همسات الأقلام

البرنس وائل
والله برنس
وتقولى مبكتبش العاميه
امال مين اللى يكتبها؟
بجد خاطره جميله
يلا عايزين اكتر بلييييييييز
لما شدى حيلك وركزى فى المذاكره
عايزينك تنجحى
وترجعى تكتبى احلى كمان وكمان
يلا نشوف القلم هيقول ايه انهارده

[ALIGN=CENTER]
شفتوا الكداب والكدابة؟
شفتوا النصابه والنصابه؟
الكداب بيقول انا صادق
تقوله تواجه؟ يقول موافق
انا ولا بكدب ولا انافق
ولما يجى وقت الجد
يقولك اوعى تحكى لحد
اصلها مش طالبه تشريد
وانا من الاخر مخى عنيد
لازم اعرف مين الصح
ومين كلامه دح فى دح
والكدابة تقول معرفش
ومن الكلام ده انا مبخفش
ولما تقولها وش فى وش
تقولك انا مليش فى الغش
وساعه الجد تقولك طنش
وانا من النوع اللى مش بيطنش
واللى يزيد الطين بله
تقولك جبت الكلام ده منين
وتساله يقولك حصل
تسالها تقول محصلش
وانت ضايع ما بين الاتنين
مين فينا بيكدب على مين
هو برىء وهى بريئه
هو صديق وهى صديقه
وملهمش فى الحوارات
ده كله كلام اشتغالات
والمشكله انك عارف
وبعينك قارى وشايف
ويجى باه دور النصب
يا حرام ملوا من الكدب
النصب انك تكون مش انت
حد تانى غيرك انت
وتبقى رقيق ادام الناس
اخلاق وطيب وحساس
ماهو محدش عارف حاجه
والكل فاكر انك حاجه
وانت الحقد بيجرى فى دمك
احقد واكدب يلا ولا يهمك
ماهو فيه ناس كتير مش شايفه
وناس شايفه وعارفه وخايفه
النصاب بيبيع كلام
والنصابه تقول يا سلام
قولى كمان وكمان وكمان
سمعنى احلى الالحان
وتيجى تسالها تقول مسمعتش
وغير اللى اعرفهم مقابلتش
ما احنا فى الزمن البراءه
كله برىء وكله مؤدب
وانت اللى لازم تتادب
عارف ليه
علشان مشيت ورا الحقيقه
هو برىء وهى بريئه
اه يا زمن الكدابين
والافاقين والنصابين
اوعى تفكر تعرف حاجه
الحكايه مش محتاجه
كله واضح زى الشمس
ودول مرض العقول والنفس
سيبك منهم وشوف مصلحتك
شوف الناس اللى بتحتجلك
الناس اللى منك وزيك
لا بينافقوا ولا يكدبوا
ولا يحقدوا ويتعذبوا
وعيش حياتك بدون زواء
لا كدب ولا نفاق ورياء
طول ما انت واثق من نفسك
مهما حقدوا امشى ولا يهمك
وطبق المثل ده عليك
امشى عدل
يحتار عدوك فيك

تحية واحترام
ولاء[/ALIGN]

ههههههههههههههههههههههههههههههه
حلوة منك يا ولاء
اجت في وقتها
حكم في حكم يا عم
هي الناس كلها هيك يا ولاء
هيك الظاهر
لولا
كلامك حلو
والاحلى من هيك انو واقعي
حتى انو ماشي مع الاحداث
هههههههههههههههههه
صح؟
يا طيبة
انتي ارق بنت شفتها بحاتي
وكلامك كلو صدق يا ولاء
عشان انتي ما بتعرفي الغش والخداع
وهون المشكلة
انو احنا بدنا ناس صادقين متلنا يعيشوا معانا
وعم بندور مش عم نلاقي
للاسف
و لاعظم شاعرة في العالم كلو

تسلمى يا لما
ان شاء الله بكره احلى واحلى
طول ما احنا ما بنافق ولا بنحقد
اكيد بكره هيبقى اجمل
تحية واحترام
ولاء

[ALIGN=CENTER]نفسى احفر على جدران القلوب رسمه
وارسم على كل الشفايف الصادقه بسمه
نفسى اكون طير فى السما يرفرف
يحط على الشبابيك ويغنى ويهفهف
نفسى اكون ايوب اصبر على كل مر
واودع كل دمعه مع كل يوم بيمر
نفسى اكون اتفاقية سلام حقيقيه
اوقف حروب ومذابح واطيب قلوب مكويه
وادى للشعوب حقها وامنحهم الحريه
نفسى اكون رايه نصر مرفوعه
على اراضى طاهره انفاسها مقطوعه
نفسى اكون الحق وانتشر فى كل مكان
امحى ليل الظلم من عين كل غلبان
نفسى اكون قلم يكتب بدون خوف
يقرانى كل البشر على المدد والشوف
نفسى اكون طريق مفتوح للانسانيه
تمشى عليه الناس من غير جراح واذيه
نفسى اكون القمر لكل وحيد سهران
اونسه فى وحدته والهمه السلوان
نفسى اكون الدفا لقلوب كل الناس
وامنح لكل الملامح الرقه والاحساس
نفسى اكون الحب فى عيون كل البشر
يبقى الامل طريقهم والايمان بالقدر
نفسى اكون الخير مغروس فى كل الصدور
وامحى من كل صدر الحقد والخوف والشرور



