اللهجه المصريه

*هي أوسع لغات العرب أنتشارا بين العرب فمن المستحيل أن تجد عربيا لا يفهم المصريه
حتي أنك قد تجد عربيين من قطريين مختلفين اذا لما يفهما بعضهما البعض تحدثا الفصحي أو المصريه
وفي نفس الوقت هي الأسهل بين لهجات العرب جميعا ولعل ذاك سبب أنتشارها الي جانب الأله الأعلاميه

*تتميز اللهجه المصريه بوسطيتها
فليس بها أماله ورقه كلهجات الشام
ولا غليظه الطبقات كلهجات شبه الجزيره
ولا بالصعبه المبهمه كلهجات شمال أفريقيا

*تجدها أقرب للفصحي من غيرها وبعيده كل البعد عنها
مثلا بالفصحي كلمه (تكلمنا)
تقال مصريا( أتكلمنا)
وتقال شاميا(حكينا)
وتقال بشبه الجزيره (سولفنا)
ولكن تجد مثلا غلايه الشاي
في الشام وشبه الجزيره يقال لها غلايه او ما شابه ذلك من ألات تسخين
ولكن لا تفهم كيف دار بأهل مصر الزمن وجال وجعلهم يصطلحون علي تسميه
غلايه الشاي بـــ (البراد) ؟؟!!!


*تنفرد اللهجه المصريه أيضا بين لهجات العرب والفصحي الأم حتي
بحرف (الجيم) المصريه
فتنطق مثلا جمل
gamal وليس jamal


*لهجه مرنه للغايه تستطيع أدخال ما تريده من كلمات وتطويعها فيها مهما بلغت صعوبتها وغرابتها او حتي كونها أفرنجيه تستطيع أدخالها في الفعل
ولعل هذا يشكل جزء الصعوبه المحدود جدا فيها والذي يلقي علي كبار السن حيث سيصعب عليهم مجاراتك كشاب في المصطلحات التي تدخل يوميا في تلك اللهجه المرنه
بل قد تجدهم يستنكرون متعجبين من كلام شباب تلك الأيام



أتمني أن يضيف كل من يقرأ للموضوع

عندما قرأت الموضوع توقفت عند هذه العبارة

في الشام وشبه الجزيره يقال لها غلايه او ما شابه ذلك من ألات تسخين
ولكن لا تفهم كيف دار بأهل مصر الزمن وجال وجعلهم يصطلحون علي تسميه
غلايه الشاي بـــ (البراد) ؟؟!!!

واستعجب لماذا نستخدم كلمة (( براد )) لان اللفظة لاتتوافق مع عمل هذا الشئ
وقد يظن ان من يسمعها انها تساعد على تبريد الشئ وليس تسخينه

فهل تعرف سبب ذلك ؟؟؟؟

[align=center]لااستريح كثيرا الى المصطلحات الجديدة
التى تتداول بين الشباب واشعر بانها تقضى على
اللغة العربية واللغة المصرية فهى اشبه بالنبت
الشاذ بين البستان

وخد عندك شوية من هذة الالفاظ وجدتها على النت



(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( يا مساء الليل )) يعنى يا مساء الخير !!!
(( فوكك )) سيبك من الموضوع دة !!!
(( أراك أمس )) يعنى مش عايز اشوفك تانى !!!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( إحنا اللى بنقلوظ القلاووظ بصباع الموز )) يعنى احنا نقدر نعمل كل حاجة !!
(( شوليطى . موليطى )) يعنى مش معايا فلووس .. مفلس !!
[/align]

وده حوار اخر عن المصطلحات موجود على النت ايضا

.




