[c]
أخي الساهد
رائع والله وتتمتع بإحساس راق جدا
أتمنى لكم التوفيق والمواصلة
ويسرني أن أشاركك في الوداع بقصيدتي ... التي تحمل نفس المعنى
وهي بإسم ودعتها
تقول القصيدة
برغم اني بكل عمري بحبها
… ودعتها
مع كل دقه قلب تنده اسمها
… ودعتها
ودعتها وساعتها قلت
.. انا خلاص خدت القرار
وشوفتها لما شاورت
.. اتسمّرت زي الجدار
مات الكلام فوق الشفايف
.. وانتهي بينا الحوار
وكل واحد خد طريقة
.. واحنا بندوق المرار
مرت علينا ايام
.. اطول من الأيام
ايام ماشفناش زيها
.. ولا حتى في الاحلام
فيها مرار وعذاب
.. فيها جراح والآم
تاهت قلوبنا في الدروب
.. وعشنا بالاشواك ندوب
حتى ماكانش الليل يعدي
.. إلا بجراح تدمي القلوب
وآدينا ع الحال ده شهور
.. وآهي دبلت اوراق الزهور
مالاقينا مين يرحم بحالنا
.. ولا حتى ايد تسقي الزهور
عدت عليا سحاب
.. بتقول كلام وعتاب
قالت وليه كان الفراق
.. طاب قوللي فيه اسباب
جاوبت دموعي اوام
.. أي والله فيه اسباب
ماكانش ممكن نجتمع
.. ونعيش كده أحباب
طول ماالقلوب اتحجّرت
.. والحب ماله حساب
فرضوا عليا ابتعد
.. وأهجر هوى غلاب
حاولت اقاوم غدرهم
.. وأشيل بحبي غلهم
وأطلب لقلبي ودهم
.. وجاني كلام عنهم
ساقيينها الوان العذاب
فضّلت أختار البعاد
.. وأهيم بحبي في البلاد
وارضى الفراق مني أنا
.. يمكن ينسّيها الغياب
وآدي النتيجه ياسحاب
ردت وقالت يعني حبك
.. هوه اللي وراك العذاب
وآه ياعيني على جرح قلبك
.. عايش غريب مالك صحاب
مع تحيات
عاشق الورد
[/c]
|