم محمد ...؟؟[/align]

[align=center]
سبق السيف العزل ايها المقدام
هما عملوا كده فعلا
وبناء عليه الفيفا حطت لأول مره في افريقيا أربع مراقبين أمنين في مباراه
وايه بقي..بص الكلام اللي زي العسل
أتنين منهم مغاربه..يعني صباح التحيز


لكن انا عندي ثقه أن ربنا معانا

أحنا محرفناش المصحف وأتريقنا علي سوره يوسف
أحنا مسبناش دين ناس اسمهم الساجدين
أحنا محرقناش علم حد ولا بنحمل في صدرونا غل لحد

برغم كل الضغط الاعلامي اللي عملاه الجزائر
وبرغم كل الضغط اللي بتعمله الجزائر علي مصر من ناحيه الفيفا

لكن أحنا مبنعملش كل ده
اللي بنعمله بس تقديم مشيئه الفوز لله..والدعاء
والله ناصرنا ان يشئ
(ومن يتق الله يجعل له مخرجا ويرزقه من حيث لا يحتسب)
وأن شاء الله بأمر الله الواحد مصر حتنزل بالجزائر هزيمه بسداسيه نظيفه بأمر الله تعالي[/align]

[align=center]ومتقلقش يا عمو
الملعب مش حيتساب فيه زلطه زي ما أكد وزير الداخليه
وحيتفتش كل الداخلين للملعب
( الا الجزائرين- ان شاء الله حد منهم يرمي نار ولا صاروخ ويلبسوها هما ويبقوا ريحونا )
ولن يمسح بدخول اي شئ الا الاعلام وفقط..وسيمنع حتي الدخول بعلب الكبريت او ولاعات السجائر ..وحيكون المخبرين منتشرين وسط الجمهور قبل ساعات من بدء المباراه ..

أطمن أطمن يا عمو
خليهم اللي يقول يقول..أحنا أعصبنا حديد بعون الله وربنا حينصرنا أن شاء الله منتخب الساجدين[/align]