هذا الخفوق إن تركته تبرد أطرافه.....؟؟
عذراً للغياب الذي خرج عن نطاق السيطرة..
ومع الحب أهديكم هذا النص الجديد أتمنى أن يليق بذائقتكم الراقيه..
..
هذا الخفوق إن تركته تبرد أطرافه.....
... يجف دمعه وينشف داخل عروقه..
يموت والموتة الموته وأنا أخافه.....
... يبقى حبيس الوفاة بوسط صندوقه..
يوم الغلا اللي ذبحته يلعن أسلافه..
... يحلف لك .. إلا أبيك وتكذب وفوقه..
يوم الوفا اللي نسيته يطعن أحلافه..
... يشق ثوب الحشا.. ويبوقه... يبوقه..
يوم الرجا ضاع والفرقا على أكتافه..
... يشيل هم الغياب وتكثر حروقــــــه..
يومه وقف نبض 00يقرا الكف عرّافه..
... وأنت بحنايا الهوى عبرات مخنوقه..
يوم إن كفك يكفكف دمعةٍ طافـــه..
... تبكي على اللي ذبحت بداخله شوقه..
يومك تحسه00يموووت00وتبرد أطرافه..؟
... وحتى مع المووووت0ماقد غمضك موقه..!!!!!!
الإهداء... للنبضة الأخيرة قبل التوقف...؟
2/1/1424هـ
|