منتديات زهرة الشرق - عرض مشاركة واحدة - اذكر افضل عشر اكلات عندك واكتب وصفة واحدة منها (ارجوا من الجميع المشاركة)

حـــــازم · 30-04-03, 02:29 PM

[c]

أختي العزيزة
نووووووور

السلام عليكم ورحمة الله وبركاته ،،،

بما إني شيف الزهرة

أقصد سابقاً
أعجبتني جداً الفكرة واردت أن أشارك معكم

كما أشكرك على هذه المشاركة وإن كنت أتمنى من الجميع المشاركة الفعاله فيها

العشر أكلات هي :

1- الأسماك 0000 مصري
2- المكرونــــه 000 مصري

2- جمبري على الطريقة الصينية مع رز بالخضار
4-الرز الإيراني مع الدجاج
5- المنسف الأردني ... على طريقة أم خالد
6- البازلاء بالطريقة المصرية
7- سمك الفيلية على الطريقة الايطالية
8- لحم أوصال مشوي 000 عالمي
9- ملوخية بالجمبري 000 مصري تحديداً إسكندراني
10- المحاشي بكافة أنواعها وخاصة ورق العنب 000 عالمي

* * * * *

وسوف أقدم لكم المكرونه وهي تصلح كوجبة رئيسية يقدم بجانبها أي صنف اخر من اللحوم .

ورايا لو عاوزين تعرفوا طريقة العك … اصدي طريقة الطبخ …هههههههه

شوفوا يا حلوين …

تجيبوا مكرونة مقصوصة حجمها وسط … …
وطبعا تسلوقوها وتشطفوها بالميه وتصفوها …
عارفين ازاي طبعا …
المهم خلوا المكرونة بعد سلقها على جنب دلوقتي .

تجيبوا حلة فاضية ..
وتحطوا فيها صلصة كمية كويسة كده … بلاش بخل …
وتحطوا عليها ميه وتدوبوها يعني تبقى صوص
كتير كده ربع الحلة مثلا … صلصة كتيره يعني …
وبعدين تحطوا معاها كمية مناسبة من العصاج …
طبعا بتعرفوا تعملوا العصاج اكيد ..
( يعني اللحمة المفرومة مع بصل وبهارات والذي منه يعني )
وتحطوا فلفل اخضر بعد ما تقطعوه صغير
وكمان تحطوا معاهم جبنة رومي مبشورة بتدي الاكل طعم روووووعه صدقوني …
ومعاها معلقة سمنة تدي تسبيكة حلوة للاكل وتخنكووووووووا … ههههههههههههههه.

المهم وعلشان احنا عاوزين قوام الصلصة يبقى سميك شوية
تقوموا مدوبين معلقة دقيق في ربع كباية ميه على البارد
وبعد كده تحطوها على الصلصة
وهي على النار لحد ما تغلي كويس مع استمرار التقليب
تروحوا حاطين عليها المكرونة …
وتحطوا بقى شوية بهارات وملح وفلفل كل واحد ومزاجه في الاكل …
تسيبوها شوية على النار .

وبعدين تاكلوها بالهنا والشفاااااااااااا.

اتمنى ان أكون وفقت في العرض

وتقبلي والجميع خالص

أخوكم

حــازم

همســه

إعذريني ما وضعت صوره

[/c]