مع القلم الرومانسي الحالم الثوري الجرئ .......وائل رجب

الكاتب الأصلي: واائل رجب [ALIGN=RIGHT]أخى العزيز احمد المصرى مرحبا بعودتك الجميلة بس انت يا احمد مفكر ان الوزراء اغنياء عشان كدة عايز تبقى وزير وتغتنى . ابدا ، الوزراء كلهم غلابة وعليهم ديون وفى منهم بيعملو جمعيات عشان اللى بيجهز لعرس ابنة او ابنتة او اللى عايز يدخل ابنة الحربية والشرطة ماعلينا . المهم انت هاتمسك وزارة التجارة والتموين والضرائب بس المهم تخلى الشعب يعيش [/ALIGN]

وائل
احنا مش عايزين زحمة فى العيشة
احنا نموت ال ثلاثة ارباع من اجل راحة الربع الباقى
وانت عارف طبعا مين الربع اللى باقى
خخخخخخخخخ

اتمنى زياةرة هذا الرابط
http://www.zahrah.com/vb/showthread....838#post308838

[ALIGN=RIGHT] ولاء
ليكى يوم ياولاء

ومسيرك تقعدى مكانى وانا مش هاقصر من ناحيتك فى الأسألة .

1)لو كتبت قصه حياتك هتكتب الحقيقه كلها ؟

هاكتبها كلها ومش هاخبى حاجة .

2)من ستهديه اول نسخه من كتاب حياتك وليه؟

لأولادى ريم وملهم .

3)لو وكتبت قصه حياتك هتختارلها عنوان ايه وليه؟

عندما تكون وائل الحر . يمكن عشان مساحة الحرية اللى كانت عندى

استخدمتها بشكل مش مناسب وبشكل أثر على حياتى ومستقبلى .

واتمنى ان محدش يستخدمها كا استخدامى .

4)دخولك المعتقل سنه ونصف اضاف ايه لحياتك؟

اضاف الكثير . يكفى انة علمنى الصبر . وخلانى اشوف المكان المظلم اللى انا كنت بعدى

بجوارة ولا اعيرة اى انتباه او اهتمام . وخلانى عرفت حبيبى من عدوى .

5)طنط قالتلى فى مره وائل قصه محتاجه ترجمه ومفهمتش معنى الكلمه ياريت تفهمنى

طنط ... يعينى على طنط هههههههههههه

هى قالتلك كدة عشان هى ماتعرفش كل حاجة عنى وتلاقيها كانت بتوقعك فى الكلام .

بس المهم انتى رديتى عليها وقلتلها اية ؟؟

6)وائل رجب طفل ورجل واب ايهما تحب؟

احب وائل الأب .

)وائل مشهور بحوادث السيارات رغم ان سواقته خطيره محتاجه سبب

السبب واضح جدا . قضاء الله والقدر

يعنى لما كنا بنطلع رحلات انا وانتى بعربيتك حصل حاجة

زى ماروحنا بالسلامة رجعنا بالسلامة . غير كدة كتير واستلفت منك سيارتك

عمرى رجعتها وفيها خربوش . سيبك لما كنا هانقلب بيها فى اسكندرية على الكورنيش

طبعا انتى عارفة اية كان السبب ( المطر ) وسؤ الأحوال الجوية .

هو قضاء الله وقدرة مش اكتر . ومن بعد اخر حادث حصل

انا قررت عدم ركوب سيارات تانى . مالو الماكوك الفضائى .

9)وائل المجنون الذى لا يعرفه احد كلمنا عنه

.

10)اسباب انفصال وائل رجب عن زوجه تزوجها غصب عن الجميع .

السبب كان سبب قهرى جدا . يعنى

ماكانش بيعجبها انى اسيب فرشة حلاقة الذقن من غير تنظيف بعد الحلاقة

فطلبت الطلاق وانا عشان بحبها مارضتش اخلى فى نفسها حاجة .

شكرا يا ولاء على هذا الحضور

وفى انتظار عودتك

دمتى بود[/ALIGN]

[ALIGN=RIGHT] الأخت الجميلة

توتى هااااااااى بااااااااااى

احنا الجو عندنا برد بمعنى الكلمة ولسة البقية تأتى

بس تصدقينى لو قلتلك ان البرد عندنا فى مصر شكل تانى

بمعنى . البرد اللى انا عشت فية فى بعض الدول العربية كان بيدغدغ العظام

ويربط الواحد قدام الدفاية وماعرفش ولا اقدر اتحرك

هنا فى مصر البرد يبردك مش اكتر .

