تبي تروي شراييني...؟؟؟
رجعت بعد هجر سنين تبي تروي شراييني//// خسارة جيت متأخر رواها قلب شاريها
خلاص انسا زمانن فات وبعدانسا عنوايني //// نساك الدمع نساك الجرح وروحن كنت مشقيها
انا ايضا ابي ارتاح واعوض ماضي سنيني //// مع قلب ن شعرته قلب ..تفداه الروح ويفديها
انا من حبني بقلبه... احبه بكل مافيني ... //// وأشيله فوق راسي شيل وارضه مايوطيها
واسميه حبيب العمر وهو عمره يسميني .... //// هو بلسم ..وحياة للروح.. يموتها ويحييها
يرسم لي طريق الفرح وعمره مايبيكيني .. //// وصفحات الحزن والجرح هو بيديه يطيويها
الا يااكذب العشاق ...صدوق الود يكفيني //// يشهد فعله لقوله ... والخيانه مايادانيها
عيونه تعانق عيوني . وبرقه يلمس ايديني.//// وأغمض من الخجل ويقول لا تكفين خليها
خليني بوسطها اضيع وانتي بس تلقيني //// ابيك انتي .. انتي وبس وباقي الناس مابيها
ابي قصة هوانا تكون عفيفه بينك وبيني //// ومثل يقتدي به الناس بعدنا ازمان تحكيها
وبعد هذا الغلا والحب تبي تروي شراييني.؟ /// شراييني ارتوت بالحب وتوفي من بيوفيها
وسلامتكم ومعذرة على رداءة الاسلوب
توقيع : زاهيه
زهرة الشرق . . للثقافة الأسرية
كنت انا بأول زماني بالأمـاني لاهيه ... لين ياكل الأماني صرت لي القلب الحنون
صرت مابين الغواني بوصالك زاهيه ... يا أمل كل الغواني مسكنك بين الجفـون
التعديل الأخير تم بواسطة زاهيه ; 15-06-03 الساعة 10:44 PM
|