منتديات زهرة الشرق - عرض مشاركة واحدة

عبدالكريم التميمي · 10-03-03, 10:08 PM

دام الهوى اللي تعشقينه صناعي
.... خلي خيالك يصنعه لك0وعيشيه.؟

في لحظة الغيبه وساعة وداعي
.... شاللي يقوله قلب ميّت بغاليه

شاللي بقى دام الطريق لضياعي
.... الليل توّهني وأنا خابرك فيه

الليل كان لموعدك بس.. واعي
.... قبل النهار وغيبتك فيه تدعيه

الليل كان الشوق فيه انطباعي
.... كل الغرام اللي بنيت وهدمتيه

الليل كان الحلم0معنى اندفاعي
.... يمك0ويمك0واخرك باول التيه

الليل قصه لو حكت عنك تاعي
.... لاجلك نجومه والقمر لو تحاكيه

لحظه اكتبيني ينتثر قلب ساعي
.... حتى اسهرك والصبح يشتاق تغريه

لحظه0 ارسميني نبض وصلك قناعي
.... حتى اسكبك في وسط قلب خذلتيه

لحظه وابسأل من للإحساس راعي
.... دام الحكايه00دم قلبي نثرتيه

من للوفا ينعاه 0 من وين ناعي
.... والصمت0والصوره0وصوتي سجنتيه

يالله0اكتبي لليل حلمٍ جماعي
.... يمكن نلاقي شي ماقد لقيتيه

في الحلم الاخر 0دام للبعد داعي
.... ( رسم ) البطل في قصتك لو هويتيه

باتخيلك00واتذكر انه صناعي
.... هذا00هواك00اللي رسمتيه00عيشيه..؟؟؟

*******************

..
تجندلت كل الحروف لتسكب الألم وتغني الوهم..؟
فقط أتشرف بكم تتصفحوا أوجاعي..!!!!
ودعتك الله.!