|
قبل السفر أهديكم ..... أول عيد للحب معاك
[c]
إخواني الكرام أخواتي الكريمات
هاهي هديتي اليكم جميعا قبل سفري وانقطاعي عن المنتدى لفترة
وذلك بصورتها الأخيرة والغنائية أتمنى أن تعجبكم جميعا واللي مابحبش قبل كده وعرف الحب يعرفه واللي بعد عن حبيبه يرجع له ... ويجعل أيامنا جميعا كلها حب في حب
مع أرق 
أول عيد للحب معاك
***
زي النهارده ومن سنه فاتت علينا
زي النهارده يوم هنا لما اتلاقينا
واتلاقينا واتناجينا .. والفرحة طلت من عنينا
والقمر سهران منور والنجوم واخده بإيدينا
وطلعنا فوق لفوق لفوق ومسكنا بإيدينا السحاب
تسقيني حب وتقوللي دوق .. دوق الهنا وشهد الرضاب
ومشينا نحكي ونقول ونشكي ع اللي مضى من عمرنا
دا ماكانش عمر ومحسوب علينا غير لما شوفنا بعضنا
زي النهارده ابتدى عمري الجديد
زي النهارده ابتدى حبي السعيد
مابقيتش اقول ازاي وليه غير اني أقول الله عليه
الله على الحب اللي جمعنا سوا
الله على القلب اللي داق طعم الهنا
الله على طعم الحياه الله على حبي وصفاه
الله عليك ياحب غالي عرفتني معنى الحياه
***
قبلك كنت ف دنيا لوحدي عايش جوه احزاني ووجدي
لاعرف ليلي امتى يعدي وامتي الفجر حيجي ويضوي
عشت الحال أيام وسنين عشت مابعرف حتى أنا مين
صورة خيال مابقيتش بتفرق طول مالقلب لوحده حزين
حتى الجنة اللي اسمع عنها كانت عندي مجرد وهم
روايات حب قريت معظمها كانت عندي مالهاش طعم
زي النهارده ابتدى عمري الجديد
زي النهارده ابتدى حبي السعيد
مابقيتش اقول ازاي وليه غير اني أقول الله عليه
الله على الحب اللي جمعنا سوا
الله على القلب اللي داق طعم الهنا
الله على طعم الحياه الله على حبي وصفاه
الله عليك ياحب غالي عرفتني معنى الحياه
***
ليه بتقوللي اقفل ع الماضي أما الحاضر عيش وياه
هوه الماضي وان كان قاسي خللى الحاضر يامحلاه
لكن عندك حق ياغالي ف اول عيد للحب معاك
غير للحب مااقول بلساني وانا والحب نعيش وياك
تعرف اول مرة قابلتك حسيت إني صحيح انسان
خادني شعور من يوم ماعرفتك هز كياني بكل حنان
واملك قلب يحب ويفرح بعد ماكنت نسيته زمان
واما ناديتني بروحي سمعتك .. ولقيت قلبي عليك هايمان
زي النهارده ابتدى عمري الجديد
زي النهارده ابتدى حبي السعيد
مابقيتش اقول ازاي وليه غير اني أقول الله عليه
الله على الحب اللي جمعنا سوا
الله على القلب اللي داق طعم الهنا
الله على طعم الحياه الله على حبي وصفاه
الله عليك ياحب غالي عرفتني معنى الحياه
***
مع
عاشق الورد
[/c]
التعديل الأخير تم بواسطة عاشق الورد ; 16-07-02 الساعة 01:17 PM
|