وانا بدعيكى لزيارة لمصر فى الشتاء هاخدك على اسكندرية وفى وقت الشروق

اخدك واقعدك عند بير مسعود البير دا محاط بصخور بركانية والصخور البركانية بيكون فيها ثقوب كتيرة

وعند ارتطام الموج بهذة الصخور تخرج المياة من هذة الثقوب على شكل نافورة دا غير الصوت الصادر

من بعد صوت ارتطام الموج . وبليل افرجك على قلعة قايتباى شكل تانى للحياة هناك

ومهما وصفت مش هاقدر اوفى عشان لازم الواحد يشوف دا بنفسة . دا شتاء اسكندرية .

وانا بحب فصل الشتاء عن باقى فصول السنة .

اما استار اكادمى وباقى النوعيات من هذة البرامج هى برامج جميلة ومسلية

بس انا مش من هواة المشاهدة لهذة البرامج الا فى اخر حلقة .

شكرا لكى يا توتى وفى انتظار عوداتك

لكى خالص التقدير .[/ALIGN]

[ALIGN=RIGHT]الأخت العزيزة تقى

مرحبا بعودتك الجميلة

والله فعلا الجو السنة دى شديد ومش زى كل مرة .يعنى اللى بيحصل دا المفروض

يحصل فى شهر 3 . حتى عندى فى اسكندرية سيول بمعنى الكلمة . والناس محبوسة فى بيوتها

وانت ياجبل يالى ماتهزك ريح خايف من رعد وبرق . اجمد يا اسد .

وائل بعد صولاتك وجولاتك في عالم المراة

بما تصف المراة ؟

المرأة اصبح لها وصف واحد عندى

( امبوبة بوتجاز )

يعنى ممكن تفضل الأمبوبة عايشة سليمة والكل آمن معها

لكن لو انفجرت بدمر كل اللى حوالين منها .

وانا اسف على التشبية .

وائل بعد ابحارك في انهار الحب هل انت مؤمن بالحب ام كافر به ؟

لا شىء جميل فى هذة الدنيا : الا اذا أحببت .


لو نظر وائل للمرآة ماهى الكلمات الذى سينطق بها ؟

كلما زاد ضعفك ... نقصت حريتك .

عالم المنتديات هل اضاف لثقافتك شئ ام العكس ؟

طبعا اضاف . يكفى انى بطلع على كلمات وسطور من فن وابداع

لشباب من اماكن متعددة وغير متاح لهم المجال الا فى المنتديات

طبعا دا بعيد عن قراتنا للشعراء الكبار والعروفين فى العالم العربى .

امامك صورة لامراة اي الالوان تستخدمها في تلوين
الشعر : اسود

العينين : عسلى ، ومايكونش فيهم زحمة

الفم : روز فاتح

الاظافر : قريب من درجة لون الفم

لون الثياب : اسمر سوارية .

لون الحذاء : اكيد لازم يكون لون الشنطة ، اسمر برضو

هل سترسمها باسمه ام عابثة ام حزينه

باسمة .

شكرا اختى تقى وفى انتظارك .[/ALIGN]

[ALIGN=CENTER] اهلا بيكى يا همس الأحساس

وشكرا لمرورك العطر

لكى تحياتى

شكرا .[/ALIGN]

[ALIGN=RIGHT]اخى العزيز معاذ

لا املك غير قلادة الفخر . ارتديها لحضورك الجميل

واشكرك لأستقبالك بهذا البيت الجميل لحاتم الطائى

وائل رجب الشاعر هل يحب الشعر العامي أم الشعر الحر ( المنثور ) أم الشعر العمودي

الشعر الحر المنثور .

وائل رجب الإنسان المثقف
ماذا ينوي أن يشتري من معرض الكتاب في القاهرة في آخر يناير وأول فبراير القادم

مكتبتى لا ينقصها الكثير مثل الأعمال الكاملة المترجمة للقاصص تشيكوف

ورباعيات الأسكندرية ، والقاموس العصرى فى المصطلح المصرى للكاتب احمد بن المصرى

ماذا يعني لوائل رجب
الليل : السكون والهدوء

السفر : رحلة عودتها محملة بالوان كثيرة من المعرفة

اللون الأسود : من الوانى المفضلة بعد الأزرق

المرأة : أحبها واخشاها

اشكرك عزيزى معاذ واتمنى ان اكون وفيت فى ردى

فى انتظار عودتك .

