Riyadh
مدرس سأل طالب بلدياتنا، لما تكبر هاتكون إيه؟ قاله: عجوز طبعا!!
************
واحد بلدياتنا اتصل بالاستعلامات قال لهم إديني رقم المطافي،
الموظف قال له: 999
قال: يعني تلات تسعات؟
الموظف قال: أيوة تمام
قال: بس أنا ماعنديش غير تسعة واحدة في التليفون.
قاله الموظف أما انت صعيدى صحيح
رد الصعيدى :انت اكيد عندك خاصية اظهار الطالب؟؟؟
************
بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
************
بلدينا بيفتح الثلاجة على مهله وببطء شديد ليه؟
عشان يكتشف مين اللي بيفتح النورفى التلاجة
************
بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي الشعراوي؟
قال له: يا أهبل ... ده مجرد تشابه أسماء
************
واحد بلدينا اتهموه بالذكاء ...بس طلع براءة
************
واحد بلدينا كل يخلف ولد يموت، اتفق هو ومراته إذا جالهم ولد يسموه
يوم ما ولدت مراته، طلعت الممرضة، بيسألها، ها؟ إيه اللي حصل؟
قالت له: ألف
يا حاج
رد قال: يا بووووي ..... هأصرف عليهم منين دول كلهم؟
************
واحد بلدينا ماشي ع الرصيف
شاف واحد سأله: هو فين الرصيف الثاني؟
رد عليه: الناحية الثانية
بلدينا قال: حاجة تدوخ!! .... والله أنا سألت الناحية الثانية قالو لي هنا!!
************
واحد بلدينا عايز يعمل عملية انتحارية، قام دخل مطعم وضرب نفسه بسكين
تلاتة زباين ماتوا من الضحك!!!
************
تلميذين من بلدياتنا وصلوا المدرسة متأخرين
سأل الأستاذ واحد منهم كان بيعيط قوي: إيه اللي جابك متأخر كده
قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره
فسأل الثاني: طيب وإنت بقى كنت بتدور معاه برضه؟
قال: لا يا أستاذ، أنا كنت دايس ع الشلن برجلي !!
************
تسعة صعايدة حبوا يبقوا مشهورين، كونوا فرقة وسموا نفسهم ثلاثي أضواء المسرح
************
واحد في مأتم واحد بلدينا مات امبارح، بيسأل، هو بلدينا مات بإيه؟
رد عليه اللي جنبه: حط إيده في برميل مية نار
قال له: طيب وهو اللي يحط إيده في برميل مية نار يموت؟
قال له: لأ، ماهو لما مالاقاش إيده ... دخل راسه في البرميل عشان يدور عليها!!
************
بيقولك ليه بلدينا بيكون ذكي لما يطلع من الصعيد؟
علشان بيكون خارج نطاق التغطية
************
بلدينا من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبا بك في أسيوط
************
واحد بلدينا اتصل بالمطافي وقال لهم: إيه؟ هو يعني لو مافيش حريق مانشوفكمش خالص كدا؟
************
واحد بلدينا بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا
قال له: طيب شفت دكتور عيون ؟
قال له: يا بني آدم باقول لك ما شفتش غيرنقط سودا
************
واحد ياباني شغال في مشروع في قبلي، قام فات على بقالة عشان عايز يشتري عشر علب بيبسي،
قال لبلادينا: كوميهاني سيبة موفا كالاو بيبسي
بلدينا رد عليه: بتقول إيه؟ عايز عشر علب إيه؟
************
بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها
************
واحد صحفي بيسأل بلدينا: نسبة البطالة عندكم قد إيه؟
بلادينا : والله الصعيد كله أبطال.
************
إيه اللي بيكون مكتوب داخل أحذية بلدياتنا؟
ورقة مكتوب عليها: أدخل الأصابع أولا.