العودة   منتديات زهرة الشرق > >{}{ منتديات الزهرة الثقافية }{}< > همسات وخواطر

همسات وخواطر زهرة النثر والخواطر - همس المشاعر - عذب الكلمات - حنين الذكريات - بوح القــلم - مشاعر وأحاسيس - مشـاعر عشق حالمة

إضافة رد
 
أدوات الموضوع
قديم 24-12-07, 04:57 PM   #1
 
الصورة الرمزية okkamal

okkamal
المشرف العام

رقم العضوية : 2734
تاريخ التسجيل : Apr 2005
عدد المشاركات : 14,840
عدد النقاط : 203

أوسمة العضو
لاتوجد أوسمة لـ okkamal
لحظة جنون


أحيانا تنتابنا لحظات مجنونة تحمل لنا افكار اكثر جنونا , ومن هذة الافكار ان نتخيل ان (( نفسنا )) تخرج من داخلنا وتقف امامنا ونتحدث اليها او تتحدث الينا , احيانا نتحدث معها على انها مذكر واحيانا على انها انثى واحيانا على انها الحبيبة واحيانا الغريمة , واحيانا تكون النفس مفردة واحيانا تكون توأم وقد يتنافساعلى حبك وقد يتصالحا على كُرهك , تعالوا نشوف كدا لما نكون داخل لحظة الجنون هذه ماذا ســ نقول وماذا سيدور : - لازم نفترق علشان كل واحد سكته غير التاني - عايزة تسبينى وانت بقت كل حاجة لى ؟؟؟ - انا مش هسيبك انا عايشة جواك لكن مش هعيش معاك - - وهى هتفرق يعنى ؟؟؟ - اكيد هتفرق لان لما هعيش جواك هبقى انا انت وانت انا مش هنعرف مين انت ولا مين انا ... هنكون حاجة واحدة - انا شفتك عشتى احلى ايامك الفترة اللى فاتت واكيد مابقتيش محتاجه لى. - وعلشان كدا انا هعيش اتعس ايامى اللى جايه وانت بعيده عنى - عارفة كان نفسى يبقى ليا عمر تانى علشان اعيشه معاك .... دا البُعد ذنب كبيير لايغتفر. - وانا كان نفسى نكون خارج الزمان ونعيش ايامنا على هوانا .... لكن بنا بحور كتير .. كل ماعدى بحر ألقى غيره بيتحفر . - شايفة الشارع اللى ادمنا دا .. شبه سكتنا وبيحفر خطاوينا . - ايوه .. كان نفسى امشيه معاكى وارسم فيه احلامى وأحقق فيه آمالى - والله ممكن ليه لأ ... تعالى نمشيه لحظة بلحظة .. وكل لحظة نسجلها بشفايقنا .. وتكون ادينا هى الشاهد على حكايتنا .. تحكيها وترويها للى جاى . - انا مايهمنيش اللى جاى ... انا اللى يهمنى انت وانا - تعالى ننور القمر ونخلى النجوم تنور لنا الطريق وتكتب لنا المصير - بس بسرعة قبل ما الشمس تطلع - طيب وايه المشكلة لو طلعت الشمس ؟؟؟ - ساعتها هـــ حتاج استخبى فى حضنك ومش هقدر اسيبك تانى - ساعتها الشمس هتخلينا شئ واحد ... عاشق ومعشوق .. وعاشقة وعاشق - تفتكرى ان المطر والرعد ممكن تغير الحلم او تبدله ؟؟؟ - لا ... دية هتكبره وهترويه فى الصيف - طب وليه فى الصيف الشمس ماتبعتش الضل ؟؟علشان تحميه وترعاه دا نبت لسه اخضر وصغير محتاج اللى يرعاه ويحن عليه - كان نفسى ابقى جواكى زى جذور الشجر او السمك فى الميه.. اموت لو خرج من جواك . - انت كنت عايز تبقى اكبر من كدا جوايا ؟؟ - اكيد كان نفسى ابقى اكبر من كدا... .و كل ماحبك يزيد .. كل ما فروعى تكتر وضلل عليك اكتر وتضمك ليها زى الوليد لما تضمه امه لصدرها . - طب وهى هـــ تعمل معاها ايه ؟؟؟ ياترى هتسبها ؟؟؟ ياترى هتنساها ؟؟؟ - الحب مش بايدى انا مارحتش له هو اللى جانى غير حالى .. نور زمانى - هى اديتنى الامل لكن ياخسارة .... - ياخساره ايه .. كمل كلامك - الكلام هنا وقف ورحل .. زى ماهى عملت بالظبط .. سابتنى فى يوم من غير وداع ومنغير ماتقولى انها ماشيه ومش هترجع تانى .. ونسيت تسبلى تذكار .. غير الألم اللى عشش جوايا واتحفر مع شراين دمى . - وياترى كان من السبب .. انت ولا هى ؟؟؟ - سؤالك غريب !!! انا !!! - ماهو كل حاجة كانت ادامك - انا فضلت اصون الوداد وارعى الوصال ... وهى كل يوم تخنق فيه وتقتله بالهجر ساعات وبالبعد ساعات تانية . يارتنى كنت اقدر احرك الزمان وارجع بيه تانى لايام زمان . - لكن هى اللى اختارت ... اختارت طريق تانى .. مش عارف ليه !!! - بس هى بتندم .. كل يوم بيزيد ندمها زى حبك ماكل يوم بيزيد جواك - ومين قالك انها بتندم او بتتعذب زى ؟؟ تفتكر هى هترجع تانى وهتقول انها غلطت ؟؟؟ ولا هترجع وتقول انت اللى كنت السبب زى ماقالت قبل كدا وتحملك الغلط برده .. علشان تهرب من اللى عملته وتهرب من ضمرها اللى بيعذبها .. ولا يمكن ضمرها بقى زيها ونسى هو كمان اللى عملته ؟؟؟ دا ياما قالت انت كل شئ انت الحياة وانت الموت .. انت الحب .. وانت ماء المحيا ولحظة افترقنا هى الفناء .... وحفرت بالدم اسمى وكتبت بالنبض رسمى - لكن للاسف كان كلام .. كلام خارج من اللسان مش من نبض الوريد .. وأسالها عن يوم الفرح وكمان اسالها عن يوم الصبحية .. واسالها عن الجنين .. واسالها عن البنت اللى عمرها سنه وشوية ... ياترى هتقدر تنسى كل اللى حصل ؟؟ هتقدر تنسى الأسية ؟؟؟ هتقدر فى يوم تداورى الجراح اللى فيه ؟؟ ولا هى اتعودت على جرح الاحبه وتعذيب الاطبة؟؟ -انت بتسألنى ؟؟ ... طيب خلينى انا اسألك نفس السؤال .. هتجاوب وتقول ايه . - بس ... بس مش انا اللى فى مكانك ولا حاسس باللى بيك . -ماهو علشان كدا انا بسألك انت ... لان اكيد اللى هتقوله غير اللى انا هعمله - يااااااااااااااااااااااااااااااااااااااااااااااااا اااااااااااااااااااه دا انت مجروح اوى .. والجرح يا ولاداه كاويك ومعذبك . - كلمة مجروح دية شويه انا بقيت الجرح نفسه . - طيب ومستنيها تداويك بعد كل اللى عملته فيك؟؟؟!!! ياترى هى لسه حاسه ؟؟؟ - يارتها كانت ادامى او معايا كنت سالتها ... كنت عاتبتها .. او حتى حضنتها. - بس تفتكر انها كانت هتجاوبك ؟؟؟ - ماظنش ... بس انا كنت هــ عرف من عنيها من دقة قلبها .. هى دبحتنى خلاص واستنت لما دمى نزف كله ... وبعدين ادتنى دهرها ومشيت , فاكره ان الزمن هينسها .. ومش فاكره ان الزمن دا هو نفسه اللى هيخلص تارى يوم من الايام . بس ساعتها –يمكن – اكون مش موجود او يكون قلبى اتملى خلاص كره ليها .... - بس هى لسه بتحلم بك و بتحس انها محتاجة تطمن عليك علشان ترتاح من عذاب ضمرها فــ بتتصل .. لكن ياريت اتصالها بيطمنها .. اتصلها بيزيد عذابها .. لانها عارفه كويس ايه اللى عملته وباى سكينه دبحتنى , ده حتى ماسمتش عليا او كبرت . - يااااااااااااااااااااااااااااااه فيه ناس بالقسوة دية ؟؟؟؟؟؟؟؟؟؟؟؟؟؟؟؟ !!!!!!!! - مافتكرش انهم جنس ناعم زى مابيقولوا او عندهم رحمه زى مابنسمع ... دول ساعات بيكونوا اشرس من الديابه .... ومخالبهم اقوى من النسر ماتسبش الضحية غير لما تاخد روحها او اللى عيزاه منها او تلاقى ضحيه جديدة تغرز فيها مخالبها وتنهش من جتتها . - طيب ممكن اسالك سؤال وتجاوبنى بصراحة ؟؟ - اكيد هجوبك بصراحة ماهو ماعدش عندى غيرها وهى اللى اعرفها دلوقتى. - انت عايش ليه بعد كل دا ؟؟؟ - لو كنت عارف انا عايش ليه .. كُنت موت من زمان .. لكن للاسف انا مش عارف .. فعلشان كدا لسه عايش ويم ماهعرف سعتها هتلاقى نعىِ . - طيب .. لحد امتى هتفضل فاكرها وهى نسياك ؟؟؟ ولحد امتى هتفضل تحبها وهى مش فكراك ؟؟؟ - مانا قلتلك فى اول الكلام .. الحب مش بأيدى .. لو كان بأيدى كنت كرهتها من زمان ... لكن لسه قلبى بيحبها وعقلى بيسافر لها ...

