الى الاحبه

[align=center] إلى الأحبة

أبدي بذچر اللي على الخلگ رزاگ
واثني بحب المصطفى والصحابــــة
الگلب هام وهيمه طول الفــــــــراگ
والفكر مشغول يتفگد اصحابــــــــة
البارحه ما غمض الجفن بطباگــــــ
وعيني سهيره وفاگد لي گرابــــــــه
بيهم فضا بالي ودليلي لياضـــــــاگ
وشحال سيف مبعد عن گرابــــــــه
وشحال مكسور يتگلب من الســاگ
جرحه غميج يصب جرحه صبابـــه
يوم سرى الحادي بضعنهم بالاشفاگ
هيم دليلي واسود الراس شابـــــــه
اگفوا وخلوني حزين ومشتـــــــــاگ
وهموم گلبي ناهبته نهابـــــــــــــه
ورديت عالقاعة چما طير الاخفاگ
يصاحبي ياريت عندي ربابــــــــه
خذيت انا اقلامي وسطرت بوراگ
وذكرت ربعي وزاد گلبي عذابـــــه
وكتبت بالكاغد سلامات واشـواگ
وخصيت ابو يعگوب يسلم شبابه
عيال المسافه سالمين من الاوفاگ
حاتم علي الطيبات مفتوح بابــــه
وطلبت من نعمه مصاريع اغماگ
يدله بهن گلبي يعالج صوابــــــه
وين ابو عگاب اليطلب الضعن سواگ
اللي ينهار الكون بوصف شرابه
يغدي ضعنهم بالزبيدات معثاگ
ترسل سلامي للاهل والگرابه
وصلاة ربي عدد رمل بالعراگ
على نبي شرفه الله انسابـــــه


سلام العبيدي[/align]

[align=center]الله الله ياسلام العبيدي

ابيات جميله

شكرا لك

تقبل مروري

..[/align]

[align=center]عزيزتي فروووحه

شكرا لمرورك الرائع والجميل هذا المرور
الذي تشرف به متصفحي المتواضع ويكفيني
انك مررتي هنا

اجمل تحيه وارق سلام

سلام العبيدي[/align]