رهام(قصيدة)

[align=center]شوفي الزمن كيفن مشي
وانا لسه تايه في الزحام
ادمنت ياحلوة السهر
وعيوني جافت للمنام
مااصلو قلبي هجرني فات
سافر رحل بي وراك هام
وانا لسه بسأل في الخلوق
الليله وين ماجات رهام
وارجع واتوه وسط الزحام
وازرف دموع الشوق بحور
وتفيض حنين نسمة وغمام
وانزل مطر يسأل عليك
الليله وينك يارهام
يادره من درر الشرق
علمتي روحي الابتسام
علمتي ياحلوة الخلوق
العشره والحب والوفاء
والطيبه والحن والغرام
وريتي كيف الناس تحب
والناس تقول بي حن سلام
كل الصفات الحلوة فيك
رقة وبراءة واعتدال وعفة
وحياة وذوق واحترام
الا الغريب القسوة فيك
والجفوة والصد والخصام
قلبك بفيض رقة وحنان
لكنو قاسي علي دوام
يوم اتولد انا حبي ليك
ياحلوة اعلنت الفطام
والشي الغريب وبالجد بحير
يارهام وريتي كيف الناس تريد
والريدة في شرعك حرام
وانا لسه تايه في الزحام
وبنده عليك وسط الخلوق
الليله وين ياناس رهام
وقليبي من شوقي الشديد
ياروحي ليك اصبح حطام
لكني ياعشقي وهواي
مابرضي لي حبي انهزام
انا برضي مابعتب عليك
لو حتي تبخلي بالسلام
بس داير اقول يامدهشه
دنياي غيرك موحشه
والحسره فيني معشعشه
وجواي احزان مابتموت
اشواقي ديمة بتنعشا
لكن بقول ليك ياملاك
مهما الزمن دور مشي
حاظل احبك يارهام
حاظل احبك يارهام[/align]

الله الله

قصيده راائعه للمحبوبه اروع..

الى الامام ومزيدا من الابداع..

تقبل مروري

أحس انها جميلة من كلام فرووحه لكن للأسف لاأرااااااى شيئا

ياليت تغير اللون نقراها كويس

[align=center]تسلمي يافروحة علي المرور والتعليق الرائع
وبجد اسمك بفرح زيك وانشاء الله اكون مبدع
بجد يا فروحة[/align]