أسكت وبلاش تفاهه

الأخ عمر البشير طلع من كام يوم بيتكلم علي مدينتي حلايب وشلاتين المصريتان
ساب دارفور اللي بتتاخد منه والتقسيم وقرارات المحكمه الجنائيه الدوليه ومحكمه العدل الدوليه وراح لحلايب وشلاتين
(قاله تعرف الـ.... منين؟؟ قال يجي في الهايفه ويتصدر)
قمه التفاهه السياسيه وأحداث الشروخ العربيه بلا أي داع
المهم صاحبنا قال في مؤتمر شعبي
(حلايب وشلاتين سودانيه)

-ال سودانيه؟؟ نفسه هفاه علي حلاوه الموسم -

فمصر طبعاً خدت الموضوع بالراحه جداً ومردتش
يعني زي ما العرب قالت زمان
(دعه يتكلم ليس عليه مال)

المهم الحكومه السمسميه أو السودانيه أو الملبن حتي
بعتت لحكومه مصر بتطالبها باللجوء للتحكيم الدولي

طبعاً هنا الموضوع كان يستوجب أنه مصر ترد علي الطلب السوداني (اللي بقشره) بشتيمه أبيحه مختصره معروفه مش حقدر أقولها
وطبعاً زي ما انتوا عارفين التحكيم الدولي لا يتم إلا برضاء الطرفين
زي التحكيم الدولي بين مصر والكيان العبري علي طابا مثلاً واللي فازت فيه مصر

طبعاً رفضت مصرطلب اللجوء للتحكيم الدولي-حنساوم علي أرضنا؟؟-
وهاج الشعب المصري طبعاً
وجاء علي لسان المتحدث الرسمي بأسم رئيس الجمهوريه::
(إن مسأله حلايب وشلاتين مسأله محسومه تماماً وهما أراضي مصريه منذ سبعه الاف سنه ولا يوجد مساحه حتي للنقاش في الموضوع مع القاهره التي لا تمزح في حق من حقوق أراضيها)


تعليقي أنا كواحد من الشعب المصري وكتعبير عن رأي الشعب المصري المتجه كله في اتجاه واحد

للرئيس البشير// بص يا حبيبي..دلوقتي في مشاكل مع دول أفريقيا متوتره جداً وهددنا بالتدخل العسكري..وعلاقتنا مع الكيان العبري كلها متجهه لفسخ أتفاقيه السلام أي أحتكاكات عسكريه
فمش ناقصاك خــــــالص ومش طالبــــاك الدنيا منيله عالأخر من تحت ومن فوق..لو عايز تضرب علفه عسكريه سخنه وتتعمل عبره للناس دي أنت حر..رغم أنها لا حتكون علقه سخنه ولا حاجه دي هي فرقه صاعقه صعايده رجاله مبيتفاهموش ينزلوا وربنا يخطفوك من وسط الجيش السوداني كله ويكوموك في هيليكوبتر وتتشحن يا عسل تاني يوم عالمحكمه الجنائيه الدوليه وتتعدم
فأترمي تحت شجره كده في الضل ومتوجعلناش دماغنا مش ناقصين صداع
وبعدين سودانيه مين يا شاطر ؟؟
أنت مبتقراش تاريخ؟؟ دي السودان دي كلها أرض مصريه
يا أبني ده السودان فضلت مصريه مئات السنين..دي حق مصر بوضع اليد يا حاج
..ده لو ليكوا حريه تسقط بالتقادم يا حبيبي
بس أحنا بكرم أخلاقنا وبمزاجنــــــــــــــا
أدينالكوا حريتكوا وأستقلالكوا أيام عبد الناصر
جي دلوقتي تقولي حلايب سودانيه متقولي القاهره سودانيه
يلا ما هي زاطت بقي علي رأي سعيد صالح
أفريقيا تقولك حنمنع النيل
وأسرائيل تقولك الهرم بتاعنا
و فلان يقولك جزيرتين أيه بتوعي
وعلان يقولك واحه أيه بتاعتي
وأنت تقولي حلايب بتاعتي

أتكل علي الله يا حبيبي..وأتكلم علي قدك
وخد بالك علي كلامك عشان أنت شكلك بتعاني من حمي وبتخرف منتش عارف أنت بتقول أيه ولا بتتكلم مع مين...
وخلي بالك مصر نفسها ومني عينها اليومين دول تضرب حد عشان تخوف الباقيين
وأنت ملكش ديه لاعند أمريكا ولا أوروبا..أحنا اللي بنحميك أساساً
يعني يوم ما حنضربك عسكريأً ونعدمك العافيه ولا حد حيسأل فيك