منتديات زهرة الشرق - عرض مشاركة واحدة

محمد عطيه · 07-11-08, 11:12 PM

بدايه احب اوضح ان لهجه اسكندريه اللي في الافلام والمسلسلات لهجه اندثرت من حوالي الميه سنه ومن الخيال التام انك تتوقع ان في حد بيتكلم بيها لسه لان ده مستحيل علي وجه القطع

لكن لهجه اسكندريه الحاليه هي اللهجه الاكثر ملائمه للحضر نظرا لانها بتخلو من كل المصطلحات القادمه من اللهجه الصعيديه والفلاحي بعكس اللهجه القاهريه الممتلئه بهم نظرا لان الغالبيه العظمي من سكان القاهره هما فلاحيين وصعايده مهاجريين الي العاصمه

امثله يا معلمين

خلونا نبدا ب(صوبعي) في اسكندريه
عادي رقيقه موت اهي
شوف بقي في القاهره
يا اما (صابعي) ده لو صعيدي انت يا مان
يا اما (صباعي) ده لو فلاح انت يا مان

روايه (يا صابعي ياللي مستتني) للكاتب يوسف الصباعي

انقل

(الجومه) في اليكس
سسسسسسسسسسسس جومه
شايف الشياكه

في القاهره يقولك أستيكه
وفي ناس حبت تكحلها فعمتها وقالتلك
مساحه

اموت واعرف بيجيلهم قلب ازاي يقولوا لبتاع المكتبه هات استيكه او مساحه

اي اتنين من بني ادم لما يحصل بينهم شجار

في اسكندريه من كلمه (معركه)
يقولك فولان وفولان بيتعاركوا
عااااااااااااادي الليله اهي مفيش اي افتكاس

في القاهره
يقولك بيتخانقوا
ومتسالش الكلمه دي جت منين
دي من كتر الفرجه علي توم وجيري
تحس فعلا اد ايه دارون كان عنده حق لما قال الانسان كان اصله جلده حنفيه

الست لما تلبس زي الخلايجه

في اسكندريه يقولك لابسه عبايه
عااااااااادي ناس دليكا وجانتي جدا الاسكندرنيه

القاهره يقولك
(جلابيه)
علي نفس نظام اه يا واد يا ولعه

في اليكس يقولك نص جنيه عادي جدا
في كايرو الناس واخده عالزحمه ودي حاجه بترجع لبرمجه العقل الباطن
فيقولك خمسين قرش

خش بقي عالتقيل يا معلم الاكل
ده مسخره المساخر بقي اتفرج يا برنس وقولي مين احق يبقي العاصمه بالذمه ههههههههههههههههههههه

طبعا لازم نبدا بالكوسه اللي القاهراويه واخدين نفس النطق الياباني للكلمه بحيث انك تعمل فتحه وضمه لحرف الواو في نفس ذات اللحظه وتطلق لفتحه بقك العنان
طبعا فلاحييين وفاكسانين كمان

الطماطم في اسكندريه جايه من توماتومز عاااااادي
يقولك في القاهره اوطه
(حقيقي نو كومنت عالفرق ههههههههههههههه)

العسل الاسود بالحلبه

الاسكندرانيه قالك(حلبه معقوده)
مفيهاش اي حاجه اسم لطيف

القاهره قالك
(مفتئه)
لا اجد ا العظيم سعيد صالح
مفتئه يا ابن المفتئه
(طبعا فرق الاسامي بين الحضر والريف واضح جدا ..ولسه ولسه ولسه)

الاسكندرانيه يقولك (عسليه)
القاهراويه بكل صفاقه وقله ذووق يقولك
(نداغه)
تخيل وحياه ابوك العسليه تتحول نداغه
ده انا بطلت اكلها من يوم ما عرفت اسمها القاهراوي

لقمه القاضي في اسكندريه
شايف الاسم سلس ازاي
يتحول ازاي متعرفش في القاهره الي (زلابيه)

الاسكندرانيه يقولك
بمبوني

القاهراويه يقولك ارواح (حصلنا الرعب)

العلكه بالعربيه الفصحي

الاسكندرانيه ناس سمباتيك موت يقولك (مستيكه)
وفعلا كلمه مستيكه تحسسك ان داخل سوبر ماركت محترم حتجيب ترايدنت او تشكلتش

القاهراويه يقولك لبااااااااااااااان ههههههههههههههه
طبعا تحس انك داخل عند عطار يا اما حتاخد لبان دكر او لبان سماره

الاكلير في اسكندريه
اكلير يا جدعان عادي جدا

يتحول في القاهره لطوفي هههههههههههههههه

حلاوه الدقيق في اسكندريه
شوف الاسم والنبي سسس حلاوه دقيق

يقولك في القاهره (سد الحنك)
اقول فيكم ايه وانتوا فيكوا كل العبر ههههههههههههههه

في اسكندريه يقولك جبنه مثلثات مفيش اي اختراع

القاهراويه يقولك جبنه نستو
حد يقولي ابوس كعب رجلكم بيجيبوا الاسامي اللي يعدموها دي منين ههههههههههههههههه

