|
رد: الحاله الحلبسيه المتأخره
 حنناقش مجموعه هنا مجموعه من الحالات الحلبسيه المتأخره اللي بتعيش في وطننا العربي
وأتمني منك عزيزي القارئ الفضولي الا تسأل وتقول يعني ايه حلبسيه ؟
اقرا حتعرف يمكن تكون شخصيه حلبسيه انت راخر ومنتش عارف
يعني ايه حلبسيه بقي اصل انا فضوليه
*واحد من فلاسفه وطنا العربي المعاصرين بيقول لحضرتك
(شعورك بأنك حمار أعلي درجات الفلسفه)
تحلبس المتحلبس حتي تحلبس بالوري (المعلقه الشهيره لشاعر الزمان/ ابو نسمه النمساوي)
ابو نسمه !!!!!!!!!!!
* حجم الانفاق العسكري العربي تجاوز 90 مليار في السنتين الاخيرتين
معلومه تفرح بجد
90 !! ده الشعب مش لاقي ياكل
قولي بقي ايه رأيك في علقه الموت اللي كلناها في غزه ؟
حسبي الله ونعم الوكيل
*من الطريف انك تلاقي اغلب تجار الفاكهه الكبار في مصر رنات موبايلاتهم
(مين ده اللي كاره دنيتك وبيشتهي موتك..مين ده اللي موته في كلمتك وحياته في سكوتك)
ال يعني الواد مهم اوي ..!!
اه طبعا بس متقطعش انتا الارزاق
*احدي الشخصيات اللولبيه اللي بتطلع علي قناه On Tv بيتسأل في دهشه عارمه رهيبه
ليه مبنعلمش الولاد في المدرسه هيروغليفي ؟ليه مبنتكلمش هيروغليفي ؟
منه لله اللي زودلك جرعه البانجو قبل الحلقه..!!!
طب بالشفا
* رئيس الوزرا في رده علي نقد لعمل وزير البيئه في مجلس الشعب عمل رد دخل دماغي اوي
قالك( الوزير .... رجل بيئه بحق)
يا باشا الوزاره كلها رجاله بيئه بحق ...
بلاش نجيب سيرت حد مش موجود ممكن نتقفش هنا
*اشهر الاختراعات العربيه والاجنبيه حديثا
خلونا نبدا بالاجنبيه
1- موبايل ورقه ..يعني ورقه تمسكها فيها ارقام تتكلم وترميها
2-كي بورد ليزر..قلم تدوس عليه من ناحيه يطلع شعاع ليزر من ناحيه يعملك كي بورد افتراضي
3-عباءه الاخفاء ودي عملنا موضوع عنها في الزهره قبل كده
4- هارد الكومبيوتر بره بقي يتقاس بالتيرا بايت (التيرا بايت=1000 جيجا بايت)
5- تطويرات من النانو تكنولوجي متنوعه
الاختراعات العربيه الشهيره حديثا
عصير بوريو( محل عصير مشهور بيعمل البسكويت البوريو عصير)
كويس كويس
حجر رشيد (مش بتاع شامبليون ده حجر معسل من نوع جديد)
حلو حلو
المفتش كرومبو (شخصيه حلزونيه بتحول البشر لحلبسين كبار)
ملكش دعوه بقي بالمفتش كرومبو ده عسل يارب يمسكك ويخليك شخصيه حلبسيه
كفايه مش عامل تعليق اعقدكم بيه انا نفسي اتعقدت 
متحطش في نفسك الشوجر ماشي في البلد
تصبحوا علي خير
وانتا من اهل الخير
|
والله حلو يا تيتو
تسلم دماغك
توقيع : راناء
وشوش مرسومة بالفرحة .. تلاقيها معجونة بالبسمة .. و في رقتها فاقت النسمة . . وشوش طاهرة و برئية .. ما تعرفش تقول غير الحقيقة.. قدامها السنة تعدى كأنها يدوب دقيقة
|