--------------------------------------------------------------------------------

ماشيه فى الشارع لا بيا ولا عليا اذ فجاه الاقى واحده صديقتى من ايام التفوله


قابلتنى طبعا خدتها بالحضن وعامله ايه يا حبيبتى ... وبوس واحضان بقى


بدا الحوار


ازيك يا بت يا ندى ؟؟


بخير والله تمام .. وانتى اخبارك ايه وحشانى والله ؟؟


انتى اكتر والله.. .بقولك ايه انارايحه اعمل استمورنج اصلى صحيت من النوم متاخره


ونزلت بسرعه و .. و


استنى استنى رايحه تعملى ايه .. استمورنيج ..؟؟!! وده من ايه يعنى ؟؟


استمورنينج يا بت ايه مش عارفه يعنى ايه استومرنيج ده كلمه روشه طحن اخر حاجه


روشه طحن ا..خـر .. ايه ده يابنتى انتى بتجيبى الكلام ده منين؟؟


ماعلينا ... قوليلى بقى انتى اخبارك ايه ؟؟


اسكتى يابت يا ندى ده الابلتين لدع فى دهاليز الحياه معايا خالص


يانهار ابيض.. كل ده فى قلبك وساكته يا حبيبتى .. بس انتى بتعانى من ايه يعنى ايه مشكلتك؟؟


لالا يابنتى متتخضيش قصدى اقولك ان الحياه ملطشه معايا و اشفرت ع الاخر


اشفرتى.. اه معلش بكره يروح ان شاء الله


هو ايه ده الى يروح يابنتى .. بقولك ايه لخصى بقى عشان ورايا معاد كمان ساعه


طيب .. ما علينا انتى رايحه فين ؟؟


انا مروحه انتى فى طريقى مش كده


اه .. طيب يلا ؟؟


ها قوليلى ايه نظامك انهرده ؟؟


نظامى الحمد لله كويس


والله يابت شكلك بتقضيها انتخه طول اليوم ..


لالا والله عمرى معملتها خالص





عملتى ايه يابت انتى شكلك بتشتغلينى والله وهتطلعى افتكاسه زى الى قبلك


هو فيه ايه انا مش فاهمه حاجه ..


لالا ده موضوع حبقى احكيهولك بعدين..


طيب ماعلينا انتى مش قولتى وراكى ميعاد .. روحى بقى ميعادك وسيبينى الله لا يسيئك


لالا خلاص نفضى بقى بلا معاد بلا نيله ..


انفض ايه .. فيه حاجه على هدومى .؟؟


انتى يا بت شكلك فى الطراوه خالص


اووف انا ارفت منك ... متكلمينى يابنتى زى مبكلمك كده ؟؟


بقولك ايه اخلعى دلوقتى لاحسن البت شاكى الرخمه جايه علينا اهى


انا اصلا ماشيه من غير لاشاكى ولا باكى انا ارفت منك وكان يوم اسود يوم معرفتك

****************

وخد عندك الحوار ده كمان من على النت برضة


محادثه ولد مع ابوه وامه

-عايز اكلمك في الالونة
-انطق يا ولد ورايا شغل
-عايز هبوش.....افشني!!
-خد 15 جندي اهم!!
- يا بابا فسيكادوا!! 15 جندي يعملو ايه بس?!!
-يعملو ايه?!! طب دانا ابويا كان بيافشني صباع رجل جندي وكنت بحوش منه كمان!!
-دي شخاليل من الطيلمان يا بابا!! الزمن اتغير والحاجة الخانتريش بيدرجلوها باستيكات!!
-خلتني لاوس يا ولد!! خد ادي جوزين عنتيرة!! انا عارف انك اكيد بتصرفهم على الكمبرايش!!
-كمبرايش ايه يا بابا?!!طب دانا لحد دلوقتي ما عنديش دفشة!!
-مش مكسوف وانت بتقول الكلام دة لابوك!غور من وشي!!
وتدخل امه ف الحوار:
-روح يابني ربنا يخليك مستنكيص و ويبعد عنك الناس البيئة!!ولا يخلكشي مستحير يوم واحد يا رب!! واشوفك ف الكوشة مع اوكشة كدة وتكون كرنب زبادي!!يا قادر يا كريم!!
-ايوة يا ستي!! ماهو كله من الهئ مئ بتاعك!! نفسي احينه بجوازة !! اصل الولد ده طلع كرافتة دونا عن خواته كلهم!!
-ما تخليك دماغ يابولعيال !!! واديها روشنة!!


