--------- ( بو عكاس ) ----------

شي جميل حبي الكويت

وشكل بو عكاس بيجن

وام عكاس ... مثل كل الحريم

ما علينا .. شكل الحلقات بتكون رائعه

متواصلين معك حبي الكويت

ياهلا والف مرحبا بك أخت أم متعب

وكم اسعدني تواجدك معنا من خلال

هذه الحلقات و للعلم ستبدء مواقفها

الظريفة ابتداء من الحلقة القادمة

ان شاء الله تعالى وكل عام وانت بخير

ولك تحيتي الخالصة

الاخت اشجان

شكل الحلقات بتكون رائعه - اتمنى

ذلك وأسأل الله ان يعينني على كتابتها

وتقديمها بالشكل المخطط له وتقبلي تحيتي

[ALIGN=CENTER]السلام عليكم

الله يكون بعونك يابو عكاس

متابعة شيقة اخي حبي الكويت وبعدين ايش راح يصير ننتظر[/ALIGN]

الاخت حورية البحر

وبعدين ايش راح يصير ننتظر ؟؟

هذا ماسنعرفه يوم الجمعة ان شاء

الله تعالى ولك خالص التحية والتقدير

[ALIGN=CENTER]

( الحلقة الثالثة )

المهم اقتنع واشترى الفطور وخذوا لهم تكسي وهم بالتكسي ، أذن المذن عليهم فمد أيده بوعكاس داخل الكيس وجر منه كم فردة تمره ... وعطى صاحب التكسى كم فردة ولتفت على حرمته اثرها مسكينه نايمه المهم عطاها كم فردة تمر ،وخذ له هو بعد كم فرده ... اللهم لك صمت وعلى خيرك أفطرت ... ورد اللتفت على حرمته وقالها بشري اليوم فطرنا صايم ... قالتله : الحمدلله ماجور أن شاء الله ، ويوم وصلوا البيت ، مد أيده وعطى صاحب التكسي فلوسه وقال: يا مره قولي حق ميري تنزل الأغراض أنا أبي اللحق على الصلاة ، خير ان شاء الله يابو فلان ، هو راح يصلي بالديوانية وهي صوتت على ميري وقالت لها روحي نزلي الأغراض ، وراحت المسكينة تصلي وبعد الصلاة كان همها تحط الفطور دشت المطبخ ولتفتت يمين يسار وتسأل نفسها وين الأغراض ؟!! كانت منبهره معقولة ميري خلتهم بالصالة ؟ ردت الصالة اوه وبعدين ! وين الأغراض ؟ سألة ميري وين الأغراض ؟ وردت عليها ميري ماما شنهو أغراز ؟ شنهو أغراض ؟!! اللي بالتكسي أنا مايعرف ماما ، عساك ماتعرفين روحي بسرعة شوفي التكسي بره ، راحت المسكينه تركض وردت ماما ماكو تكسي - ماكو تكسي!! اشلون ؟ انا مايعرف .... يابوعكاس قوووم شوف التكسي - ماشاء الله عليك يعني ماتقدر ميري تنزل الأغراض ؟! أمري لله راح المسكين يدور يلتفت ها وينه التكسي ؟ صوت على المره تعالى ، قالتله المره يعني كبرت ماتقدر تشيل ؟ ما أقدر أشيل !!! وأنت الصادقه ( الطيور طارت يأرزاقها ) أنا من شفت هالورقة وأنا أقول الله يستر .... الله يخلف علينا حتى الفطور راح حسبنا الله ونعم الوكيل شوفي شعندك نفطر عليه ... والى القاء مع الحلقة القادمة ان شاء الله - رأيكم يهمني وكل عام وانتم بخير ولكم تحيتي [/ALIGN]

[ALIGN=CENTER]
السلام عليكم ورحمة الله وبركاته ،،،

الأخ الكريم
حبي الكويت


ههههههههه
اسمح لي بالضحكة
لأني فعلاً ضحكت
وشر البليه ما يُضحك
بعد الهيصة والزمبليطه وكتابة طلبات
وحمال يشيل
وتاكسي رايح وتاكسي جاى
يطير كله في لمح البصر

الله يستر وما يطلع كله على رأس ميري المسكينه

عساك ماتعرفين روحي بسرعة شوفي التكسي بره ،
راحت المسكينه تركض وردت ماما ماكو تكسي - ماكو تكسي!! اشلون ؟
انا مايعرف ....