(نفسى اكون انساااااااااااااان)

تحية واحترام
ولاء[/ALIGN]

نفسى اكون القمر لكل وحيد سهران............مين اللي حكى انو انتي مش هيك؟
اونسه فى وحدته والهمه السلوان...............وبتونس فيكي حتى وانتي مش معي يا ولاء
نفسى اكون الدفا لقلوب كل الناس............انتي دفا قلبي حتى واحنا في الشتا وبالبرد
اوعي تفكري يا ولاء انك عم تتمني اماني ما بتحقق
لا يا ولاء
طول ما انتي صح
ونيتك خير
وطول ما انتي بتحبي الناس والناس بتحبك
كل امانيكي رح تتحقق
ولاء
ما تخافي لو في يوم الحيرة دخلت قلبك
لانو انتي رح تلاقي نفسك بين الناس اللي بتحبيهم ورح تلاقي طريقك بسرعة
ولاء
انتي كتاباتك رائعة جدا وبتعجبني دايما
ودايما بدور على كتاباتك
لانها بتتحسسني
انو في لسه ناس متلي
وبطبعي موجودين في الدنيا
الك يا ولاء

[ALIGN=CENTER]انا بكره الورد لانو بذكرني في موت احبابي
وبكره السما اللي عمري ما لقيتها في دربي
انا بكره قلبي اللي بحب ناس خانوا حبي
انا بكره الحب والحنية والطيبة اللي في قلبي
انا نفسي الاقي صديق وفي في دفتر ذكرياتي


انا نفسي الاقي الانسان المخلص في ماضي حياتي
انا كرهت الورد لانو دليل خيانتكم يا رفقاتي
انا بكره الورد لكن الشوك اللي فيه شيء تاني
انا بعشق شوك الورد لما بشوفو بتحلا اوقاتي
بحسو شيء مني والم فيي بحسو هو ذاتي في ليلاتي


يا ريتني كنت شوكة من اشواك الورد
لا اعرف الكذب ولا ابني ولا اعرف اهد
اعيش يومين والسلام لا اعرف كره ولا ود
ولا كنت اسمع لوم جارح ولا اسمع رد
وعشان الانسان وعشان الحب انا بكره الورد[/ALIGN]

اخيرا يا لما طلعتى من شرنقتك
ايوه كده سمعينا صوت القلم
واكتبى وقولى واصرخى
جميل الكلام حتى لو كان الم وعذاب
بنتظر ورق جديد منك كله حب وتفاؤل
حبيبة قلبى يا لما
الورد جميل والسما جميله
بس للى عايز يشوفها بعين متفائله
شكرا لحروفك الحزينه الجميله
وائل
غايب بقالك فتره ليه؟
انا مستنيه ورقك
وماصدقت انك انطلقت وكتبت احلى زجل
يلا ارجوك ورينى اوراقك
كل الغائبين عن الصفحه هنستناكم
وهنفضل نكتب ومش هنمل
يلا نشوف القلم هيقول ايه انهارده
تحية واحترام
ولاء