الي مفهمش الكلام ادي شويه مصطلحات :

مستكنيص = شخص سعيد
مستحير = شخص مضطرب
خنتاريش = شىء فخم جدا
الكمبريش = فتاة جميلة
كرنب زبادى = فتاة شيك
اوكشة = بنت مثيرة
الدفشة بتاعتة = حبيبتة
الهبوش = الفلوس
جندى = جنية
عنتيرة = عشرة جنية
هىء مىء = دلع
شخاليل = كلام قديم
لاوس = متورط
فسيكادوا = حرام عليك
عايش فى الطيلمان = عايش فى الماضى السحيق
افشنى = هات فلوس
فى الألونة = على انفراد ( جاية من كلمة alone
بيئة = دون المستوى
درجلة = بيع لة بثمن غالى
حينة = اتخلص منة
كرافتة = شخص ملوش لزمة

• اسطباحة: لفظ يقال في الصباح بغرض أكل الطعام أو التدخين أو شرب الشاي حتى يفيق الشاب من نومة. يقال : هروح اسطبح على القهوة و جاي.


• ابيجة : اديلة حقة


• فرح دولى: يعنى مليان كل حاجة مية ومخدرات وعلى عز والحبايب كلهم


• اميزة : اخد الى معاه بالعافية


• الأبلتين لدع في دهاليز الحياة: عباره تدل عن الخواء و الفوضى في الحياه و غالبا ما تأتي بقصد الفلس. يقال: ما فيش فلوس و الأبلتين لدع في دهاليز الحياه (يعني الحياة خربانه خالص)


• أعمل دماغ: عباره مشهوره لدى المدخنين و يقصد بها ضبط الحاله المزاجيه عند المدخن.


• أليط: لفظ بمعنى المتكبر الذي يتعامل مه الناس بأسلوب فيه تعالي و ينظر إلى الآخير نظره متعجرفه.


• أتشبح: تعني الضرب لدرجة التعذيب. و يقال: شبحته (يعني ضربته ضرب مبرح)


• إتم: يعني الغلاسه و الرخامه. و يقال الإتم جه (أي تحملوا السماجه و الغلاسه من الشخص الذي وصل)


• إزبهل: لفظ يدل على الذهول الشديد. و يقال : انت مزبهل كده ليه (أي مندهش لدرجة العبط)


• إحلق: و هو لفظ لا يعني الذهاب للحلاق لكنه يفيد تجاهل شيء معبن. يقال : احلق له (أي تجاهله و لا تفكر في ما يقول)


• أتوبيس راجع بضهره: عباره يقولها الشباب على الفتاه غير الجميله.
أعلمه: و يعني التشويه في الوجه بآله حاده. يقال هعلمك بمطوه (أي سوف اجرح وجهك يسكينه )


• امبلايزعني في "الفشوش" و تعني ان الموضوع الذي سعيت من أجله لم يتم. و يقال الحياه في المبلايز (أي ان الحياه خربانه و ما فيش حاجه بتمشي زاي ما انت عايز)


• أبجني تجدني: اي انه يمكن شرائي بالمال يعني اذا اعطيتني مال او شيء في المفابل تجدي.


• انجز بالونجزكاي ان كل المشاكل التي تقابلها لها حل سريع و حاسم ما دمت تدفع المقابل. و معنى الونجز هنا هي النقود حيث انها حلالةالعقد و سريعة التأثير في انهاء المصالح المتوقفه .


• أستك: مصطله يعرفه التجار و هو الالف جنيه


• أرنب: و تعني المليون جنيه


• ايه الحياه:سؤال بمعنى ماذا حدث اليوم و ما هو الجديد في الدنيا و مما هي آخر الاخبار


• اخلع فرد: عباره مأخوذه من لسن شاب "جزمجي" (تكرمون يصلح جواتي) و تعني ان الشاب الذي نتحدث عنه قادم.


