--------- ( بو عكاس ) ----------

الاخ العزيز / حبى الكويت
جميل ماسطرت وننتظر جديدك
احمد المصرى

okkamal

كل الشكر والتقدير مرورك الغالي

ولك خالص التحية والتقدير

[ALIGN=CENTER]أستاذي *حبي الكويت*
أشكرك على هذه الحلقة
المسلية التي تبعث الفرحة في قلوب
الناس وطبعا أنا منهم...
أرجوا لك التوفيق...[/ALIGN]

meme_hams

كم اسعدني مرورك وتعقيبك

ولقائنا مع الحلقة القادمة

بأذن الله تعالي اليوم ودمت

[ALIGN=CENTER]
( الحلقة الحادية العاشر )

أنا عجوز !!!!! يعلك الضربه ، يله طلعي مابيك تساعديني - مشكوره ماما ، مشكوره !! وانتي ماصدقتي خبر تبينها من الله ، تعالي .... انزين ماما شنهو اسوي الحين ؟؟ غسلي لمواعين يله بسرعه ، ابي كلشي جاهز ، اليوم كل العيال جايين يتفطرون عندنا ، حاضر ماما ، وقبل المغرب بشوي وصلوا العيال ومساكين اهم اوصلوا وستلمهم ابوهم الحين جاين ؟! ماقلتم نساعد هالمسكينه امكم بروحها بالمطبخ ، قاطعته المره قالتله لا تخاف كلشي جاهز ، .... بس المفروض يساعدونك .... صح ؟ خلاص يامعود المره الثانيه يساعدوني ، ونمد السماط .... الله الله كل هذا الخير يمه ماشاء الله تبارك الرحمن ، والله ياعيالي هذا كله من خيركم ، وأذن المذن قال لهم أبوهم يله ياعيال كل واحد ياخذ تمره ويشرب شوية لبن علشان نلحق الصلاة ، شدعوه يبه لاحقين على الصلاة ..... الابو ....شلون !!! كنكم نسيتو لا مانسينا بس المثل يقول - مجابل جيش ولا مجابل عيش - تركوا عنكم الخرابيط ويله المسجد بسرعه ، وبعد ما ارجعوا من الصلاة وتفطروا وعينوا من الله خير والحريم ماقصرت بتقديم الشاي والقهوة والحلو والاحلى جمعتهم مع بعض ، وبعد صلاة العشى والتراويح ارجعوا يكملون السهر ، وخذتهم السوالف لين نص الليل مايدرون عن الوقت واهم سوالفهم كانت عن ذكريات القرقيعان كان يقول بوعكاس: ياعيالي اول احنا كنا نستعد حق القرقيعان قبله بكم يوم تشوفونا نحضر الاكياس ونعيين علينا رئيس ونطلع جماعه ، وتشوفون واحدنا يحطله شوارب من شعر الغنم ونصبغ وجوهنا باللون الاسود ، ومعانا طبول ، وأذا رحنا تسمعون لنا صفقه وغناوي تحسسك بالقرقيعان ، مو الحين كل واحد تجره الهنديه ويطق الباب عطوني قرقيعان ، وين قبل وين الحين ؟!! ياعيالي خربتوا القرقيعان ، الله يذكر ذيك الايام بالخير، اكيد يبه ، امس البيوت لازقه ببعض واليوم توسعنا شوفت عينك كل شيئا تغير - والى اللقاء مع الحلقة القادمة ان شاء الله يوم الاربعاء القادم - رأيكم يهمني وكل عام وانتم بخير ولكم تحيتي [/ALIGN]

[ALIGN=CENTER]اخي الكريم - حبى الكويت
اعجبتني الحلقة وكانت رائـــــــــعـــــة وبذات ايام القرقيعان مال اول احسن من ذلحيييييييين بمئة مرة
يعطيك الف عافيه على الحلقة [/ALIGN]

حبى الكويت
جميل ماسطرت
وفى انتظار الحلقة التالية
احمد المصرى

اخي حبي الكويت
سرد جميل ومشوق للاحداث التي تجري في منزل ابو عكاس
نتابع معك بكل الشوق بقية الحكايه
سلمت وسلم قلمك المبدع
دمت بخير