بصوا بقي حته مهمه اوي
التركش بالانجليزي كل مصر بتقول عليه ديك رومي
لكن معني اسمه بالانجليزي ديك تركي
اذا الجبنه اللي جايه طريقتها من تركيا اصح انها تتقال جبنه تركي زي اسكندريه
مش جبنه رومي زي ما الفلاحيين بيقولوا هههههههههههههه

الفلافل في اسكندريه
فلافل جايه من فول عاااااااااااادي جداااااااا
في القاهره يقولك طعميه
دي جايه من صلاح سالم هههههههههههههههه

بمناسبه الاكل بقي بالمره

القاهراويه يقرفوا اوي اوي لما تقولهم صنيه بطاطس بالسمك

بصوا بعيد عن ان القاهراويه محدوفين عالاخر لانها اكله جامده وهم اساسا
فاصلا بصوا بقي علي اكلهم واحكموا انتوا

اولا الفول بالزيت الحار في القاهره
ومفيش اي كتاب علي مستوي العالم يقدر يقولك ايه هو الزيت الحار لانه ببساطه الحكومه بتديهم زيت عربيات ومفهماهم انه للاكل وجامد وكده

طبعا اي اسكندراني متعود علي زيت دوار الشمس او زيت الزيتون لما يعمل الفول وبيلاحظ فرق رهييييييييب لما ياكل الفول القهراوي وده بسبب الزيت يا برنس

كمان القاهراويه وشوف حكمه ربونا يا مؤمن شوف حكمه ربونا
بيعملوا المكرونه سندوتشات
والكشري سندوتشات
ولا حول ولا قوه الا بالله

خش بقي عالحاجه اللي تخليك تبات في التويلت يومين بلياليهم من القرف

تخيل يا عبد الله
بيعملوا الفته ام عيش وتوم عاااااادي زي كل مخاليق ربنا
بيعملوها بصلصله (ييييييييييييييييييييييييييييييييييييييع)

كلمه لكل اسكندراني
طبعا القاهراويه بينطولنا كل صيف زي عفريت العلبه يقرفوا في ابونا لحد بدايه الدراسه وتبقي زياده الطينه بله لو العيد جه في الصيف
وتلاقي المحافظه اللي مفيهاش ورقه مرميه عالكورنيش بتاعها طول الشتا جت عليها قبائل المغول والتتار زحمه بشكل يجيب الضغط
واستلم بقي قشر لب في كل مكان واكياس معرفش ايه وسندوتشات مرميه
والبحر نفسه اللي بيبقي شفاف طول السنه
يجي الصيف لما القاهراويه ينزلوه تلاقيه بقي لونه ازرق غامق
اموت واعرف هما فاهمين البحر غلط ليه ههههههههههههههههههههههه
وتلاقيهم عمالين يغرقوا عالشط ومبيعرفوش يعوموا بيعملوا برمجيه وصيع عالفاضي هههههههههههههههههههههه
وكان الموضوع عقاب الهي
وبطلب من السيد رئيس الجمهوريه يعمل لا مركزيه في مصر عشان المحافظ يقفلها في الصيف مش عايزين وجع دماغ ان شاله سنه واحده

طبعا القاهراوي ممكن يشتغل سعادتك يقولك انا اسكندراني
حيتقفش في ساعتها
استعمل معاه

نظريه (ميستينظيرينها) للدكتور سعيد صالح

قوله الاهلي عمل ايه انهارده يا ابو الكباتن ؟؟
حيقولك كيسب اتنين صفر (اسمها كيسب يا اقول ايه بس اقول ايه )

مش حينطقها زيك يا اسكندراني كاسب او زي الفصحي برضه تؤ تؤ حيقولك كيسب
الغريب في الامر انك حتلاقيه هو اللي بيتريق عليك هههههههههههههههههههه
اهدا متنفعلش
لكن اذا راه احدا منكم في المعركه فليقتله فورا هههههههههههههههههههههههه

لو جيت تكلم بنت في الصيف قالتلك زي الفلاحيين
(انا بتكيسف مش بتكاسف )
اعرف اتوماتيك انها من معسكر الاعداء ههههههههههههههههههههههه

واستكمالا لنظريه (ميستينظيرينها)

حتلاقيهم ياعم بدل حوسام يقولوا حيسام
وبدل سوهير يقولوا سيهيير
وبدل عالاء يقولك عيلاء(كيسبت يا ابن الفقريه-خدت بالك من كيسبت-)

وبدل عاصام يقولك عيصام

من نظريه (ميستينظيرينها) بنلاقي التفسير العلمي الوحيد لمعاناه الغالبيه العظمي من سكان القاهره من مرض (الميستينظيرينها) كفانا الله واياكم