• احنا الي بهيظنا الفهايص : عباره يقولها قائد شلة الفساد افتخارا بنفسه و معناها "انا الي جعلت الجميع يغيب عن الوعي" (طبعا يغيبوا عن الوعي بسبب المخدرات ).


أى خدعه

[align=center]وهذه هى المصطلحات طبقا للابجدية

قاموس شبابي روش طحن



حرف الالف

استمورننج لفظ يقال في الصباح بغرض تناول الطعام او السجاير او
الدراجز
اعمل دماغ لفظ يقال في عباره من يتناولوا المخدرات او السجاير
اتم يعني شاب رخم
ا هرش يعني طلع فلوس
انت من الكفار يعني انت انتهازي
اشعل يعني ولع السيجاره
اظرفني يعني اديني
ارزعني يعني اديني
اهبط يعني ارتاح او اقعد في مكان
انزل من عليهم يعني مش عايز اسمعك تاني

حرف الباء

بفرح بيك يعني معاك بفره
بخ يعني راح
باترينا تقال علي البنات او الشاب اللي لابس نظاره
بيظيط يعني بيقول كلام فارغ او تدخل فيما لايعنيه
بيهيس يعني بيخرف في الكلام يعني مش عارف هو بيقول ايه
باف يعني غبي

حرف التاء

تنشن يعني بقي عصبي
تنح يعني رخم
تلم يعني رخم
توتي فروتي يعني فرفور
تعبان كيك تعبان قوي

حرف الثاء

ثبته يعني وقفه مكانه ساكن
ثلج نار يعني برد قوي

حرف الجيم

جلنف قليل الذوق
جبت جاز يعني تعبت ع الاخر
جون يعني في محلها

حرف الحاء

حاتي يعني معاه فلوس كتير
حانوتي يعني بخيل جلده
حاجه علينا يعني اديني من اللي معاك

حرف الخاء

حته زفره يعني اللبس الحلو اللي عنده
خيشه يعني شاب مش عنده حاجه بس بيتمنظر بان معاه حاجه
خيش دخل في حاجه
خرمان يعني محتاج سيجاره حالا
خمس يعني شاب معفن
خنفس يعني متامرك او بيتظاهر انه اجنبي
خنيق يعني رخم اوي

حرف الدال

دايس عليها قطر يعني حاجه وحشه اوي
دبور يعني شاب فرفور يتنقل بين الحريم
دؤرم يعني ذكي قوي
دغف يعني اهبل
داير يعني لافف عارف ناس كتير

حرف الذال

ذله يعني مرمطه او اخنقه

حرف الراء

راح النار يعني مش عارف فين
روشن يعني خليك عصري ومودرن
راعيني يعني خليني في بالك متنسانيش

حرف الزاي

زبون يعني الشخص اللي واقع في خدعه
زوغ يعني اهرب
زغرووف يعني سيجاره الدراجز

حرف السين

ستفه تمام يعني الدراجس دي حلوه ولا وحشه
سبوبه يعني شغل ع الماشي
سبارسجي يعني بيشرب اعقاب السجاير
سفلقه يعني علي حساب غيره
سيكه يعني سكرتير لشخص او خادم
سيطه يعني خلاه مشهور
سقط يعني تدل علي مدي التوهان لدرجه انه بينام من شده التوهان
سلال يعني متسول او صايع
سيس يعني ملوش لزمه في الحياه

حرف الشين

شارع الرمش يعني في بنات مش كويسه فيه او شوارع الحب
اللي يمشي فيه الحبيبه
شكلك مش عاطفي يعني شكلك مش عاجبني وتستخدم ايضل للتلاكيك
شلب بيروح وفاكره طموح يعني بيسهل خداعه
شوفله ( شوف له ) يعني وريله
شرشر يعني بنت مش كويسه

حرف الصاد

صباح الفل... افرك ورول يعني اعملنا سجارتين دراجس
الصياعه ادب يعني مش كله بيتحل بالايدين في حاجات بيتحل بالتفكير