مراحب أخي الفاضل

بدون مجاملة

سردك جدا رائع

شكل رمضان القادم راح نشوف بالتلفزيون الكويتي مسلسل من تأليفك

متمنية لك التوفيق
ودمت بخير

الاخت محبة الهدى

حقيقة كما نسمع من أهالينا ان قرقيعان الأمس

أحسن بكثير من اليوم ولكن التطور يفرض نفسه

شاكر لك مرورك الغالي والى اللقاء مع الحلقة القادمة

وتقبلي خالص التحية والتقدير لشخصك الكريم

okkamal


كل الشكر والتقدير متابعتك الرائعة

وتقبل خالص التحية والتقدير

الاخت هيفاء


بل الشكر لك لحضورك الرائع يامن دفعني لهذا الطرح

والى اللقاء مع ماتبقى من هذه الحلقات ولك تحيتي

الاخت اشجان

شكل رمضان القادم راح نشوف بالتلفزيون الكويتي

مسلسل من تأليفك - ماذكرتيه يدل على رضاك عما

يطرح واعجابك به ، وهذه شهادة منك اعتز بها فلك

كل الشكر على هذا التشجيع المستمر والى اللقاء مع

الحلقة القادمة والتي ستختلف عما سبقها من حلقات

ولك مني خالص التحية والتقدير

[ALIGN=CENTER]
( الحلقة الثانية عشر )

الله يذكر ذيك الايام بالخير، اكيد يبه ، امس البيوت لازقه ببعض واليوم توسعنا شوفت عينك كل شيئا تغير - والله ياعيالي كلامكم صحيح هالتوسعة ضيعت وايد من العادات والتقاليد ، المهم ، خلونا بالمهم ، خير يبه شنهو فيه ؟ بصراحة انا وامكم اتفقنا نروح العمرة ، ومنه منكم اللي يتبرع ويروح معانا ؟ وعلى طول داوروا الحديث بينهم العيال وبالنهاية اتفقوا اللي يروح اللصغير ، مع العلم هذي اول مره يروح بسياره ، والمسكين مايدل ، بس اخوانه طمنوه وقالوا له الحين الشوارع واسعه واللافتات تارسه الشوارع ، مافيه مخافه واللي يسأل مايضيع ، ووافق الولد ، وفي اليوم الثاني عدوا العدة وتجهزوا وسلموا على عيالهم ومعارفهم وخلوا ميري عند واحد من العيال وتوكلوا على الله ويوم وصلوا الحدود طلب الولد الجوازات منهم ، اللتف بوعكاس على المره ، وطلب منها الجوازات ، قالتله الجوازات موعندي ، اشلون موعندك عيل وينهم ؟! والله هذه شغلتك موشغلتي تسألني ، طيب والحين ؟ يسأل الولد ، والله الكلام ماينفع الجوازات نسيناهم بالبيت ، ردت عليه ام عكاس نسيناهم ؟ قول نسيتهم ، خلاص مومشكله ، تعالوا اقعدكم بذاك المطعم وارجع البيت اجيبهم ، بالمطعم !! لاتخافين يمه هذا المطعم خاص للعوايل ، يعني فيه غرف ، فيه غرف؟! مومشكله ، الله يكون بعونك ترجع مره ثانيه البيت ؟ عادي يمه خير ياولدي توكل على الله وبالدرب المسكين يكلم نفسه هذي اولها الله يستر ، وبعد ساعه ونص وصل البيت ، وكانت المفاجأة شاف عند الباب تكسي واقف ، أسأله خير من تنطر ؟ قال له بابا ، انا اول يجيب بهذا بيت بابا وماما ، وفيه اغراض حق هذا بيت ، انت راعي التكسي ياخذ اغراض ؟ لا بابا انا فيه تلفون يجي ، وانا سرعه يروح بيت ، انا فيه زوجه يسوي تلفون يقول ولد رجل مكسور ، الحين ولد داخل مستثفى ، زين الحين ، بس هذا اغراض انا يخلي داخل فريزر ، ماكو خراب ، مشكور انت واجد نفر زين ، وين يخلي اغراض الحين ؟ نزلهم ، انا يودي داخل بيت ، ونزل الاغراض راعي التكسي وتوكل على الله ، وقام الولد يجمعهم عند الباب وكانت المفاجأة الثانية وهذا ماسنتعرف عليه بالحلقة القادمة ان شاء الله تعالى - والى اللقاء مع الحلقة القادمة ان شاء الله يوم الجمعة القادم - رأيكم يهمني وكل عام وانتم بخير ولكم تحيتي [/ALIGN]

سبحان الله
طلع السائق مسكين ظروفه اجبرته على الذهاب
والمسكين ابن ابو عكاس رح يضل رايح جاي في الطريق
وتشويق اكبر بطريقة السرد الرائعه التي تتمتع بها
اخي حبي الكويت
تملك قدره كبيره على كتابه القصص
وكما قالت اشجان في السابق ان شاء الله في العام القادم نرى اسمك في تاليف المسلسلات وعلى اكبر كتب القصص
شوقتنا لمتابعة البقيه
بانتظارك
دمت بخير