أيخيبتو
وولعت مدرجات أسكندريه ومدرجات الارجنتين احنا نقول مصر مصر مصر مصر
والارجنتينين اللي بيشجعوا مصر/ أيخيبتو أيخيبتو أيخيبتو أيخيبتو ( أيجيبت يعني )

المهم طبعا خيبتو كانت قويه وخسرنا سبعه واحد

(بعد العشا)

في ثانوي كان واحد من أقرب صحابي نصراني ( مايكل ) لحد ما سافر.. المهم يعني
عمنا مايكل عمره ما أداني معاد غير بعد الصلاه .. مثلا
يالا نخرج نتمشي شويه يقولي بعد صلاه العشا
تيجي نروح نشتري هدوم يا مايكل يقولي طب بعد صلاه العصر عشان بالليل زحمه
لدرجه كذا مره أشك فيه أقوله ( ولا أنت أسلمت؟؟ ) يموت من الضحك

مش عارف أقول ايه ..ربنا يقوي أيمانك يا ميكي

(كلوا ستات)

واحد من حكامنا العرب عامل كل الحرس بتوع سعادته ستات بس
وبيبرر ده ان الست الخيانه عندها مش زي الراجل
بس أنا متأكد أنه في سبب تاني
في سبب تاني
في سبب تاني
في سبب تاني
بس قول بس وأنا مش حقول لحد

تصدقوا في تكمله للمقال كنت كاتبها مش مكملها
وأنا فاضيلكوا