حرف الضاد

ضريب يعني بيشرب كتير
ضربها سرمه يعني مش مهتم بالدنيا واللي بيجري فيها يعني تايه
ضنك يعني ع الحديده

حرف الطاء

طحن يعني زايد عن حده او جامد
طلقه يعني البنت الجميله اوي
طحش يعني غبي قوي
طاسه يعني الدماغ

حرف الظاء

ظرفني يعني اداني
ظبطتني يعني خلي بالك مني
ظلابته يعني ابيض او اقرع

حرف العين

عايش يعني مستمتع
عرضها يعني فتح صدره او تظاهر بانه قوي
عصفوره يعني مرشد للبوليس
عوء يعني الغلط او الغلط في الكلام
عودين كبريت يعني انت رفيع اوي
عممته يعني خدعته
عجل يعني تخين

حرف الغين

غزه يعني ضربه بالسكينه او ما شابه
غشيم يعني اول مره يتعامل في موقف او مع احد


حرف الفاء

فافي يعني بياكل نايتي وبسكويت او بتاع مامته
في الجون يعني قرار صائب
فل يعني انت شاطراو بمعني التحيه او بمعني
خلاص
فلق يعني مشي
في الطراوه يعني مش داري بحاجه
الفاتحه علي قله الاصل عباره تاديب للشاب اللي خالف الميعاد او شاكك انه
عمل معاه الغلط
فكك يعني سيبك
فتك يعني بارع في اصطياد الفتيات
فشر يعني اكدب


حرف القاف

قفش يعني حصل علي فلوس او بمعني انه زعل
قشطه يعني تمام او الحياه لذيذه
قضيها ...الناس لبعضيها يعني عيش حياتك
قلق يعني في حكومه وتقال لما واحد يكون داخل يجيب
دراجز
قصر يعني هات الخلاصه


حرف الكاف

كونزه يعني يا قصير
كحرته يعني خليهى مش فاهم حاجه او
كوكو الضعيف يعني سجاير كليوباترا
كلامنجي يعني بياع كلام
كدره يعني ذنبه
كن يعني اهدي واقعد في حته
كنسل يعني الغي
كتكوت يعني تعالي يا ضعيف


حرف اللام

لاغيني يعني عرفني
لخص يعني هاتى الخلاصه
لمع اوكر يعني اتصنت

حرف الميم

مزه يعني بنت جميله اوي
موز يعني جميل اوي
ميكي ميكي يعني شاب مالوش لزمه
مصلحه يعني فلوس او دراجز ..... الخ
موكنه يعني مكان فاضي
مقطع السمكه وديلها يعني صايع
مضروبه بالنار يعني بنت وحشه اوي
معاك ع الخط يعني انا متابع اسلوبك وموافق علي اللي انت بتعمله
متابعني يعني مركز معايا
ملكش فيه يعني ملكش دعوه انت
مشنوق يعني دي عباره بيقولها اللي بيبرشموا او اللي
بياخدوا برشام وبيقول كده عشان يشرب دراجز

حرف النون

نحنوح يعني بتاع مامته
نعجه يعني شاب مالوش لزمه في التعامل مع البنات
نفض يعني سيبك

حرف الهاء

هارش يعني عارف
هرتل يعني قول كلام مش مفهوم او عمل حاجه غلط
هلاهوطه يعني عبيط
هتاش يعني كداب
هاشكا يعني بنت مش كويسه
هاروقك يعني هخلي بالي منك
هايبر يعني تاه او مش في وعيه خالص

حرف الواو

واحد مستشفي تقال علي القهوه للطلب شرب الينسون
ولا الدموع يعني مفيش اي حاجه خالص حصلت
واسعه يعني انت كدبتك وسعت منك


حرف الياء

يا شقيق يعني يا صاحبي بس ذي اخويا
يا معلم يعني يا صاحبي الانتيم
يسلت يعني يطلع بخبث
ينجز يعني يخلص بسرعه
يافت يعني جيد
يا خفه يعني بطل استظراف يا خفيف الدم


