ما دريتي ؟! ..
ودّعوني ظنهم ميّت خلاص .. ولا لقوا فيني أمل ينعش حياة..
ودّعوني ..
وكلهم لجلي بكوا ..
والحبيبة .....
يوم شافتني غفيت
وحولي أهلي والبكى ..
شافت سواد ! ..
ولا درت !
لين العصر فجأة صحت ..
وما غير اسمي انطقت ..
أمّها ، بدموعها ، قالت ....
خلاص ..
واصرخت ذيك الحبيبة ..
واغمرت ..
ولا درت .. غير الفجر ..
وحولها كانوا ثلاثة :
الطبيب وأمها وأختي أنا ..
يتهامسون ..
والبكى في صوتهم .....
فجأة صْرخت ! ..
وقالت أختي : هو بخير !
وبضحكةٍ قالت : الموت ما يقوى عليه !
تدرين ليه ؟! ..
قالت .. إيه ! ..
يوم جاه الموت مالقى به قلب .. وقال ميّت !
ما درى هالموت إنّه زارعٍ قلبه في قلبي ...
واضحكت ..
وقالت ... أشوفه !!
ويوم جتني .. اطبعت في وجنتي من ثغرها لي بوستين ..
واحضنت بايدينها كفّي اليمين ..
واطبعت به بوستين ..
ولا حكت ..
غير بدموع !! ..
واتركونا ..
محتضن كفّي يديها .. غارقٍ بدموعها ..
صدّقيني ..
ما دريت اللي حصل ..
بس أنا يومي صحيت ..
قالوا إنّه ذا حصل !
.... لا تفزعين ..
ذا حلم ...
بس ......... يا ريته حصل !




واتمنى إنها تنال اعجابكم ، مع إنها يعني مجرد محاولة

كنتي حياتي وأجمل أفراح دنياي
................... وكنتي أملها كل باقي سنيني