أقول ايه بس بعد هذه الرباعيات الجميلة والرائعة
حقيقي تملك حرفا متميزا ومتمكنا ورباعياتك رائعة وجميلة
واسمح لي بهذه الرباعية الصغيرة وأتمنى أن تعجبك على أنني سوف انشرها لاحقا
مش زي ودعتها ............
اتغــــــيرت كل القلوب
واتقفلت كل الدروب
والدمع سايل ع الخدود
يشتـــــــــــكي حظي أنا
***
والليل بيستر ع الخلايق
الغافي منهم واللي فايق
الا وصوت جرحي أنا
يصرخ يجلجل ف الفضا
***
واشكي وأنا مهمـــــوم
عايش حزين مظلــــوم
يجنوا عليا بغــــــدرهم
وأناكنت مستني الهنــا
***
عايش لوحدي غريب
ولا حد جنبي قريب
اشكيله واشرح قصتي
الا الليـــــــــالي المظلمة
***
عايش أســـــــــير اليأس
ملفوف بليـــل الهمس
ولاحد يسمــع صرختي
الا النجوم وسـط السما
***
سكت الكلام ف الحب
والــحزن غطى القلـــب
مافضلش غير اني اقول
وداع ياأحلى المـــــــــنى
***
مع تحيات
عاشق الورد
|