أوعى تعيا لحسن تمووووت

أوعى تعيا لحسن تموت
يبدو أن التمييز وصل لحداً لايمكن السكوت معه
ويبدو ايضا ان هناك قراراً سيصدر بمنع الفقراء من المرض
وسيتم اقتصار الامراض على ألاغنيا واصحاب الفئة السابعة من ال bmw والمرسيدس فئة 300 س او فئة ال 500 وانت طالع ... هتقلى ايه الموضوع ياعم !!! مالك كده داخل علينا سخن وحامى ووشك يقطع الخميرة من البيت ؟؟ !!!!!!!!!!!!!

هقولك انا بديكــ نصيحه يافقير ياتعبان ...انت امثالك الموت ليهم رحمة وكمان مش من حقك انك تمرض او تطلب العلاج وهقولك ايه السبب فى كده ...وتعالى ناخدها واحده واحدة بس اصبر معايا وماتقلقش وتعالى نشوف اسعار الدكاتره على سبيل المثال وده مش ترف بقى .. ده انت مابترحش للدكتور الا للشديد القوى....

ولو كان عندكــ شوية الصداع اديك بتمشى حالك بحباية اسبرين ولو شوية مغص اديك بتغلى شوية كمون وتشربهم وحتى لو بطحه من خناقة فى طابور العيش اديك بتكبسها شوية بُن وتربطها بشاش وخلصنا ...

المهم تعال شوف اسعار الدكاتره اللى مش ممكن ينزلوا فيها تعريفه وبالمناسبه اعرف دكتور لما زاد سعر البنزين زمان عشرة قروش رفع الكشف عشرة جنيه ماهو اصل القرش عندنا بعشره عنده.... المهم خلينا فى الموضوع علشان ماطلوش عليك وحتى لو طولت انت وراك ايه يعنى ماانت مرمى واعد فاضى ؟؟ يعنى هتلضم اللولى ياخي ولا هتوزن الغلة

دكتور الاسنان ( وهذا عن تجربة شخصية .. اوقف خلع الضرس لمجرد اننى حاولت ان اناقشه فى السعر )الكشف خمسين جنيه
وخلع ضرس العقل 500 جنيه
والضرس العادى 175 جنية
وحشو العصب ب 350 جنيه
ومش هقولك على ثمن طقم السنان
او لو عمل كوبرى او حشالك سنه
ومش هــ كلمك عن تقويم السنان لحسن تطب ساكت منى ويحسبوك عليا بنى ادم وانت اصلا ميت ميت

سيبكـــ من دكتور الاسنان وتعالى نتكلم على الحريم شوية حاكم انا احب اعدة الفسحة والحكاوى مع بنات حوا ...
ونقلها : اوعى تحملى او تفكرى تخلفى لحسن دكتورة التوليد هتدبحك وتسلخ جلد جوزك ، ولو كان لابد يعنىونفسكفى حتة عيل

وضروى من الحمل والولاده فانصحك تحملى فى توأم مره واحده علشان تبقى التكاليف واحده وتوفرى شويه من فلسوك اللى كنت هتصرفيها على الحمل التانى ... وبالطريقة دية تاخدى سعر الجملة وتضحكى على الدكتوره هات تقوليلى طيب اخليه ازاى اتنين ؟؟!!!

هقولك اتصرفيلك فى بويضه اضافيه وماتبقيش خايبه وسيبى الباقى على المحروس جوزك

وربنا هيوفق طالما النية خير

المهم تعالوا نسمع الاسعار والكلام ده فى منطقة شعبية او متوسطة وعلى المقيمن خارجها مراعاة فروق العملة

فمتابعة الحمل خلال الــ 9 شهور هتوصل 2000جنية ويمكن يبقى مش من ضمنها الاشعة التلفزيونية انا مش ضامن الجزئية دية بصراحة .. واجرة الولادة للطبيبه هتوصل 3500 جنيه والمستشفى هتخبطلها حوالى 2000 جنيه كمان ... ده غير تكلفة كلمة ( يابيه و ياهانم واللى جبلك يخليلك ويتربى فى عزك) اللى هتسمعها من كل واحد شغال فى المستشفى ومايترتب عليها من بقشيس واكراميات ليس لها نهاية او حد او مد

طيب سيبكــ من الولاده والحمل وخش على دكتور
الاطفال وخصوصا الشئ بالشئ يذكر طالما فى ولادة هيبقى فيه دكتور اطفال وطبعا هتبقى زيارته اسبوع واسبوع
وطبعا مره كشف ومره استشاره يعنى اعمل حسابك على 300 جنيه كشف شهرى ده طبعا غير تمن الادوية لزووووووووووووم
نزلات البرد ودرجة الحراره العاليه واللى مابتنزلش فهناخد مضاد حيوى
لان الواد عنده بكتيريا فى الزور مش فيرس .... على شوية شعب هوائية مقفوله فهناخد لها مينوفلين على فينادول

وممكن كمان طارد للبلغم ومزيب له ولو الحاله متكحوره هنوديه المستشفى ونعمله جلسات اكسوجين وتوسعة شعب على الجهاز
طبعا ده غير النزلات المعوية والاسهال وادوية الحساسيه

مش عايز اعكنن عليك ولا على اللى جابك واخليك تحلف ماتخلف او تتجوز اصلا وتجيب لنفسك وجع الدماغ ....