لك كل الأحترام والتقدير .[/ALIGN]

[ALIGN=RIGHT] الأخت تقى

تخصصك النادر ليس بكثير منة لدينا ونحن بحاجة لتخصصك هذا

وعموما تحت الأنشاء وزارة خاصة لقصور الثقافة والمسارح القومية

وستشمل جميع الوان الفنون . بس احنا فى انتظار موافقة وزارة الكهربا لعمل الأمدادات الازمة

عموما انتى اكتبى طلب وحطى علية دمغة وطابع شرطة وسيبية مع السكرتارية وانا هاطلع علية بنفسى .

احنا نحب نشجع الشباب الطموح .

انا اسعد بتواجدى معكم .

دمتى بود .[/ALIGN]

الك يا برنس
شو هالجو الحلو اللي عاملو في المنتدى؟
والله المنتدى منور
وائل؟
اعتذر عن تأخيري في توجيهي اسالتي لك ولكن...........................
المهم ما علينا
وائل؟
1.عمرك كرهت نفسك؟ايمتى؟
2.لو اغلى الناس عندك طلب منك انو يروح يقدم نفسو شهيد في سبيل الله في فلسطين شو بتحكيلو؟كيف رح تكون ردة فعلك؟يا ريت بصراحة
3.مين الشخصيات اللي بتحقد عليها في الدنيا؟
4.مين اكتر خمس اشخاص بتحبهم في المنتدى وكتير غالين عليك؟
5.لو صديقك او اي حدا عزيز عليك زعلك وجرحك جرح كبير واهانك كمان هل من الممكن انك تسامحو بمجرد انو يمدلك ايدو؟
ولا بتتقل عليه؟
6.شو معنى الصداقة عند وائل؟وشومعنى الاخوة؟شو قيمة الوعد عندك؟
7.هل بتخاف على ريم من قسوة قلبك؟
8.شو بعنيلك حجاب الفتاة؟وهل بتفضل انو زوجتك تكون متحجبة ولا لا؟
9.هل تقبل على زوجتك ان تخرج الى ميدان العمل؟شو السبب في الجوابين؟
اكيد رح ارجع تاني لو سمحت الفرصة
لكاتب الكلمات الرقيقة
سلام

سارسل لك نسخة من القاموس هدية
وفق اخر تعديل اجريتة بعد اسئلة
العزيزة لما

واحب ان اطرح عليك سؤال هو
هل تعتقد فى وفاء المرأة على الدوام ؟؟؟

[ALIGN=RIGHT] الجميلة لما

اختى الصغيرة والعزيزة

كل عام وانتى بخير واسف بجد على تأخرى فى الرد عليكى .

والنور نورك يا قمراية .

1.عمرك كرهت نفسك؟ايمتى؟

لما معنى انى اكره نفسى يبقى انا كدة بقنط من رحمة ربنا

لكن كتير ما الحلقة بضيق بالواحد . ولكن ربنا هو المستعان بة . بس ما توصلش انى اكرة نفسى .

2.لو اغلى الناس عندك طلب منك انو يروح يقدم نفسو شهيد في سبيل الله في فلسطين شو بتحكيلو؟كيف رح تكون ردة فعلك؟يا ريت بصراحة

أكيد راح اشجعة . هو غالى عندى نعم صحيح . بس دى الشهادة فى سبيل الله .

صحيح الفراق بيكون صعب ومش سهل . بس الجنة يالما .... الجنة .

3.مين الشخصيات اللي بتحقد عليها في الدنيا؟

يعنى اية حقد ؟ .

انا ماعرفش معنى الكلمة دى . ومش موجودة فى قاموسى .ولا كلمة مستحيل .

4.مين اكتر خمس اشخاص بتحبهم في المنتدى وكتير غالين عليك؟

والله يالما كل المنتدى غالى عندى وربنا يعلم واشعر بكل الود بينهم . ويكفى الحب المتبادل بين اعضاء

ومشرفين المنتدى لبعضهم البعض . دا فى حد ذاتة حببنى فى المنتدى واعضاءة ومشرفية .

5.لو صديقك او اي حدا عزيز عليك زعلك وجرحك جرح كبير واهانك كمان هل من الممكن انك تسامحو بمجرد انو يمدلك ايدو؟

ممكن اسامحو بس لازم يكون فى حدود الواحد لا يتعداها . وانا مؤمن بالمقولة

احترامك لنفسك يجبر الأخر على احترامك . فطالما انا محترم والأخر لم يحترمنى

فهو دليل على شخصية رديئة . وانا ماحبش اتعرف بحد يكون اقل منى احتراما .