رغم انى كنت عصفور ها اللى انجرح .. كنت طيرها اللى اندبح -

( الكلام غير قابل للنقاش لانه زى ماقلت لحظة جنون ولكنه قابل للتعليق )) احمــــــــــــــــــــــــــــــــــــد المصرى


okkamal غير متواجد حالياً   رد مع اقتباس
قديم 24-12-07, 05:34 PM   #2
 
الصورة الرمزية مس لاجئة

مس لاجئة
هيئة دبلوماسية

رقم العضوية : 5461
تاريخ التسجيل : Sep 2006
عدد المشاركات : 5,496
عدد النقاط : 10

أوسمة العضو
لاتوجد أوسمة لـ مس لاجئة
رد: لحظة جنون


عمو احمد

كلام اكثر من رائع

لي عودة ان شاء الله

تحيتي لك


توقيع : مس لاجئة





مس لاجئة غير متواجد حالياً   رد مع اقتباس
قديم 25-12-07, 11:44 AM   #3
 
الصورة الرمزية okkamal

okkamal
المشرف العام

رقم العضوية : 2734
تاريخ التسجيل : Apr 2005
عدد المشاركات : 14,840
عدد النقاط : 203

أوسمة العضو
لاتوجد أوسمة لـ okkamal
رد: لحظة جنون


لما
فى انتظار العودة
دمت بود


okkamal غير متواجد حالياً   رد مع اقتباس
قديم 27-12-07, 10:42 PM   #4
 
الصورة الرمزية محمد عطيه

محمد عطيه
محرر في زهرة الشرق

رقم العضوية : 8840
تاريخ التسجيل : Aug 2007
عدد المشاركات : 5,124
عدد النقاط : 122

أوسمة العضو
لاتوجد أوسمة لـ محمد عطيه
رد: لحظة جنون


الكلام جمييييييييييييييييييييييييييييييييييل يا عمو احمد
وعجبني اوي تعبير
كلمة مجروح دية شويه انا بقيت الجرح نفسه .
فعلا ساعات كمان الواحد الناس تقوله بداخلك حزن ويقول نعم ويخفي انه هو الذي بداخل الحزن وليس الحزن الذي بداخله
رغم انى كنت عصفور ها اللى انجرح .. كنت طيرها اللى اندبح
رووووووووووووووووووووووووووووعه يا عمو خاطره رااااااااائعه للغايه بجد


توقيع : محمد عطيه
زهرة الشرق



zahrah.com

محمد عطيه غير متواجد حالياً   رد مع اقتباس
قديم 29-12-07, 10:49 AM   #5
 
الصورة الرمزية okkamal

okkamal
المشرف العام

رقم العضوية : 2734
تاريخ التسجيل : Apr 2005
عدد المشاركات : 14,840
عدد النقاط : 203

أوسمة العضو
لاتوجد أوسمة لـ okkamal
رد: لحظة جنون


محمد
اشكر لك مرورك
وقد اخترت من الخاطرة
-فعلا- جمل رائعة تعبر
عن الحالة الوجدانيه للبعض
دمت بود


okkamal غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اكسب مليون حسنة وامحو مليون سيئة في لحظة واحدة ساهرة نفحات إيمانية 6 26-10-07 06:44 AM
لا تنصدم عند لحظة حدوثها.. بل تمالك نفسك..ولاتسقط الا واقفا الهيتي واحة الزهـرة 8 28-08-07 10:05 PM
أحلى جنون نبض القلوب همسات وخواطر 19 20-08-03 12:14 AM
المرأة الذكية هي التي تعرف كيف تتصرف لحظة غضب زوجها لتمتص غضبة بهدوء ومحبة الحوراء حواء وآدم 5 17-07-03 01:19 AM
لحظة انعدام الأمل أم نوف همسات وخواطر 10 03-02-03 10:26 AM


الساعة الآن 11:38 AM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)