أول حاجه طبعا
حتبتدي يومك انك تخش المدرج
أقعد جمب واحده بس تكون بنت رقيقه من اللي مبيعرفوش ينطقوا دول
وأبدا بقي حياه الغلاسه ويوم زي الفل مشرق
أول حاجه أفتح الأسكتش بتاعها لما تحطه عالبنش وأقرا أسمها
مثلا داليا..طبعا هي هتشوفك وحتتخنق جدا جدا بس مينفعش تغير مكانها
بصلها كأن أعصابك جبل في ألاسكا..وبابتسامه صفراء ترفع الضغط وقول:
أزيك يا داليا ؟
أكيد مش حترد وحتحاول تتلخم عنك
عادي بقي كمل رخامه..حتكلم صاحبتها رشا في التليفون عمال ما الدكتور يبدأ
وهي بتتكلم زعق وقول..أزيك يا رشاااااااااااااااااااا ؟؟
داليا كلمتني عنك كتيييييييييييييييييير
أول ما يخش الدكتور أستني لما الدكتور يقول ::
كل يركز عشان اللي حقوله مهم
ومتخليهاش تسمع كلمه
أسالها كل فيمتو ثانيه هي الساعه كام ؟؟ وورا بعض
ولما ترد قولها اصلي اتخنقت أوي ده دكتور ممل
ييييييييي أنا زهقت هي الساعه بقت كام دلوقتي ؟؟ولو مردتش اسال تاني
واول ما تيجي تكتب أفضل أسالها هي بتكتب ايه وهي بتعمل ايه ..طباخين ايه النهارده
المهم عايزك متخليهاش تكتب سطرين علي بعض
بعد المحاضره في البريك
روح الكافي..قول للويتر::
عندكوا كبده ؟ حيقولك أه
قوله بتعملوها حلو هه ؟ حيقولك تمام
قوله مش كبده كلاب ولا قطط ؟ حيقولك عيب يا باشا
قوله بتعملوها أزاي بقي ؟؟حيرغي شويه
قوله أمممممممممممممم..فكك انا مليش تقل عالكبده أصلا
هاتلي واحد حلاوه طحينيه..حيقولك مفيش يا باشا
قوله ولا سندوتش جبنه نستو؟؟ حيقولك لأ يا باشا
قوله طب فيه عصير بطيخ (يكون مش موسم بطيخ)؟؟ لأ يا باشا
وطبعا مفيش كحك ؟؟ ممكن يحلو ويقولك العيد خلص من زمان يا باشا
قوله أنا مسيحي أنت بتهزر ( أرعبه)
ولما تنشف ريقه
قوله امال انتوا عندكوا ايه يا ابني؟؟..هاتلي واحد شاي بقي وخلاص
وقوله يقول لبتاع المطبخ الشاي ده لأستاذ محمد المسيحي ( هههههههههههههه)
خلصت شايك
طير علي شئون الطلبه
العيال يا قلب أمهم واقفين طابور من صباحيه ربنا ومش طايقين دبان وشهم
جو خصب جدا لمحبي اعمال الغلاسه والرخامه
أدخل في الطابور واقف في دور مش دورك وأتعامل بكل برود
خرج العيال عن شعورها ( هههههههههههه)
بعدين لما يجي دورك التاني
زق اول واحد الزقه في الشباك الحديد وقول
ياللي ورا متزقوش ..وقوله خلاص يا كابتن أمسحها فيه أنا
ولما يجي دورك الأول
أسال عن أي حاجه تافهه وأستفسر بغباء
أيه؟؟مش فاهم؟؟معلش ممكن توضحلي؟؟يعني لو أنا سألت في المكان الغلط حيبعتوني المكان الصح تاني ؟؟
طب دلوقتي ..وأفضل كده فسر الماء بالماء
وشل أكبر عدد من الموجودين
وبكده حتبقي أسمتعت بيوم كل رخامه وغلاسه وتلامه ورزاله وبرود
اطيب الأمنيات