6.شو معنى الصداقة عند وائل؟وشومعنى الاخوة؟شو قيمة الوعد عندك؟

الصداقة : كلمة كبيرة المعنى وان كانت قليلة الحروف .بس بجد يابخت الى يكون لية صديق بمعنى الكلمة

اكيد بيكون فى فرق كبير فى حياتة .

الأخوة : الشىء الوحيد اللى مالوش بديل .

الوعد هو اللى بيأكد شخصية الأنسان .

7.هل بتخاف على ريم من قسوة قلبك؟

ما أظنش ان قلبى قسى عليهم خالص .ولا هايقسى عليهم

صعب جدا .

8.شو بعنيلك حجاب الفتاة؟وهل بتفضل انو زوجتك تكون متحجبة ولا لاء ؟

هو أفضل ليها طبعا بس المهم شو بيعنى ليها هى الحجاب ؟

وانا زوجتى افضلها محجبة .

9.هل تقبل على زوجتك ان تخرج الى ميدان العمل؟شو السبب في الجوابين؟

اقبل بعمل الزوجة طبعا . لو لرغبتها بالعمل امارس الديكتاتورية عليها لية .

بس يالما المهم مايكونش فى ظلم لأحد الأطراف .

سعدت بتواجدك كثيرا وفى انتظار عودتك

لكى خالص تحياتى .[/ALIGN]

اخى الحبيب احمد

بجد والله تكون اجمل هدية وتيقى وفرت هههههههههههههههههههه

اما عن وفاءالمرأة على الدوام ؟

فا انا لا أعتقد . لازم يجي وقت ووفائها يمل .

[ALIGN=CENTER]كل سنة وانت طيب يا وائل
سعداء جدا بصراحتك


وائل كيف تلقيت خبر اعدام صدام ؟

هناك نكته مصرية اطلقت علي الرؤساء الثلاثة عرفتها من كاتب مصري

المثل بيقول
واحد اكلنا المش

والتانى علمنا الغش

والثالث لا بيهش ولا بينش

اية رايك في مدى انطباق المثل علي رؤساءنا الثلاثة ؟

وائل اعتراف الرجل بماضية للمراة هل هو طريق الصواب لنيل ثقتها ام العكس ؟

وائل الشاعر هل كل ماتكتب تنشرة ام هناك قصائد حبيسة الادراج ؟

سؤال شخصى ومن الممكن تجاهلة . هل كتبت قصائد في زوجتك ام ان الملهمة كانت حبيبة فقط ؟

متى قلت
فات الميعاد
الليلة احساسي غريب

وائل اعرف صولاتك وجولاتك بين المحافظات

بما تصف الفتاة القاهرية
بنت بلدك ( الدقهلية )
السواحلية
الصعيدية

كفلية كدة عشان العيد
باقة ورد من تقى [/ALIGN]

[ALIGN=RIGHT] السلام عليكم ورحمة الله

كل عام وانتم بخير

وسنة سعيدة يارب وكلها امل وتفائل وسعادة

اختى العزيزة تقى

اسف على تأخرى فى الرد

بس اكيد انتى عارفة العيد ورأس السنة . كانت خاطفة الواحد شوية

وائل كيف تلقيت خبر اعدام صدام ؟

بصراحة منتهى المهانة والمزلة ومسخرة بكل المقايس

الخبر كان صفعة على وجوة العرب .

وكتر خير امريكا جابت لنا اضحية العيد بس الأضحية كانت غالية بجد

ويلا بقى خلى باقى الحكام العرب ياخدو العبرة عشان لما امريكا تقولهم على حاجة

يبقى هما عارفين اية اللى ممكن يحصلهم لو رفضوا

وحسبى الله ونعم الوكيل .

هناك نكته مصرية اطلقت علي الرؤساء الثلاثة عرفتها من كاتب مصري

المثل بيقول
واحد اكلنا المش

والتانى علمنا الغش

والثالث لا بيهش ولا بينش

اية رايك في مدى انطباق المثل علي رؤساءنا الثلاثة ؟

هو منطبق فعلا ماعادا اللى علمنا الغش دا كان راجل بمعنى الكلمة. بس انا بحب ناصر اكتر منة

ومع انة اكلنا المش بس عمل كتير لينا ولمصر .