يا رب يكون عجبكم [/align]

[align=center]بالنسبه للالفاظ المذكوره يا عمو
فمتخافش حضرتك تسعين في الميه منها منتشر بين الطبقات الشعبيه جدا
وليس في اوساط الشباب المثقفف
بس الشباب المثقف اللي بيقول الكلام ده بيقولوا عليه
( لوكل) اللي هي كانت من كام سنه (بيئه) اللي هي اصلا(معفن)
هههههههههههههههههههههههههههههه



بالنسبه للبراد فأنا ذكرتها لأنها ليها حكايه معايا
واحد عراقي صاحب ابويا أسمه عمو شهاب
مره كان عندنا هو وأسرته فعايز هو يعملنا شاي بنفسه بس مش فاكر لهجته بالضبط
فبيقولي يعني وريني مكان الحاجه يعني وكده
فبقوله كشري بقي الشاي بتاعي ..يعني متحطش الشاي في البراد وحطه في الكبايه
قالي يا حبيبي ... و ايه علاقه البراد اصلا بعمل الشاي؟؟ههههههههههههههههههههههههههه
فأنا يا حبه عيني بصيتله بصه اللي بكلم حد من بلاد الواق الواق
قولتله عمووووو الله يكرمك ..حضرتك بتحط الميه تغلي في البراد..صح؟؟
قالي والله المويه بتغلي في البراد عندكوا ؟؟ جديده دي ؟
قفلت أنا بقي في دماغي دومنو...قولتله وحضرتك عندكو الميه بتغلي في التوستر ؟؟
المهم قام ماسك هو البراد وماليه ميه وحاطه
قولتله طب ما انتوا طبيعين اهو
قالي كيف يعني
قولتله حضرتك حطيت الميه في البراد عادي زي الناس
قالي ده اسمه البراد؟؟!! ...الله يزيدك هبل هههههههههههههههههههههههههههههههههههههه
وفضل مش مصدقني وفاكرني بتريق عليه لحد ما سأل بابا ههههههههههههههههههههههههههههههههههه[/align]

[align=center]علي فكره من كلام بابا مع صحابه العراقيين سمعت حاجه
في مصر لما نحيب تكسر حيطه تقول للعامل هدها
في العراق كلمه (هدها) تعني سيبها ومش كسرها
حصلت مره راجل عراقي ومصري كانوا لسه بانين حيطه في العراق
فالعراقي بيقول للمصري هدها الحين
فالمصري راح يكسر فيها
قاله بقولك هدها هدهاااااااااااااااااااااااا
يقوله من انا بهدها بهدهاااااااااااااااااااااااااااا
هههههههههههههههههههههههههههههههههههههههه[/align]

بخصوص اللهجة المصرية فأن الفن المصري هو من لعب الدور بأنتشارها منذا عشرات السنين مما جعلها مفهومة لدي الكثيريين ، أضف أليه السياحة حيث كانت لمصر الريادة ناهيك عن تلقي العلم حيث الجامعات والتي كانت تفتقر لها الدول الأخرى بذاك الوقت.

بخصوص ( هدها ) لها معنان ( أكسر و أترك) حسب الأمر

جميل ما تقدمت به من طرح وحتما كل يفتخر بلهجته، وبالنهاية الكل منا يفتخر ويعتز بلغتنا العربية والتي تجمعنا كعرب . تحيتي لك

السلام عليكم ورحمة الله وبركاته
مشكور اخى الكريمم على الموضوع انا درست اربع سنواتــــ فى مصر كانتـــــ افضل سننين عمرى
اتمنى ترجع تانى
وعليكم السلام ورحمة الله وبركاته

