|
رد: ما خجلتم يوما .. هل ستخجلون الان؟؟
[align=center]اختي الغاليه لما
بالنسبه لراس الموضوع الاصلي
فمش عارف يا لما بيجيله قلب ازاي يشارك في اقسام تانيه واخواته بيتقتلوا صاحب المشاركات ؟
انا عملت موضوع عن الحته دي واتبهدلت فيه من بعض الاعضاء للاسف كمان
بصي يا لما
مصر وسوريا ايام حرب اكتوبر استلفوا من كل البلاد العربيه
حتي الامارات كانت لسه سنه تلاته وسبعين واخده استقلالها اديتنا فلوس
وكل دول مصر كانت ساعدتهم وسوريا كمان
هي كده يا بنتي الاخوات اللي معاه انهارده يساعد التاني عشان التاني حيساعدوا بكره
ليه واخداها بحساسيه رهيبه اوي كده ؟؟؟؟؟
اللي حصل كله ان ناس مبتعملش حاجه بتشتم اللي بيعمل
لا معايره ولا الكلام الخايب ده
وبالسنبه للملل وان البعض معرفش ماله
خلي بالك يا لما انتي لما تتغاظي ممكن تنزلي تضربي جندي اسرائيلي
لكن احنا لأ احنا في ضغط وكبت نفسي اكبر منك
بنبكي ونصرخ ونقنت في الصلاه ونخرج غاضبين في المظاهرات
طب وبعدين ؟؟
الحكام عاملينا زي الولد الزوغير اللي عايز يخرج وابوه قافل الباب بالمفتاح ونايم
اخبط راسك في الحيط بقي وصرخ وزعق وكسر الدنيا برضو منتش خارج
فزي ما احنا بناخدلك عذرك لازم انتي كمان تاخدي للباقي عذره ومتحمليهوش وتطلبي منه اللي هو نفسه يعمله ومش قادر
اوعي تفتكري الموضوع سهل علي اي حد فينا ...اطلاقا اطلاقا اطلاقا
[/align]
|