توكل على الله وده كاس كلنا شربناه وسعادتك لازم تتجرعه ..

سبنا مش شغل العيال وتعالى نخش على شغل الكبار

المخ و الاعصاب
اولا الكشف من 100 حتى 500 حسب الدرجة العلمية
وموقع عيادة الدكتور . وبداية كلامك مع الدكتور هواشعة بالرنين المغناطيسى وكده يبقى بنتكلم فى 650 جنيه اشعة
وبعد كده هـــ نخش على الغضروف اللى عندك واللى بان فى الاشعة يبقى بنتكلم فى 4000 جنيه لكل فقرة على حده ولو كنت خايف من العملية هنديك حقنه تبنى الغضاريف من تانى... بس بكام بقى الحقنة دية ياجميل ؟؟؟

بحوالى 20عشرون الف جنيها للحقنه الواحده ...ياترى انت هتحتاج كام حقنه بقى ياعسل انت ؟؟؟

الله اعلم ياعم الحاج ... وحظكــ العسر يمكن يكون عندك خشونه فى الركبه كمان ومحتاج تغير المفصل هتلاقى نفسك رايح فى سكة

الــ 25 الف جنيه وبعدها هتمشى بتعرج طبعا وتزك ... وهتروح للدكتور تانى هيقولك ماهو لازم نغير المفصل التانى علشان كده فيه مفصل اطول من مفصل وهتضطر ياجميل تنصاع لكلامه ...

وكع ياعسل دم قلبك ....

.بقولك ايه قفل على السيرة دية .... دهيه تغمك زى ماغمتنى وسودت لى عشتى كلها


..طيب اسمع منى الخلاصة ومش هتكلم تانى خالص والخلاصة ان العلاج تم حجزه للاغنياء فقط والفقراء اللى زى وزيك يروحو يموتو او يدفنوا حتى من غير كفن ... لان تمن الكفن واجرة التربى هتكون غاليه عليك ...ومافيش داعى للفشخرة والمنظرة وتعمل نعى فى الجرايد او تعمل صوان كبير او تحجز فى عمر مكرم او الحامدية الشاذلية او جامع رابعة العدوية ياريت تدفن من سكات يعنى سُكيتى على رأى فؤاد المهندس

ومش هكلمك لا على علاج فيرس سى ولا الغسيل الكلوى ولا علاج السرطان اعازنا الله انا وانت من شر كل الامراض ويجعله عامر والحمد لله على الصحة والجدعنه

والحمد لله ان ربنا ماخلاش الهواء فى اديهم خالص والا كانوا خنقونا واحنا على قيد الحياه . بس بمانه عندى لك خبر حلو اوى هيعجبك الجماعة دو ممكن يحقدوا عليك لانك مابتكلشبانيه بتاع الفراخ البيضا اللى بيغزوها على حبوب منع الحمل وبتعمل فشل كلوى ولا بتاكل لحمة بتلو او كندوز او ريش او بفتيك من اللحمة اللى عندها حمى قلاعية


شفت ازاى انت فى نعمة هما بيحسدوك عليها !!!

طب تعالى لما ارقيك بالبخور وعين العفريت الاعور

ويجعله عاااااااااااااااااااااااامر

والله با احمد دي مشكلة ما يحس فيها غير الفقير زي حلاتي واللي بشوفه ، أن الحل بالعودة للطب البديل وخلي الدكاترى تغور .



وفيه حل ثاتي كلو بيرفع سعروا شوف الخيارالكيلوا يبقى بكم والطماطم تبقى بكم والبطاطا بكم وأجار الشقة يا عيني على الشقة حتبقى بكم يله كلوا يرفع سعروا عايزين معادلة .



وفيه حل ثالث نقوم كدا بخطف ابن احد
الدكاتره عايز ابنك شوف العلاج لأبني


مشكلة سيعاني منها الكثيريين مستقبلا نسئل
الله ان تلتف الحكومات لمثل هذه المعانات

تحيتي لك اخي احمد

والله انا كنت فاكر
ان المشكله دية فى مصر

لانها من الدول النايمة
وماكنت اظنها وصلت دولة الكويت

انا عندى اقتراح اخر
ان الحكومة ماتدناش رواتب وتتولى هى الانفاق علينا
وامدادنا بما نحتاجه

لك التحية

اهلا بك اخي احمد


طالما برز اسم الكويت فأحب أقول لك وهذا فضل من ربنا علينا



في الكويت علاج المواطنيين ببلاش( دون مقابل ) اي في المستثفيات الحكومية وهي من تتوفر فها كل ما يحتاجه المريض من علاج وعمليات وأطراف صناعية ...... الخ ومتى ما كانت الحالة يصعب علاجها يرسل المريض للخارج بعد موافقة اللجنة على ذلك و على نفقة الحكومة حفظها الله من كل مكروه .



