الـسـحر الـحـلال..
[c]
ياأمل عشته وشفته بالخيال
****** بارقٍ نوره على الظلمه يلوح
بارقٍ نوره على روس الجبال
****** به عبيرٍ من سنا المزنه يفوح
هي كذا الدنيا ولاتبغي جدال
****** شفت إجابات الزمن فيها وضوح
كنت أظن الصبح بالنور أستحال
****** لين شفت النور بالظلمه يروح
شفت معنى الصدق بالسحر الحلال
****** وشفت كيف الحلم يبني له صروح
وشفت كيف البنت لاحبت مجال
****** تغرق الدنيا عصافير وطموح
وشفت كيف العزم لو فيه إحتمال
****** بلسمٍ يبري عن الخافق جروح
ماتوقعتك كذا قوه وجمال
****** غيمةٍ هلت بعد وقتٍ شحوح
والإجابه قدرها قدر السؤال
****** كلمة الخافق من أشعاري تبوح
[/c]
توقيع : د.كيف
boss_vip@hotmail.com
|