منتديات زهرة الشرق - عرض مشاركة واحدة

حبىالزهرة · 28-08-12, 05:57 AM

أحبتي الكرام

قال صديق لصديقه

آنا محتاج 300 ريال ضروري

بأسرع وقت ..!!

رد عليه صديقه :

أبشر نص ساعة وأكون عندك .

مرّت النص ساعة وساعة وصديقه ماوصل ، وكلما اتصل عليه جواله مقفل !!

انصدم الرجال وحس أن صديقه يتهرب منه ، وبعد مرور ساعتين وجوال صديقه مازال مقفلا ،
أرسل له رسالة كتب فيها هذا البيت :

شغل جهازك وكلم مين ما تبغى ..
ما عاد ابي منك لا فزعه ولا نفعه

وبعدها بربع ساعة اتصل عليه صديقه

وأثناء سؤاله له وين يبغى يقابله ؟

وصلت له الرسالة فقال له :

لحظه وصلتني رسالة خلني أشوفها ..

وبعد ماقرأ الرسالة قال له :

الله يسامحك ، ماقفلت الجوال عشان أتهرب عنك

أنا قفلته .. لأني رحت أبيعه !! عشان أفزع لك ، وأجيب المبلغ اللي محتاجه ، وبالباقي اشتريت جوال مؤقت عشان اتصل فيك !!

قال تعالى :

(يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ )
[الحجرات:12]

تذكر أن أسلوبك هو... فن التعامل مع الآخرين يساوي مكانتك

مما راق لي