العودة   منتديات زهرة الشرق > >{}{ منتديات الزهرة الترفيهية }{}< > الترفيه والرياضة والفروسية

الترفيه والرياضة والفروسية رياضة الفروسية - سباقات الفروسية - الخيول العربية - قصص طريفة - مواضيع الترفيه - حكايات ومواقف ساخرة - كرة القـدم

إضافة رد
 
أدوات الموضوع
قديم 18-12-19, 03:48 PM   #1
 
الصورة الرمزية هيام1

هيام1
مشرفة أقسام المرأة

رقم العضوية : 7290
تاريخ التسجيل : Apr 2007
عدد المشاركات : 15,154
عدد النقاط : 197

أوسمة العضو
لاتوجد أوسمة لـ هيام1
اصدق ما كتبت ..


قديمه متل اليوم
....

إذا فاجئنا ضيف و كنا لامّين الغسيل و في شي كيلوت واقع بالغلط و فات هالضيف، دغري منركض نخبيه و منخجل .. هلق فيها و ما فيها انو نخجل .. بس تعى فكر فيها !! كلنا عنا تياب داخليه .. كلنا .. مين ما عندو ؟؟
ما بدها خجل هالقد ..
و كمان في احاسيس داخليه منخاف نظهرها ..
منستحي فيها .. طيب مين ما عندو احاسيس خاصه ؟؟ كلنا عنا .
سنة ١٩٩٤ كنت على علاقه حب ببنت امتدت لتلات سنين و بسنه ١٩٩٤ تزوجت لان وضع بيتها كان مكركب و انا وقتها كنت صغير عالزواج و هي كانت بعمري يعني لوجستياً علاقه فاشله، ..
كان اجمل شي صار بحياتي ..وجها .
المهم من بعد ماتزوجِت و سافرِت كتبتلها رساله ، و قررت ابعتلها ياها عند اهلها لمن اعرف انها جايه تزورهم ..
من بعد ماكتبتها و قريتها شي سبعين مره .. خجلت من حالي ، قلت بقلبي شو هالهبل ، شو هالكلام لبلا طعمه ..
كب هالورق يا صبي و انسى . المهم ما بعتت هالرساله بس ما كان الي قلب كبها .. ضليت محتفظ فيها و انقلها و خبيها بين غراض و حراتيق و خايف ما توقع بأيد حدن و يشوفها و يضحك علييه شو كاتب ، شو مهبل ، من فترة اسبوعين عم فتش بين غراض قديمه و فجرت بوشي علبه القلم يلي مخباها فيه .. فتحتها و قعدت قريتها كأني اول مره بقراها لاني كنت ناسي شو كاتب من ٢١ سنه و الغريب انو تاريخ هالرساله كان متل اليوم .

حبيت اليوم انشرها
و انشر عفويه هالكلام .. يلي ما بظن اني مفروض اخجل فيه .
..

..
اكيد مش من قلبي .. بس
متأكد انو مش رح يحبك قدي
و بعرفك شاطره بالتمثيل .. كمان .. وهاي لامك .. اكيد فرحت انك تجوزتي .. اصلاً طول عمري قول عنها هبلا .. بس كنت استحي خبرك.

