عزومة على العشاء

عزومه على العشاء
انا امبارح ( الثلاثاء )) 21/6/2011

كنت معزوم عند واحد صاحبى على العشاء

فرحت مانع الاكل والشرب من الساعة العاشرة صباحا

واخدت زنتاك علشان الحموضه ولسرعة الهضم

ومن باب الاحتياط طلعت من شغلى فى المهندسين لحد بيته فى مدينة نصر

علشان اسيح اى دهون فى الجسم واستهلكها كلها لزوم العزومة يعنى

ووصلت عنده الساعة 8.15 واول مادخلت ماشمتش ريحة اى حاجة

فقلبى وقع فى ركبى وقلت انا اخدت صابونه وانضحك عليا

ولكن القيت نظرة سريعة خاطفة على طرابيزة السفره فلقيت 3 صوانى كبار جدا

الصنية الواحدة زى اللى كانت فى صبحية العمدة فى فيلم الزوجة التانية

بتاع صلاح منصور وسعاد حسنى .. يعنى تكفى كتيبه مش كام نفر ... فتملك قلبى شئ من الاطمئنان ولكنى

مازلت فى ريبة شديدة المهم اعدت على ترابيزة السفرة وبدأت الصوانى

تتفتح ادامى فلقيت 3 صوانى رز بسماتى مع المكسرات والزبيب وعلى كل صنية

فخدة خروف .. هنا شعرت بالراحة والسعاده ولكن لم تدم سعادتى طويلا

فوجدت طوابير من غرف المنزل تخرج علينا فى خطوات منتظمة وكأنه فريق كشافه يسير فى عرض مدرسى
وكلما ظننت ان الطابور قارب على الانتهاء اجد انه يبدأ من جديد..... الجميع يسير على انغام موسيقى الكشافه ...
هجمت هذه الجحافل على الطرابيزة وحاولت ان اتبين

مايحدث فعرفت انهم اصدقاء ابناء صديقى هذا فسجد قلبى فى رجلى ولم يرفع راسه مرة اخرى وتمتمت بصوت منخفض
بــ عليه العوض ومنه العوض طارت العزومة وباظت الاكله


ولكنى وجدت صديقى يضع امامى صنيه كاملة فحمدت الله على ان مجهودى ومشقتى لم

تذهب هباء منثور ..... ولكن عندما هممت بالانصرافوجدت ابنه يقف على باب البيت وبقدم لى بادب جم

فاتورة الحساب الذى وصل الى 800 ا جنيه فقررت ان اقفز من شباك منزله فى الدور العاشر

والله يرحمنى الان

نسيت ان اذكر لكم ان صديقى هذا يعمل فى مجال الفنادق مديرا ماليا

ههههههههههههههههههههههههههههههههههه

هو مين عازم مين ؟

وليه ترمي نفسك ما ترمي اللي ببطنك

وتقولهم دي حاجاتك ويا باب ما دخلك شر

وسلمني على صاحبك

اللي عايز يطلع على ظهر غيره


سلام

ههههههههههه ياعيني

هو اللى كان عازمنى ياابو نواف

سكرا لمرورك انسام

ومن باب الاحتياط طلعت من شغلى فى المهندسين لحد بيته فى مدينة نصر

علشان اسيح اى دهون فى الجسم واستهلكها كلها لزوم العزومة يعنى

يعني انت اخدتها مش بحجة تسييح دهون يااحمد برضه وعينك عمالة تحسد الناس اللي رايحة وجاية تاكل لا اله الا الله اهه الراجل شاف عينك اللي طالعة علي الاكل وعملي فيها الاستاذ شبعان وجاب لك صينية بحالها ياحرام تلاقيها بتاعة عياله وياتري لهفتها لوحدك

المشاركة الأصلية كتبت بواسطة بلبلة الأسكندرانية ومن باب الاحتياط طلعت من شغلى فى المهندسين لحد بيته فى مدينة نصر علشان اسيح اى دهون فى الجسم واستهلكها كلها لزوم العزومة يعنى يعني انت اخدتها مش بحجة تسييح دهون يااحمد برضه وعينك عمالة تحسد الناس اللي رايحة وجاية تاكل لا اله الا الله اهه الراجل شاف عينك اللي طالعة علي الاكل وعملي فيها الاستاذ شبعان وجاب لك صينية بحالها ياحرام تلاقيها بتاعة عياله وياتري لهفتها لوحدك

لأ ا طبعا نصيبك محفوظ شايله لك


فى التلاجه لحد ماتيجى تاخديه