[c]
خايف اصدق نفسي واشوف
إن الدنيا بتضحك ليا
خايف اعيش في الوهم واطوف
والقى الدنيا بتبكي عليا
خايف اصدق ان حياتي
نسيت جرحي ودمع عنيا
خايف ازرع بستان فرحي
والقى الشوك بتضمه ايديا
خايف والله حقيقي انا خايف
نفسي الخوف تنساه لياليا
***
ومشيت وحدي وعمال ادور
ع اللي ح اصدق نفسي معاه
ولقيت قلب وحيد بيشاور
قلت دا هوه اللي اتمناه
روحت اليه ومشيت وانا خايف
لاالقى الصد ومر جفاه
واما لمحت الدمع ف عينه
وانين قلبه سمعت صداه
ضميت ايده وخدته ف حضني
وقلت تعالى وننسى الآه
قاللي انا خايف اصدق نفسي
قلت انا زيك لو ننساه
ننسى الخوف ونعيش ايامنا
ونشبع حب ... ونقول الله
بص بطرف عيونه ضحك لي
وانا من فرحي ضحكت معاه
خدته ف حضني وتحت جناحي
وبحر الحب وصلنا مداه
عومنا ف بحر الحب ثواني
وملينا كاسنا سوا شربناه
****
مع
عاشق الورد
[/c]

[sound]http://cards.bindubai.com/midi/90.mid[/sound]

زهرة الشرق