يكفني ما حصلت منك كفاني

[align=center]صباحكم \ مسائكم شعر
حبيت انزل لكم قصيدة عجبتني عسى ان تنال بعضآ من استحسانكم
وكلي أمل بسماع آرائكم وانتقاداتكم


أ



يالله ياواضـع مسـار الشريعـه
ياخالق بهالكون إنـس ٍ وجانـي

يامنـزل كتابٍ انا له مطيعـه
إرفق بمنهو قد حـداه الزمانـي

ضاقت علي دروب كانت وسيعـه
وماعدت أشعر باتساع المبانـي

هموم قلبي كالحصـون المنيعـه
أصرخ ولاغيرالصدى صوت ثاني

لين السكوت أصبح بنفسي طبيعه
ساكت على ظيم ٍ وجوفي يعانـي

أنا الذي عيا الزمـن لا يطيعـه
لو أحصي الآهات يعجز لسانـي

منصاب قلبي من سواة ٍ بشيعـه
من واحد ٍ راح وتركني أعانـي

في خافقي قدره سكن فـالطليعـه
أسقيته من ماي المحاجر حنانـي

واليوم ياتينـي بغـدر وخديعـه
ويصد عنـي و يتجاهـل كيانـي

وانا عشانه بعت له العمر بيعـه
وطيبي معه ماينذكـر بالثوانـي

كذا تصد اللـي شـراك وتبيعـه
كذا تجـازي صاحبـك يالانانـي

مكانتـك بالحيـل كانـت رفيعـه
واليوم انا عفتك بكـل المعانـي

لكن قبل لا تـروح رد الوديعـه
قلبي الذي في عهدتك من زماني

ودربي تدلـه ماأظنـك تضيعـه
وبعيدها مـره و سبـع وثمانـي

عطني قبل لاتروح ذيك الوديعـه
ويكفيني ماحصلت منـك كفانـي [/align]

مكانتـك بالحيـل كانـت رفيعـه
واليوم انا عفتك بكـل المعانـي

لكن قبل لا تـروح رد الوديعـه
قلبي الذي في عهدتك من زماني

ياليتها بهذه السهوله تكون رد مثل تلك الودائع

نقل رااائع اخت سروءه

رائع ما خطته أناملك يا سروءة
....................ت
......................س
.........................ل
.............................م
................................ي

..........................................يا حبيبتي

اختيار موفق

جميله هذه القصيدهـ

تحيتي وتقديري