سري الهاجوس من فكري وسجل بالورق قافي
........يبي يرسم علي اوراقه مشاعر شالها صدري

علي طاري من اعماقي بحث في داخلي خافي
........ زهم روحها وناداها ... تعالي يابعد عمري

يقولون القلم وافي وانا اقول ان الورق وافي
........رسول الصدق ياعالم عن اللي بالحشاء يدري

دفعني يانواف عليك الخاطر الصافي
.....حملت الصدق بكفوفي وجيتك والوفاء عذري

انا يوم اكتب اشعاري واصور حسي الدافي
....مسكت القلب باايديني وجيتك والورق يغري

لك الله قربك وشوفك يكفي والوفاء كافي
.......لان الطيب بعروقه وصدق المرجله يجري

مثل ديم المزون اللي تهادي والمطر صافي
......امزون خيرها وافر وظلت والمطر يسري

حصد علم الرجال اللي لهم بالطيب ميقافي
..........دليل الطيب به واضح ومثله للكرم يشري

رفع بالجود له رايه تعلت كل مشرافي
....يشيل الطيب باايدينه من ايام الصبا بدري

زرع طيب العلوم اللي بها علم العرب ضافي
...... علي صدق الظنون اللي عليها يرتفع قدري

يقولون اعرف الطيب وانا اقول الخبر كافي
.....نـــواف قربه وشوفه ....وسام يعتلي صدري

الله الله الله

صح السانك اخوي د كيف ..........

قصيدة قويه بمجملها يستاهل النواف .......

سلمت اخوي الكريم وياربي يعطيك الف الف عافيه

زهرة الشرق . . للثقافة الأسرية




كنت انا بأول زماني بالأمـاني لاهيه ... لين ياكل الأماني صرت لي القلب الحنون

صرت مابين الغواني بوصالك زاهيه ... يا أمل كل الغواني مسكنك بين الجفـون