منتديات زهرة الشرق - عرض مشاركة واحدة

الهيتي · 17-12-08, 10:48 PM

نكات عراقية

*** هذي القصيدة عن معاناة شاب ينتظر صاحبته تطلع من المدرسة : نسيتي من انتظرتج أول أمس .. واكف مكابل سياج المدرسة ومنحبس .. وتطك براسي الشمس.. شكد جكليت اشتريت وقرص نعناع وجبس .. سبع مرات اشتريت وما بقى بجيبي فلس .. وعيني وي مر الثواني تنتظر دك الجرس .. ودك الجرس وكل البنات تفرقت.. وما بقى غيري شخص.. سألت الحارس وكتله.. ما شفت حمامه زاهية إبّدلة عرس .. كال هاي التحجي عنها .. وي واحد طلعت من ثاني درس .. وآني من جيش المهدي .. وأبشرك بكل فخر راح ينعلس!!

*** فد يوم واحد خبيث خالته جابت ولد (بدون اذان). أمه كالتله : روح سلم على خالتك وباركلها على الولد بس دير بالك تجيب طاري ان ابنها (بدون اذان) حتى لا تجرح مشاعرها وتكلب عليها المواجع. فراح الخبيث وبارك لخالته فحين دخل سلم عليها وكالها بس لازم تكثروله من عصير الجزر حتى لا يضعف عنده البصر. خالته كالت : حتى لو ضعف البسه نظارات وحال حال أكثر من نص الناس. كالها : مو هي هنا المشكله وين يعلكها!!

*** دليمي اشترى بي ام بمواصفات خاصة، فيها الكمبيوتر يصلح كل شي من دون ما يروح الوكالة! حب الدليمي يجربها فدعم بالباب اللي عاليمين، فرد الكمبيوتر : يا أيها الباب ارجع كما كنت، فحصل ذلك. ثم دعم الباب اللي عاليسار، فرد الكمبيوتر يا أيها الباب ارجع كما كنت! عجبته السالفة قام جربها وطار من فوق الجسر!! فرد الكمبيوتر : يا أيتها النفس المطمئنة ارجعي إلى ربك راضية مرضية!!

*** هذه الابيات هي من الشعر الكردي :

إنت واحد قمر؟

إنت يحب كل نفر؟

آني ميشوف انت؟

آني يموت قهر؟

انت لو ينسى آني؟

آني يبجي مطر!

*** حشاش سلبوه سيارته. خرب من الضحك. سألوه شبيك؟ كال لو يموتون ما اسويلهم وكالة!!

*** محشش راح للكويت.. من رجع ديحجي لجماعته كللهم هااااااي شنو الكويت رهيبة شكد انبياء بيها.. نبي نروح.. نبي ناكل.. نبي نشرب.. نبي نطلع.. نبي ننام.. لو اضل للصبح اعددهم ما يخلصون!!

*** كردي كاعد من النوم كال حلمت فات بسمار برجلي. كله صديقه صوجك ليش تنام حافي!

*** محششة ضايجة، جارتها كالت هاي ليش ضايجة، المحششة كالت دزيت ابو الجهال للسوق يجيبلي فاصوليا دعمته سيارة ومات.. جارتها كالت وشّراح تسوين؟ كالت اسوي باميا وامري لله!

*** حشاش وكع من السطح فالناس التمو عليه وكالوله خير شكو؟ كال والله ما ادري, هسه تونّي إجيت!

*** استاذ كال للطلاب : اللي يحس نفسه غبي خلي يوكف. فكام طالب وكف. سأله الاستاذ : انت تحس نفسك غبي؟ جاوبه الطالب : لا استاذ, بس استحيت اعوفك واكف وحدك!!

*** مره شيخ ديمشي شاف مجموعه ديحششون.. كلهم حرام عليكم ابنائي.. كلوله وعليكم الحرام.. هلو شيخنه!