قبل عرسنا، خطيبتي صممت تلبس عدسات، وانا كنت رافض الموضوع، بس هيي كانت حابة تلبسن
نزلنا واشترينا النوع إلي هيي حابيتو ؛
ولما سألتني ليش كنت رافض إني حطن ، قلتلا
عيونك أجمل من العدسات بكتير..
يوم العرس ما لبستهم
أختي مرة طلبت منها تعملي بوشار وكانت مشغولة، قالتلي مو فاضية اعمل انت..
قلتلها أنتي بتعمليه أطيب مني " رغم إنها بتحرقو"
قامت عملتلي طنجرة كبيرة ولأول مرة ما بتحرقن
رفيقة إلي بالجامعة من 3 سنين كانت بتحط مكياج كتير، ف مرة قالتلي أنا وجهي انتزع من البودرة بس ما بقدر ما حطها بحس بطلع بشعة
قلتلها إني شفتها مرة من غير مكياج وكانت أجمل بكتير وجمالها كان طبيعي
من وقتا كتير صرت أصدفها بلا مكياج أو مكياج خفيف
وحدة من أعز أصدقائي، بمرة حكتني وبلشت تعيط وقالتلي إنها متضايقة مني من مواقف كتيرة وبلشت تحكي وهيي معصبة تركتا تكمل للأخير وقلتلا آسف بس هالفترة أنا مو منيح ؛ فجأة اتحولت المكالمة من وحدة بتعيط ومعصبة لوحدة كل همها تحل معي مشاكلي وتطلعني من الزعل إلي كنت فيه، وفعلًا ما تركتني لصرت منيح
- شغلات بسيطة كتير بتفرق معهن ؛ مجرد كلمة حلوة أوقات .
.