حتى انا كمان ما يعرف

لكن ممكن يعرف في الحلقة القادمة

تشكر على روعة الطرح والتشويق

وفي شوق للحلقة القادمة


تحيتي وصفو ودي
حــــــازم[/ALIGN]

الاخ العزيز حازم

كل الشكر حضورك الرائع وتعقيبك

و بالحلقة السادسة ان شاءالله تعالى

سنعرف السبب لعدم ذهاب ميري

وتقبل خالص تحيتي

طرح ممتع بالفعل

أخي حبي الكويت

مسكينه ميري

ومسكينه ام عكاس .. تراها تعبت حيل

وابو عكاس ..ر بنا يخلف عليك

بانتظار البقية

ودمت بخير

الاخت أشجان

سعيد لمرورك و متمني استمرار المتابعة

حيث المواقف الظريفة القادمة ولك تحيتي

أخوي حبى الكويت

شكرا لك على هذه الحلقات الجميلة

ولكن يضحكني جدا ما فعاته ميري وانا أخاف عليها من الطرد ههههههههههههه

ونتابع بإذن الله

أخوك أبو عبيدة

الاخ بو عبيدة

كل الشكر والتقدير مرورك وتعقيبك

وانا أخاف عليها من الطرد ههههه

تطمن لن تطرد ولكن سيكون لها مواقف

مضحكة كثيرا مع أم عكاس بالحلقات

القادمة ان شاء الله تعالى ولك تحيتي

[ALIGN=CENTER]
( الحلقة الرابعة )

الله يخلف علينا حتى الفطور راح ، حسبنا الله ونعم الوكيل شوفي شعندك نفطر عليه ...شوفي شنهو بالثلاجه موجود راحت المره ومالقت غير زيتون وجبن وخبز وجم بيضه ، قالت حق بوعكاس هذا الموجود ردت ميري وقالت انا اكو عيش يسوي اليوم يجيب ؟ رد عليها بوعكاس وقال لها يلي ماتخفين ربك المعده خاليه وتبين توكلينا فلفل بعد !! ، يامره عطينا الجبن والزيتون ابرك لنا من طباخها ، كلو المقسوم وتوكل على الله وراح المسجد وبعد الصلاة رد البيت وهو قاعد يسولف من المره وكل واحد حامل هم اللي صار ، مساكين على قد حالهم مايلامون اللي راح موسهل عليهم ، وشوي ولا الباب ينطق ، راحت ميري وبطلت الباب ، ولاهذي العيال جاين يباركون بالشهر ، البنات ورياييلهم والعيال ويا حريمهم غير عيالهم وخدمهم، وياحلوها من قعده ، سوالف مع الجاي والقهوه ، فقالت وحده من البنات يمه شسالفه ؟ خير يابنتي ، قالت ماشوف غير الجاي والقهوه ؟! وين الغبقه ؟ اسكتت الأم مسكينه مفتشله ماتدري اشلون ترد عليها ، لحظتها أنتبه عكاس وحس أن السالفه فيها شي ولتفت على ابوه وقاله خير يبه منت على عوايدك ؟! رد عليه ابوه وقاله والله ياولدي اليوم صارت لنا سالفه ، سالفه !! خير يبه شنهو فيه ؟ فقال القصة حقهم وبعدها اللي ضحك ولي كان مستغرب منها فقال له عكاس ، مو مشكله يبه المهم اتعرف السياره رد عليه ابوه وقاله السياره صغيره ولونها ابيض وفوقها علامة تكسي ، وتعرف رقمها ؟ ياولدي تدري انا ما اقرى ، جان يلتف على امه وقال لها وانتي يمه ؟ ردت عليه وقالتله شوف ياولدي السايق لونه اسمر وماني مثبته عدل ، والرقم ماشفته ، تدري ياولدي ماهقيت يبي يصير اللي صار ، فقال لهم ، يعني ماكو فايده من كل هالحجي ، الله يعوض عليكم ، رد عليه الابو وقال له ، والله ياولدي انا من شفت
هالورقه وانا اقول الله يستر منها ، بس تبون الصج ، جمعتكم تسوى الدنيا ومافيها ، وبعد السوالف والسهره اللي اجمعتهم ، توكلوا على الله البنات والعيال وفي اليوم الثاني ......... والى اللقاء مع الحلقة القادمة ان شاء الله - رأيكم يهمني وكل عام وانتم بخير ولكم تحيتي [/ALIGN]

السياره صغيره ولونها ابيض وفوقها علامة تكسي ،

هههههههههههههههههههه

حقيقة علامة جيد .. من السهل تنعرف السيارة

ربنا يعوض عليهم

تسلم يا حبي الكويت

وبإنتظار البقية

[ALIGN=CENTER]

الاخت اشجان

شاكر لك مرورك الطيب وتعقيبك

ومن هنا ندرك مدى أهمية الحرص

والتعليم مع خالص تحيتي لشخصك[/ALIGN]