[ALIGN=CENTER]وعلى كل لون يا بشر على كل لون
واهى دنيا ودايره بينا مابين عقل وجنون
ناس من ظلم ناس بتتالم
وناس من حزن ناس بتتعلم
وناس على ظلمها بتتندم
وناس طيبه وبتحب كل الناس
وناس من كرهها فقدت الاحساس
وناس كل همها تجمع فلوس وخلاص
وناس قاتلها الشك والوسواس
وناس تكدب ومن كتر كدبها تصدق
وناس مابين الحقيقى والمزيف ما بتفرق
وناس بتقتل جواها كل حاجه كويسه
وناس بحب الخير والطيبه متونسه
وناس فى وشك تمدحك ومن وراك تذمك
وناس الحنيه طبعها تشيل همها وهمك
وناس فى الفرح تلاقيها وفى الحزن مش جنبك
وناس علشان مصلحه تلاقيها بتصاحبك
وناس من غير مصالح تلاقيها بتحبك
وناس مبادئها وشعاراتها كله كلام فى كلام
وناس عيشتها وفعلها كله حرام فى حرام
وناس من قسوة الدنيا لا بترتاح ولا تنام
وناس شربت المر لجل ما تعرف تعيش
وناس تدور على الحب متلاقيش
وناس ضميرها مات يوم الولاده
وناس عايشه تدور على السعاده
وناس الشر مالى قلوبها
وناس الفلوس ماليه جيوبها
وناس عايشه تدور على الحقيقه
وناس الدنيا عندها اوفى صديقه
وناس جبانه خايفه من كل حاجه
وناس جريئه من الدنيا مش محتاجه
وناس بتبيع نفسها للى يدفع اكتر
وناس بفلوسها تأمر وتتأمر
وناس مبادئها فى لحظه تتغير
وناس على نعمة ربها بتتبتر
وناس لربها ساجده وبتكبر
وناس لفعل الخير ما تتاخر
وناس عايشه وخلاص ولا بتفكر
وناس بتسرق وتقتل وتاذى وتخرّّب
وناس من الصراحه والحقيقه تهرب
وناس من اذى الناس وجرحها بتشرب
وناس تتمنى زوال النعمه من غيرها
وناس لو فى ايدها النعمه تنشرها
وناس تخون ناس وتظلمها وتهجرها
وناس تتعلم الخير ونفوسها تغيرها
وناس تشوف الحقيقه وتزوّرها
وناس كل يوم تلبس قناع جديد
وناس طمعها وجشعها كل يوم يزيد
وناس الحقد فى قلوبها نار بتقيد
وناس
وناس
وناس
وناس

وعلى كل لون يا بشر


تحية واحترام
ولاء [/ALIGN]

السلام عليكم

من على الهواء مباشرة

الله الله على الهواء

نذيع اليكم خبر عودتنا مع همسات واقلام

عدنا

وفاصل ونواصل

ودى ووردى ..

نهى علي

تحييكم من شاطئ ساحل البحر الابيض المتوسط

ومن وسط الرمله الناعمه

معكم ان شاء الله

فقط انتظرونى

نروح نشم شويه هواء على الكورنيش وبنرجع عندما ياتى المساء
الصيف ابتدا

وداعا للشتاءءءءءءءءءءءءءءء
باقة ورد من بائعه الورد

نهى علي

وائل
لقد احضرت معطف الشتاء خشية من الهواء
فلا تكثر من الهواء وكن على حذر
فرفقا بالعواجيز امثالى
دمت بود

يامراحب يا مراحب بجد

نهى وابو حميد هنا سخسيا

معاليكم تنورونا وتشرفونا ودى مش محتاجة كلام

بس لية المعطف الشتوى فى الحر ده ياباشا

فكك يا ابو حميد من الحركات دى

وسيب الهوا يلعب براحتة .. الهوا مش بيحب التقيد او السيطرة

وبعدين الأهلى حديد حديد

وعلى رأى نهى الشتاء خلاص راااااااااااااااااح

الجو حر بجد يعنى لازم تفك الكرافتة واضرب التيشيرت

عموما سلامات تلاتات تلاتات من هنا للشللات

سلامووووووز وتفاح اخضر .

سيب سطر واكتب :

حارس قضائى ع الوطن

ووصى على المال والعيال

سيب سطر واكتب :

جورج بوش

اول خبر .. آخر خبر فى النشرة : بوش

يارب زيح

أرض اختصرناها ف ضريح

بيساع متين مليون مسيح

والصدر ضاق

دارفور .. فلسطين .. والعراق

ياولية مش ناقصين خناق

كل اللى بالك فيه صحيح

مش محترم !

جوزك صبح هيكل صفيح

بتتناوله ريح الخوف لريح

سيب سطر واكتب :

جورج بوش

فاتت مظاهرات ضد بوش

فاتت جيوش

ارسل تهانى العيد فى يوم الوقفه بوش

اشرف على دبح الأضاحى

والضرب قبل الضرب دار من غير قرار

الواد بقى فوق الاربعين

مع ان ابوه فى الاربعين

بند المرض مش فى الحساب ومش للدوا

ملايين شباب الخريجين وقفم سوا فى الانتظار

( ياريت انا اختار )

ولا كنتش اعيش بين نار ونار

يطلع قرار .. يشطب قرار

وابن البلد عاجز يجيب م السوق خضار

نهر الفرات بيصب فى النيل المرار

والساحة بين الاتنين فرار

م الموت

الى الموت ف الفرار ,,,

ــــــــــــــــــــــــــــــــــــــــــــــــــ ــــــــــــــ


يلا يا شباب اللى بعدى يجهز نفسة ويشوف هيكتب اية النهاغ ده .

تحياتى .