|
رد: مايطلبه الاعضاء وخيل الحكومة
[align=center]في كذا نقطه سريعه حابب أتكلم فيها
1- مين أختار النواب دول؟؟
هو حسني مبارك جابهم وقال وليتهم عليكم
ولا أحنا أنتخبناهم ومن اعمالنا سلط علينا ؟؟
الأجابه الأخيره طبعا
2- يعني عشان مختلف معاك في الرأي تضربني بالنار
هي البلد بتاعه اللي خلفوهم ؟؟
ده تحريض علني علي القتل غير المسبب بسبب قانوني
يستوجب المسأله القانونيه وسحب الحصانه فورا
الأمن هدفه القانوني
حمايه شععععععععب مصر..مش فكر حكام مصر
ده القانون يا أعضاء الهيئه التشريعيه اللي باظت
أيه النواب الجهله دول..أجزم أنه معهمش أعداديه
وبعدين دول عليهم تهم سب وقذف للشباب دول طبعا
ليس لها أي سند أو دليل
..شيوعين ومعرفش أيه
حيعملي كمال الشناوي في فيلم الكرنك
ثم أنت مالك بتوجهاتهم..حاجه غريبه أوي ؟؟
مناقص تقولهم يفطروا أيه ويتعشوا أيه طالما سعادتك حتحددلنا توجهات شعب مصر بكامله السياسيه والأيديولوجيه؟؟
في أحزاب دلوقتي يا ساده وفي جماعات يمينيه لها نواب كثره في مجلس الشعب
فسعادتكم شكلكم نمتم من قبل النكسه ولسه صاحين دلوقتي
أحنا دلوقتي في عصر أنفتاح وحريه يا بهوات سبقنا بيه أغلبيه الدول العربيه وبمسافات واسعه وبنخطوا خطوات واسعه جدا جدا تجاهه وبنستعد لأنتخابات رئاسه وحاطين أيدنا علي قلوبنا للنقله التي سوف تنتقلها هذه البلد الرائده عربيا وشرق أوسطيا
بنطلع لقدام
مش بنرجع خمسين سنه او أكثر لورا لعصر فاروق وعبد الناصر
قال تعرف السفيه منين؟؟ قاله أما يتكلم
3- ده علي رأي الشهيد أنور السادات
( دول لازم يحاكموا بتهمه الغباء السياسي كمان)
ميه شاب كانوا بيتظاهروا تقوم تعملهم بروباجندا مجانيه
خليت تلاته وتمانين مليون يتعاطفوا معاهم
يعني أضعاف بمئات الألوف حتنزلك المره الجيه
وأبقي أضربني بقي بالرصاص ووريني
ده الراجل بيقولك
(الأمن تعامل مع هؤلاء الشباب بحنان أبوي)
يا ...أقول أيه بس
الشباب دول يا خريج أعداديه هما وأهاليهم وصحابهم
اللي بيدفعوا الضرائب عشان يقبضوا عساكر وضباط الأمن
يعني الأمن شغال من فلوس الشعب لتأمينه دي مهنتهم
ثم الأمن المصري والشعب مصري
يعني اخويا وصحبي وجاري وأبن خالتي وزميلي
فهمني بقي أزاي اللي المصريين معينينه يدافع عنهم
وهو واحد منهم وأبنهم واهوهم ومصري زيهم
حيرفع الطبنجه فوش مصري زيه ويضربه بالنار ؟؟
فهمالي يا عضو هيئه التشريع العليا..يا نائب الشعب ؟؟
إذا كان أنت نفسك بتملي كرشك من فلوس الضرائب بتاعتهم
عشان تدافع وتتكلم بأسمهم مش تقول يضربوا بالنار
فعلا
زمن يتكلم فيه الرويبضه
موضوع يحرق الدم يا عمو
بس شكرا وأسلوب حضرتك شديد جدا كالعاده[/align]
|