وكما علاج غير الكويتيين بالمستوصفات بسعر رمزي لا يذكر وفي المستشفيات مضاعف ويبقى ايضا في خانة لا يذكر . فقط معلومة احببت سوقها بعد ان جاء ذكر اسم الكويت ودمت

ربنا يخلى ليكم كويتكم

وماكنتش احب تقول الكلام ده ادامى

لحسن احسدكم ولا حاجة

طيب عندى اقتراح ممكن تشوف لى موضوع الجنسيه الكويتى

وازاى الواحد يحصل عليها .. طالما العلاج مجانى عندكم

لك التحية

نحمد الله على النعمة ونسئل الله دوامها

مع تمنياتنا لجميع دولنا العربية والاسلامية ذلك

بخصوص الحنسية اذا كان لديك أحصاء عام 1965

ولم تغادر البلد حتى تاريخه ممكن بعد موافقة اللجنة

وهناك خدمات أخرى تقدم للارامل والمطلقات تتكفلهم

وزارة الشئون الاجتماعبة يعنى رواتب شهرية لهم


تحيتي لك

شكرا لك ابو نواف للافادة

[align=center][align=center]

بس برضو يا عمو أحمد الدنيا مش وحشه كده أوي يعني زي ما الموضوع مصورها
برضو الحكومه عندنا بتعالج موظفيها في التأمين بالمجان وتصرف لهم الدواء من الصيدليات بأسعار رمزيه
الشركات المالتي ناشيونال بيكون لموظفيها ولأهلهم تأمينات في كبري المستشفيات ولأشهر الأطباء والصيدليات

والمستشفيات التي تعالج بالمجان تماماً كــ::

مستشفي 75375 تعجز أي دوله عربيه عن أنشاؤها ولا عن تحضيرها بالأدوات التي تقدر بالمليارات بداخلها

مستشفي طب القلب بأسوان..والتي لو صرفت كل دول الخليج أموالها لن تستطيع أن تجعل مديرها رجل دكتور كالسير مجدي يعقوب أشهر جراح قلب فالتاريخ الحديث وأول من قام بعمليه زرع قلب

وكثير كثير والأكثر أعمال الخير التي يشتهر بها هذا الشعب

لدينا أفضل كفاءات وأطباء... ونحن من وجد الطب أساساً وأوجدنا معجزتاه وإلي الأن الجينات موجوده

أذا علينا أننا نفخر بمصريتنا جداً جداً جداً جداً جداً جداً جداً جداً وأن نضع أنوفنا في السماء أننا مصريين مهما كانت الظروف..
السيد مصطفي باشا كامل كان بلده محتل ضائع وقال
(لو لم أكن مصرياً لوددت أن أكون مصرياً)
أما أن نطالب بجنسيات أخري لمجرد ظروف طارئه يمر بها مجتمعنا
فما بال الشباب الصغير لو قرأ كلام حضرتك ؟

بدون رياء الموضوع حلو وإن كان فيه تعميم خاطئ علي كل مصر
وده أحد أسباب تراجعنا كعالم ثالث(التعميم) كان ممكن حضرتك تحدد الفئه المتضره..
وده اللي موحش سمعه مصر بره
بره الناس بتفتكر مصر كلها عشوائيات..ومصر فيها أموال أكتر من كل الدول العربيه
برضو بسبب (التعميم) مفيش تخصيص الفئه القليله المتضرره
لأن الموضوع أعطي فكره أن مصر كلها مبتروحش للدكتور ودي معلومه خاطئه بنسبه 90 %
أيضاً ردود حضرتك وإن كانت مزاحاً لكنها لم ترق لي وأظن برأي متواضع كتلميذ لحضرتك أن حضرتك جانبك الصواب فيها بنسبه كبيره جداً
[/align][/align]

اولا اشكرك يامحمد لمرورك

الشئ التانى اللى انا شفته عن قرب

ان المستوصفات والمستشفيات العامه التعقيم فيها فيه نظر

وقد تصاب باى مرض عندما تقوم بخلع سنه او ضرس بها

وان اسعار الاطباء بالخارج مرتفعة جدا


وبمانسبة العلاج بالمجان فى التأمين الصحى

اتذكر ان قريب لى ذهب الى التأمين الصحى

يحتاج الى علاج لاسنانه ويحتاج الى عمل نظارة طبية

فخيره التأمبين بين هذا او ذلك لانه غير مسموح بعلاج الامرين معا


لك التحية