وائل اعتراف الرجل بماضية للمراة هل هو طريق الصواب لنيل ثقتها ام العكس ؟

الصراحة او الأعتراف للمرأة ان تقول لها الحق لا كل الحق .


وائل الشاعر هل كل ماتكتب تنشرة ام هناك قصائد حبيسة الادراج ؟

لاء انا عندى للأسف كثير من كتاباتى ومازالت حبيسة الأدراج . ومينفعش يتنشر فى المنتديات .

سؤال شخصى ومن الممكن تجاهلة . هل كتبت قصائد في زوجتك ام ان الملهمة كانت حبيبة فقط ؟

كتبت قصايد فيها عشان هى كانت ومازالت ملهمتى .

متى قلت

فات الميعاد : لما كنت ناوى اطلع احج هذة السنة انا وولدتى بس كان الحجز فات علينا واتنكدت كتير بسبب

فوات الميعاد .

الليلة احساسي غريب : يوم ما اخدت بنتى فى حضنى اول ما اتولدت . كان بجد احساس غريب

وجميل وكنت مش مصدق نفسى .

وائل اعرف صولاتك وجولاتك بين المحافظات

بما تصف الفتاة القاهرية
بنت بلدك ( الدقهلية )
السواحلية
الصعيدية

كلهم اسمهم بنات مصريات المتميزين بالثقافة والأحترام والتقدير لأنفسهم وللأخر

تحيا مصر . هههههههههههههههههههه

سعدت بك اختى تقى

وارجو المعزرة لتأخيرى فى الرد عليكى .

دمتى بكل الود وتقبلى تحياتى

شكرا .[/ALIGN]

[ALIGN=CENTER]

بعد غيبة طويلة ها هو فارسنا الضيف يعود الي ارض الوطن بسلام

اكيد يا وائل عارفة زحمة الاعياد
الشئ الغريب ان هذة السنة لم اشعر بوداعها ولا استقبال السنة الجديدة
صدقنى لم اشعر باى تغيير
تعرف العادات عندنا خاصة في الحى الافرنجى ليلة راس السنة يقومون بتكسير اى شئ من الزجاج ويلقون بة في الطريق قد يكون طبق صينى او زجاجه خمر فارغة ويا ويله الي يكون في الشارع الساعه 12 وهو ميعاد انتهاء عام واستقبال عام

ومن حظى المهبب الاولاد قالوا نتعشا بيتزا وبعد ما انتهينا من اللف والدوران والخروج من عند بيتزا هت
كانت الساعه تقترب من الثانية عشر وربنا مايورى حد الي جري لنا بقينا نجري في الشارع والزجاج كالقنابل

والسفن تطلق صفارات احتفالا براس الهباب حتى وصلنا للمعدية

المهم ياوائل عاجزين عن الشكر
وائل كان ضيفا خفيفا علي قلوبنا
صريحا لابعد درجات الصراحة
مصري اصيل يعتز بمصريته

شكرا جميلا يا وائل والشكر موصول للاعزاء الذين شاركونا هذا اللقاء

باقة ورد من نهى علي [/ALIGN]

[ALIGN=RIGHT] الأخت العزيزة تقى

والله نفس الأحساس فلم اشعر بوداع سنة وأستقبال سنة جديدة . وناس تانية كتير قالو كدة

بس يمكن علشان أستقبلناها مع العيد .

وفى اسكندرية والقاهرة كمان بيكسرو الصينى والزجاج . بس الجميل اطلاق الصفارات من السفن .

المهم انها تكون سنة سعيدة علينا كلنا وعلى الأمة الأسلامية يارب .

كم كنت سعيد فى ضيافتك . وكنت سعيد مع كل من شارك فى هذا اللقاء

وحقا كان للقاء جميل ويكفى انها فكرتك الجميلة . لتقربى كل الأعضاء من بعضهم البعض

وبهذة الصياغة والمحاورة الرائعة التى قمتى بها معى ومع باقى العضاء .

لها بصمة من العسير التغاضى عنها .

كل الشكر والتقدير والأحترام لشخصك الجميل

ولكل من قام بالمشاركة .

واولا واخيرا كل الشكر لأدارة المنتدى .

شكرا اختى تقى ودمتى بكل الود والى الأمام .

والسلام عليكم ورحمة الله

اخوكم وائل رجب .[/ALIGN]