|
رد: ليه بقينا مش محترمين؟!
[align=center]السلام عليكم
امي الغاليه ماما هيفاء
دايما ببقي منتظر ردود حضرتك لانها بتجيب الجرح فين بالضبط
حضرتك كلمتينا المره دي عن القدوه الحسنه وفتحتي حضرتك موضوع تؤلف فيه مؤلفات عن التناقض في التربيه بشكل عام
زي مثلا اللي يعلم ابنه ياكل بالشوكه والسكينه وبعدين يخليه ياكل في البيت بطريقه همجيه وهو معاه وبعدها لما يخرجوا لبره معزومين لما ياكل ابنه بنفس الطريقه الهمجيه اللي اتعود عليها يجي يعاقبه انه ماكلش زي الناس المحترمين
طيب ما سعادتك علمته بس كنت بتاكل قدامه زي الهمج !!
كمان في نقطه حابب اوي اتكلم فيها وهي
بناء المثل الاعلي
-------------
ازاي اخلي الطفل من صغره عشان لما يكون شاب يختار مين مثله الاعلي
مش لازم يكون مثله الاعلي مسلم وان كان يفضل طبعا لكن الاهم انه يكون مثل اعلي ناجح في شئ نافع وازاي يكون في عند الاب والام والمدرس في المدرسه كمان ثقافه المحاوره مع الطفل او الشاب في كيفيه اختياره لهذا المثل الاعلي
وايه عيوب المثل الاعلي ده وميزاته وعلي اساس ايه اختارته ؟
علي فكره المثل الاعلي بيكون ليه تاثير كبير جدا جدا علي الحياه ما بين الطفوله وقمه الشباب حيث ان المرحله دي بتتميز بمثاليه عاليه جدا في منهجيه التفكير
للاسف في مجتمعنا العربي الاغلبيه العظمي جدا مثلها الاعلي لاعب كره او مغني او مغنيه او راقصه او فتاه في برنامج واقع !!
ماما هيفاء مستني عوده حضرتك عشان تكلمينا عن الثقه بين الاهل واولاد لاني كمان حابب اتكلم مع حضرتك فيها
وبعيد عن اي رياء او نفاق انا سعيد جدا ان حضرتك امي التانيه
اثير الصمت
اضافه جديده اضفتها للموضوع وحابب احيك جدا علي طريقه تفكيرك في طريقه العلاج للحاليين بالاضافه الي ما نتحدث عنه وهو وقايه الاجيال القادمه
لكن حابب اقول ملحوظه
انا شايف ان الاسئله والاجوبه اللي انت اضفتها يا اثير رغم فائدتها لكن هي ضررها من رائي حيكون اكتر من نفعها
لانها بتطمن اللي بيعمل الغلط والاسلوب الصح اني اخوفه مش اطمنه ان الموضوع عادي
وفي حاجتين عايز اضيفهم عشان اللي بيعمل العاده دي وقرا الاسئله واجوبتها يقرا دول كمان
الحاجه الاولي حديث النبي صلي الله عليه وسلم (لعن الله ناكح يده) واللعن هو الخروج من رحمه الله عز وجل
الحاجه الثانيه ان في المحاكم كل يوم بتداول فيها قضايا عن الطلاق والخلع بسبب ان الزوج من حبه في ممارسه العاده السريه يفضل فعلها علي ان يمس زوجته ...تخيل !!
شاكر ليك مرورك الجميل واتمني عودتك مره اخري
استاذنا الغالي حسين الحمداني
اولا يا استاذنا كون انسان مثقف زي حضرتك بيحاورني فده شرف ليه سعيد انا بيه
ثانيا نخش بقي في الموضوع
1-انا قولت ليه بقينا مش ليه هؤلاء ...لان النسب اللي في اول الموضوع تخلي اي حد من وجهه نظري يقول ليه بقينا مش ليه هؤلاء
مع احترامي الشديد لوجهه نظر حضرتك بالطبع .
2-فلسفيا 100% مينفعش يا استاذنا نتكلم عن فكره(المجتمع المئوي والمجتمع المليوني) اليونانيه في ظل السيطره المطلقه لفكره (العولمه) الاميريكيه وحضرتك اكيد ادري مني بالنقطه دي .
3-حضرتك في المجمل بتوصف اللي عندهم الخلل الخلقي من العرب بالشواذ نظرا لان قاعده الخلق العربي علي عكس صفاتهم ..
القاعده يا استاذنا تقاس تبعا لما تتبعه القاعده العريضه من الجماهير وليست تبعا للتاريخ الاخلاقي للمجتمع
ومن ثم بناء علي هذه القاعده المنطقيه وبناء علي النسب اللي في راس الموضوع
يصبح الشخص السوي هو الشخص الشاذ حاليا في المجتمع العربي عن القاعده
زي ما الولد كده قالي(انتي حتعملي فيها شيخ وانت مبتعملهاش) وهو بيتكلم عن العاده السريه
اذا القاعده اصبحت ان اي شاب وبنت بتعملها والشذوذ انك تبقي مستغرب كلمه الولد !! .
منتظر عوده حضرتك وانا سعيد بالحوار مع حضرتك
بس في الاخير حرجع اقول زي ما قالت ماما هيفاء عايزين نبحث عن حلول لاننا كمان باذن الله في الاخر -مهما طال الموضوع- حنجمع الحلول السليمه كلها اللي كلنا شاركنا في وضعها وننسقها وححطلكم ايميلات الناس الكبيره المهتمه بالموضوع في الوطن العربي
واللي زي ما قولت في قضايا حترفع امام المحاكم للتشديد علي الرقابه وحجب المواقع الاباحيه والتشديد في الكشوفات الصحيه علي الاطفال والشباب ومعاقبه من يمارس العاده السريه وكمان حتتطالب الدول العربيه بالقيام بحملات توعيه ضخمه
... طبعا في ناس ممكن تقولك كل ده حرث في البحر
الاجابه حتكون لأ طبعا دي هي الايجابيه وكفايه بقي سلبيه وحتي لو محصلش حاجه من قبل الدوله فلعل اللي حنطرحه يستفاد بيه حتي ولو بعدين الاجيال القادمه وتستفيد بيه اهالي الاطفال الصغار ويستفيد بيه بعض الشباب
والاهم من كل ده انه ربنا ميغضبش علينا لسكوتنا عن المنكر
منتظر عوده الجميع للموضوع[/align]
|