بدي خبرك شي
يمكن يلي عم بكتبلك ياه هبل .. بس هيدا اصدق شي رح يكون بحياتي
في اشيا عاديه و بسيطه بس ما تشبه شي ..انتِ وحده منها
شايفه لمن يكون الواحد ماشي بنص دين الليل و مافي حدن غيرو بالطريق .. و بينتبه هيدا الماشي لضو القمر كيف منورله طريقه .. يمكن هيدا الرجال هيدي اول مره بينتبه لضو القمر قديش حلو .. شفتي ضو القمر بهالحظه شو حلو ؟.. هيك انت كنتِ بحياتي
شايفه الولد الصغير لمن امو و بيو بدهم يضهروا يسهروا كيف بيحسو قلبو للطفل انو امو بدها تفل و تتركه ، شايفه كيف بيصير يبكي من حرقه قلبه و يزرق وجه و يلبط بإيديه و بإجريه
و لو مهما حاولوا يضحكوا عليه و يغروا بلواح شوكولا و العاب و صرامي بنيعن ..
شايفه قديش معلق فيها و ما بدو شي غيرها .. انا هلقد كنت معلق فيكي.
انت بتعرفي انو اول بوسه مابتنتسى عند الشب او عند البنت .. انت حلوى متل اول بوسه.
تخايلي واحد فاق لاقى حالو بجزيره ما فيها حدن غيرو و ما بعرف قديش صرله ، و فقد الامل انو يرجع يشوف بني ادم .. و بنهار كان ماشي و شاف ناس متجهين صوبه من بعيد .. عم تتخايلي كيف بيكون شعوره .. شفتي هيدا الشعور ؟؟ هلقد مشتقلك.
انت بتعرفي انو كل علاقه حب رح امرق فيها شو رح تكون .. ؟؟
يعني متل يلي عم بيقارن رسام ببويجي صبابيط..
متل يلي عم بيقارن مرطبان كافيار بعلبه سردين..
متل يلي عم بيقارن صوت لبيانو بصوت جرس البيت..
متل لمن يكون بابا مدور لمسجله عم يسمع اهواك بصوت عبد الحليم و يقوم يوطي الصوت و يكفيها بصوته..
قلتلك في اشيا بسيطه بها الدني بس مابتشبه حدن.. انت من هالاشيا..
ضحكتك ..ما بتشبه إلا ضحكتك
حتى اسمي لمن بتعيطيلي .. ببطل يشبه اسمي..
ولا كأني سامعه قبل ..
متل صباط جديد بأول لبسه .. مش ظابط التشبيه .. بس حبيت ضحكك يا كلبه.

في اشيا بتحمل اسامي مخترعيها ..متل هوفر ، كولت ، فيراري ،كاريير .
المهم كتار ، يلي بدي قلك ياه انتى اخترعتيلي الحب و ما رجع حدا اخترع او رح يخترع متله ..
متل مقص الضفير ما بيتغيّر شكله.
بعد بدي خبرك شي
كنتِ كل ما تكوني عم تشربي نسكافيه و تفلي ، عادهً كان يضل نصو للفنجان كوّن جلالتك ما بتحبيه مسقع ، المهم ، كنتِ لمن تفلي اقعد وولع سيغاره و كفيه للفنجان ..
طعمته من بعد ماتكوني شربانه منو غير !! غير كل النسكافيه بالعالم ببطل يشبه طعمة شي بالدني .. كنت اتخايله فنجان و شفافك مدوبين فيه..

انشالله بتتهني
من بعد ما تتطلقي
اصلاً الله مابيحملك
فرجيني قديش رح تقدري تمثلي عليه
على فكره
كتير بحبك
اكتر من امك الهبله بحبك

منقول


توقيع : هيام1
قطرة الماء تثقب الحجر ، لا بالعنف ولكن بدوام التنقيط.


زهرة الشرق

هيام1 غير متواجد حالياً   رد مع اقتباس
قديم 18-12-19, 07:16 PM   #2
 
الصورة الرمزية امل2005

امل2005
المشرفة العامة

رقم العضوية : 4124
تاريخ التسجيل : Feb 2006
عدد المشاركات : 8,226
عدد النقاط : 50

أوسمة العضو
لاتوجد أوسمة لـ امل2005
رد: اصدق ما كتبت ..


عفويه وصادقه وطريفه��.. تسلمى هيوم


امل2005 غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لكل فعل رد فعل إلا عند العرب!ا.د. محمد اسحق الريفي رماح زهرة المدائن 1 26-10-13 02:16 PM
كل حرف لك كتبت.... نجمة الشرق أشعار وقصائد 4 14-07-08 06:51 PM
خايف اصدق نفسي عاشق الورد همسات وخواطر 9 25-10-06 07:37 PM
حرمت أحب وحرمت اصدق في إحساسي قسوة الايـــام أشعار وقصائد 15 07-09-03 01:12 AM
سياتل ... كتبت لا تنسى ... لماذا ابكي زوال شعبي ؟! جيفارا واحة الزهـرة 8 08-04-03 12:20 AM


الساعة الآن 03:10 PM

Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.

زهرة الشرق   -   الحياة الزوجية   -   صور وغرائب   -   التغذية والصحة   -   ديكورات منزلية   -   العناية بالبشرة   -   أزياء نسائية   -   كمبيوتر   -   أطباق ومأكولات -   ريجيم ورشاقة -   أسرار الحياة الزوجية -   العناية بالبشرة

المواضيع والتعليقات المنشورة لا تعبر عن رأي منتديات زهرة الشرق ولا نتحمل أي مسؤولية قانونية حيال ذلك

(ويتحمل كاتبها مسؤولية النشر)