المشاركة الأصلية كتبت بواسطة حبىالزهرة بخصوص اللهجة المصرية فأن الفن المصري هو من لعب الدور بأنتشارها منذا عشرات السنين مما جعلها مفهومة لدي الكثيريين ، أضف أليه السياحة حيث كانت لمصر الريادة ناهيك عن تلقي العلم حيث الجامعات والتي كانت تفتقر لها الدول الأخرى بذاك الوقت. بخصوص ( هدها ) لها معنان ( أكسر و أترك) حسب الأمر جميل ما تقدمت به من طرح وحتما كل يفتخر بلهجته، وبالنهاية الكل منا يفتخر ويعتز بلغتنا العربية والتي تجمعنا كعرب . تحيتي لك

اخى حبى الزهرة
لاتنسى تواجد المصرين بكثرة فى البلاد العربيه
واختلاطهم باهل البلاد ساعد على الاخذ والعطاء

وقد صادفت بعض المصرين القادمين من البلاد العربية والمقيمين بالخارج
لفترات طويله يتخللها اجازات سنوية فى مصر بان لهجتهم
المصرية تأثرت بالدول الخليجية التى يعيشون بها

الخلاصة ان اللغة تتأثر بالبيئة والمعايشة بمن يحيط بك

اخر خبر بالنسبه لكلمة البراد

نحنا كمان في لهجتنا نقوله براد الشاي

ونعني بها ايضا ابريق الشاي

يا ريت تعرف لنا اصل الكلمه

احمد ده انت طلعت روش طحن منين كل الكلام ده يا خطير

انت مصاحب عيال بيئه بيعلموك الكلام ده كله

المشاركة الأصلية كتبت بواسطة حبىالزهرة بخصوص اللهجة المصرية فأن الفن المصري هو من لعب الدور بأنتشارها منذا عشرات السنين مما جعلها مفهومة لدي الكثيريين ، أضف أليه السياحة حيث كانت لمصر الريادة ناهيك عن تلقي العلم حيث الجامعات والتي كانت تفتقر لها الدول الأخرى بذاك الوقت. بخصوص ( هدها ) لها معنان ( أكسر و أترك) حسب الأمر جميل ما تقدمت به من طرح وحتما كل يفتخر بلهجته، وبالنهاية الكل منا يفتخر ويعتز بلغتنا العربية والتي تجمعنا كعرب . تحيتي لك

أكيد لما كانت يقصد بها الترك فهمها المصري التكسير حيث بالمصريه ليس معني غير التكسير
واللي بيخليني أتطمن علي الفصحي لغتنا الأم هو القرءان
بعكس الرومانيه القديمه التي تشعبت للغات الاوروبيه جميعا
مرور حبيب من اخي الحبيب

المشاركة الأصلية كتبت بواسطة faucon السلام عليكم ورحمة الله وبركاته مشكور اخى الكريمم على الموضوع انا درست اربع سنواتــــ فى مصر كانتـــــ افضل سننين عمرى اتمنى ترجع تانى وعليكم السلام ورحمة الله وبركاته

علي راسنا يا غالي
وتنور بلدك مصر وأهلك اهل مصر تاني وتالت وعاشر عن قريب بأذن الرحمن

المشاركة الأصلية كتبت بواسطة هيفاء اخر خبر بالنسبه لكلمة البراد نحنا كمان في لهجتنا نقوله براد الشاي ونعني بها ايضا ابريق الشاي يا ريت تعرف لنا اصل الكلمه احمد ده انت طلعت روش طحن منين كل الكلام ده يا خطير انت مصاحب عيال بيئه بيعلموك الكلام ده كله

ماما هيوووووووووووووفه العسوله الحبوبه الرووووووشه فحت هههههههههههههههههههههههه
( فحت دي تطوير كلمه طحن في نسخه 2009 من اللهجه المصريه)

برضو في الشام بتقولوا علي الغلايه براد (لا حول ولا قوه الا بالله)
ده في بلاد عربيه براد عندها يعني التلاجه ههههههههههههههههههههههههههه
وده الصح

المهم انا عايز حضرتك كده تعملينا موضوع عن اللهجه الشاميه فرنساوي اللغه العربيه ههههههههههههههههههههه
اوكي ؟؟